اطخــم دقرت الظروف في وجهـه ---->>> الجزء الثاني
(( 3 ))
تعشيت انا وزينوبتي ورقصنا .. وفلينا والديها ويوم جت الساعة ثلاث الفجر واثر البنت بدت تنعس .. قلت امشي أوديتس للفندق حقتس نومي وتليّني وارتاحي فيه يابعد طوايف اهلي ولاتخافين انا مانيب طاير بتلقيني باتسر واللي عقبه وبأستمر وياتس لين تملين مني.. قالت اوكي حيوواااتي ( بالبحريني هههه )) وديتها الفندغ ( برضو بالبحريني هههه )) ورجعت لفندقي وماااش ماجاني النوم .. قمت اتحقرص واتململ في مرقدي ولا جاني نوم قاعد أفكر بزينب لوها جنبي نلعب أونو ! !
طلعت أتمشى مع نسمات الصباح العليل . . نصوني بنتين وقعت لهم على اوتوجراف وعطيت كل وحده بوسة وكملت دربي .. مرت جنبي اسعاف وانا ماشي .. يوم التفت الا والقى هالاسعاف تشيل وحدتن من هالبنتين اللي عطيتهن جغفة مسيكينه ماتحملت الموقف والله لايلومها !
من حارة لحارة .. والناس تتفرج علي كالعادة .. دخلت في حوراي قديمة في جنوب بيروت .. تسنها السبالة حقتنا بس الفرق ان مافيه طرارت يسدن نفسك .. ايضاً مافيه محلات اواني منزلية هههههههههههههه لعنبو بليس شارع السبالة لو يغيرونه ويسمونه شارع المطابخ أصرف !!
لمحت لي بيت غريب طالعه منه دخنة وغبار وعجاج فوسفوري .. وأصوات زي اصوات الترانيم حقت الكنائس .. قلت أدخل أشوف واستكشف .. يوم أقبلت على هالبيت المهجور إلأ وألقى عند بابه قطوتن سوداء قالت ميووو ميوووو ثم اختفت بسم الله علي ..! طبعاً وقتها أنا مافكرت في اختفائها ولا حتى خفت .. بس كنت متحسف أني مالمختها بأقرب حصاة لأننا حنا يالقراوى من مصادر سعادتنا في هالدنيا هو الطردي ورى القطاوة وتعذيبهن ..
دزيت الباب وقمت أويدز ... وألقى عجوزن جالسة قدام الضو وتسوي حركات مثل حركات المشعوذين ... وتفاجأت يوم قالت أدخوول يابو سارة ! بسم الله الرحمن الرحيم من وين جبتي اسمي ياعجوز الجن ! ناظرتني قالت أنا بعرف كوول إشي .. يوم جيت قدامها واثرها مريم نور اللي تطلع في تلفزيون نيو اللبناني .. قلت ماشاء الله عليتس يامريم أجل تعرفين كلش .. ساحره من ورانا يالخسيسة انتي وجلستس ذي قسم بالله من شافتس قال عفريتة ددسن خخخخخخ .. ناظرتني وقالت عم بتذب يا أزعر ؟ كعيتها ضحك وقلت ايه حنا ياحقين ***** الله يجيرتس منا نمشي ونذب (( ماخذ مقلب عنيف الأخو )) .. إلا بالله وش آخر نصباتس يقولون انتس تقولين البردقان يجيب السرطان لعنبو بيلستس وش بقى ماناكل كل شي حطيتي فيه عذروب خخخخ ... ماااش قفلت اخلاقها وناظرتني و قالت أقعد الله يلعنك انت و**** او ظف وجهك تراك بغثرت تسبدي ! قلت الا مادامتس تعرفين كلش تكفين شوفي مستقبلي وش يقول .. قالت لحظة .. وقامت تحط بخور على النار وتمسك يدي وتشاهق ثم قالت : مستقبلك غامض مع زينب اللي تحبها !! لحوووول يا مريم وش غامض تكفين شوفي حل هماتس تعرفين كلش .. قالت راح يجي فارس أحلى منك ويخطف قلبها منك !! قلت تكفين يا بنت نور وش الدبرة دبريني ولتس اللي تبين .. اسحري هالفارس الاطخم واقلبيه زي القطوة اللي عند بابتس أو خلي واحدن من اهل بسم الله يذبحه (( نسيت أقول لكم اني جميل وثقل ونذل بعد !! )) .. قالت لأ ما بأدير لأني ماعم بعرفوو .. لكن فيه حل راح يكلفك فلوس إكتير شو رأيك ؟ قلت شورتس وهداية الله يا عجوز قريح ..
غابت عني دقايق ثم جت ومعها قرعة .. قلت لها وش هالقرع يامريم أكيد جايكم من سدير ..ورحت في نوبة ضحك عنيفة جايزن لي تعليقي الساخر اللي مدري وش يبي .! أشمأزت ملامح وجهها وكأنها تقول وش الله بلاني بهالماصل ... اسمع ياابني هاي قرعة صح .. لكن فيها سر السحر الأعظم .. أجدادي كابراًً عن كابر توارثوها .. أسمها" قرعة الأقنعة " .. راح أقرا فيها تعويذة خاصة ومن بعدها تجي تظغط واحد من الزرارين اللي فيها ..قاطعتها وتسائلت :زرارين في قرع الله يا إنتس تسمعين بالأكشن .. قالت لاتكثر هذرتك وبربرتك .. واحد من الزرارين راح يقلب جمالك فورياً للضعف .. وتطلع أجمل من هيك بكتييير .. والازرار التاني راح تفضل على حالك وماراح يتغير فيك إشي وانت ونصيبك .. موافق؟ قلت قدام الله يلعنتس انتي وهالجدايل ياباجيو خخخخخخخ سفهتني انا وذباتي المعوقة وقامت عند النار ومعها القرعه ..
بدت مريم نور تقرأ التعويذه .. وكل شوي صوتها وترانيمها ترتفع زود .. وتشاهق وتدعي .. قمت استخف دمي قائلاً : ماتخلون عنكم المهايط يالسحرة دخان وتعويذات ومدري وش بعد .. يعني بتقنعيني ان هالمشاهق والنفخ له لزوم خخخخخخخ اموت واعرف متى تعقلون وتسحرون بهدوء ياحبكم للإزعاج والمهايط وقعدت اضحك وعند نفسي اني هزأتها بعنف..! ناظرتني وحطت اصبعها على اثمها يعني أنثبر !
بدأ الدخان يعلى فوق والقرعة تتحرك والنار تزداد ..ومريم نور تدعي وتصرخ مدري من تنادي .. رجعت استظرف : خخخخخ مريم بالله لايكون هالجني أصقه يومتس ترفعين الصوت .. إلا بالله وش يقرب لتس محمد نور؟! ايه ايه الحين رعد وعواصف والرياح بتهب علينا عارفن شغلكم وهياطكم يالمجعر هههههههههه وقفت مريم التعويذة والتفتت علي وهي في حالة تشنج من مصالتي ويالله تتحكم في أنفاسها من العصبية وقالت : م ن - ش ا ن الله من شان الله أنطم شوي خلني أعرف أسحر ..
رجعت تدعي في هالقرعه وتهز عمرها وتنتفض وتنفخ فيها وتكب عليها رماد والدخان واصلن سقف الحجرة ..
هاجت قريحة البثارة عندي واستكملت تعليقاتي اللي زي وجهي وقلتلها: يابنت نور ترفقي على عمرتس لايطق فيتس عرق .! أجل فارس أطخم ياخذ زينب مني والله مايخسي الا هو ملعون الصلايب..ثم استطردت : ههههههه وش عندتس ياعجوز قريح متحمسة مع هالقرعة شوي شوي بالهداوة .. عارفن وش راح تسوين بعد شوي أكيد بتجيبين عصا مكنسه وتطيرين عليها زي السحرة اللي في افلام كرتون صح ؟ ماقلت لتس ياكثر هياطكم خخخخ ما أمداني أتم جملتي هذي الا ومريم جادعتن القرعة وناصيتني وهي تضرس.. قالت لي وهي تفصخ زنوبتها .. قسمن بالله كلمة ثانيه يابوسارة لأخبز هالزنوبة في جبهتك الله يلعنك من وين طلعت لي خمسين سنه اسحر في هالمكان ماقد جاني واحدن بثر مثلك .. كلمة ثانية ثم أقلبك قرعة انت فاهم لابو لابوشكلك الله يعظم أجر اللي تحملتك في بطنها تسعت اشهر !
ألبدت في الربعة وانثبرت ألين خلصت من تعويذتها وجتني .. قالت امسك القرعة وانت وحظك اختر زر واظغطه ونشوف وش يطلع لك وكلمة ثانيه ترى بالنعلة .. قلت هدي اعصابتس ياماما نور تراني حسبت واحدن من عيالتس قالت والله لو انك ولدي كان سحرتك عنز من زمان!! قلت عنز مرة وحده لا يامريم فالك ما قبلناه <<< مدري وش سنع هالكلمة بس اني سمعت امس حياة الفهد تقولها في التلفزيون وحسيت ان هذا مكانها !! ..مدت لي القرعه وقالت انهج واظغط زر وظف وجهك عني ولاعاد تطب هالمكان يا ملعون الجدف ..
سميت باسم الله وظغطت الزر الأحمر .. من بثارتي ماصبرت لأني ماحسيت بتغير .. قمت همزته ثانيه يوم شوي الا وراسي يلف ويلف ويلف دقيقه كاملة ثم وقف عن الهز ! أول ماوقف راسي عن الهز طاحت عيني بعين بنت نور وحسيت أن وجهها ماااش تقزز ! رحت للمراية وناظرت جمالي اللي بينقلب ضعف .. مااش مهوب انا هذا ؟ من ذا الخال ؟ وش هالملامح ؟ الله ياقرب انها ملامح واحدن اعرفه مهوب غريب علي .. ياماما نور هذي ملامح يوسف جازع وين ملامحي الاولية ! ناظرتني وناظرت القرعه ثم حطت راسها على جبهتها وقالت آآآآخ نسيت أحذرك من لمس الازرار مرتين لأنه يقلب خواص القرعه الايجابية الى خواص سلبية ! قلت الله يلعنتس دبريني وش الحل ... قالت للأسف القرعة ما يستعملها الشخص الواحد الا مرة كل عشرين سنه .. وانت الله يهديك من بثارتك ومصالتك وبربرتك خليتني أعصب ونسيت أحذرك من لمس الازرار مرتين ! راجعني بعد عشرين سنه . وركبت على عصا مكنستها ناوية تنحاش .. قلت وين وين مااتفقنا على كذا يا بنت نور .. قالت تبي الصدز ؟ والله اني مزديتن فيك يا البثر فمان الله .. خنقتني العبرة وسألتها : مريم بالله دققي فيني وقولي وش تشوفين ؟ قالت والله ما أشوف إلا قطعة خال .. دخلت علي تسنك أفغاني تلق من البياض .. بس مااش شكل مخبزك انفجر فيك يالافغاني خخخخخخ قلت تذبين يامريم علي وانا في هالحال !! قالت ولا عندي فيك ياالملعون أصلاً أنا من كبيرات العيارين في ساحة الاقلاع فرع لبنان !! ووووزززززز طارت وخلتني لحالي وانا ويوسف جازع .. قصدي انا ووجهي !!
منقووول من ايميلي :22ar:
مواقع النشر (المفضلة)