أسألك باللي حط بك سحر الأهداب
رسمتك
رسمتك نون في عيني كأنـي للخيـال خيَّـال
وكأني بعد ما أَصحى أَشوفـك وردة بيدينـي
من أَول ما نبض قلبي لقيت الحب بك ترحـال
ولقيت النـار فـي بـردك تبعدنـي وتدنينـي
وقلت إني على دربك أبضرب للعشق أمثـال
أبضرب شي في الدنيا قطفتـه مـن دواوينـي
كفاية إني عرفت دربك ولا همي أنا لو طـال
حلفت اني أبد ما توه لـو ضاعـت عناوينـي
--------------------------
عصفورة
لك وحشة في خافقي مالها وزن
تغطي حدود الكون وتفيض ببحورة
همسك على قلبي مثل رشة المزن
وزولك مثل برق خطف عيني بنورة
غنت لك بلابل لهفتي شوق وحزن
وبكلمة اشتقت لك غردت الف عصفورة
--------------------------
ياحلوتي
ياحلوتي..مافاد حزني..ولابكاي
ولافاد دمع..لاجل عينك..بكيته
ليتك قتلتي أول الحزن....جوّاي
ماكان قلتي : بسألك..مانتهيته
جيتك وشايل في ضلوعي هداياي
وحلم كبير..ومن جروحي..بنيته
ماعاد تغري ضحكة الحب..بشفاي
من يوم ماصك الأمل باب....بيته
--------------------------
هيـه
ياهيه ياللي ماخذك عنّي .. إغياب
القلب بعدك ياترى ..... وين اوديه !؟
اليّا متى حنّا مع الناس .... أغراب !؟
والحب .. يدعينا ولااحد .... يلبّيه !؟
أسألك باللي حط بك سحر الأهداب
واللي رسم في مبسمك سالفة تيه !
ودي نكون بعالم الحب .... أحباب !
واليا سألتك ( ودك نكون ؟) قل: إيه !
--------------------------
شف لي طريقه
تعبت انا أنثر هم قلبي...على الناس
وتعبت ادور للحقيقة .... حقيقة
يلعن ابوه .. شعور .... لابوه إحساس
لاجيت أسوي من جراحي " حديقة "
شف لي طريقة لاغدى دربنا.. ياس
تعبت انا ترديد..( شف لي طريقة )
ماعاد ياسع للحزن أي.......كرّاس
وماعاد قلبي يحتمل ... أي ضيقة
شفني رشفت من الغرابيل كم كاس
والصبر مابلّت أمانيه ......ريقه
-------------------------
وداعة الله
سجيت رجلك..و النوايا طليقـه
والله يسهلهـا على ما بغينـا
عندي حكي .. إصبر بأقوله دقيقـة
وش معجلك .. دامه خلاص إنتهينا
ليـه الحزن غطا عيون الحقيقـة !
وصرت أتخيـلنا..مثل مابدينا؟
وداعة الله .. ياليدين الرقيقـة
والله مادري..تذكر إللي حكينـا !؟
-------------------------
ياللي جبين الصبح من مفرقك لاح
ليتك تركت الليل يملا سمايه
كان الهنا ما جا حياتي .. ولا راح
ولا فقدت اليوم نورك هنايه
جرحتني يامداوي الجرح بجراح
وأنا أحسب إنك صادقٍ في دوايه
وكانك على جرح المحبين ترتاح
إرتح .. قطعت اليوم تالي رجايه
وابشر ترى روحي نست كل الأفراح
وتهدمت تبكي عذابي معايه
-------------------------
شوفي سواد الليل هذا احتواني
أخذت من جوره بلاوي كثيرة
إنتي سألتي : ليه دايم اتعاني ..؟
وش سر مطلع هالدموع الغزيرة ?
ودي أجاوب بس وين المعاني ؟
اللي توضح تجربات مريرة !
أقول خليني من اللي دهاني
خليني اسلى لو ثواني قصيرة
-----------------------
كثــــر الـــنهـــــار أشــتـــاق و إنــتي بعيـــده
الــــين أشــــوفــــك كثـــر ما تـــنبت أشجـــــار
ومــثـــل الــرمــــال أحــس روحــي وحــيــده
الي أجـــدبت عامـــــــين مـا طــــاحت أمـــطار
طـــال الـــســــهــــر والـــليل ينـــزف وريـــده
في صــدري اهمـــــوم وهـــواجـــيس وأســرار
كــــل الــحــــروف المـــبـــطيـة والجــــديــده
تطــري علي لاشـــك فـي شــوقـــي احــتــار
قبــــل الـــورق وانـــتي فـ بـالـي قـصـــــيده
وبعـــد الــــورق ضيــعــت أنــا كـــل الأشـعـــار
----------------------------
((ودنا بالطيب)) بس الدهر جحـاد طيب
كل ما تخلص مع الناس كنـك تغشها
يدك لامدت وفاء لاتحرى وش تجيب
كان جاتك سالمه حب يـدك وخشها
كل ماشبيت نار المحبـه مـع حبيب
قام يسحـل فـي مشاهيبهـا ويرشها
وكل ما واجهت لك فالزمن وجه غريب
مثل ماقال المثـل دام تمشـي مشها
وذمةٍ ماهيب تنـدار للحـق المصيب
جعل قشاش الحطب لاسـرح يقتشها
----------------------
هذا إنتي ..!
ماتغيرتي كثير ..!!
تاخذين " الصبح " من كفه !
ومن كفه أطير !
وتقلبين الريح مشهد : من مواويل وعبير !
وهذا أنتي تسأليني : صح أنا وحدي الأميرة ..!
وانت لي وحدي .. الأمير !!؟
ماتغيّر أي شي !
" بس أنا أحبك كثير "
------------------------
تعبت ادور بين الاحباب .. أحباب
تعبت أنادي ياترى وينهم فيه ؟
الحظ عوّدني على .. قفلة الباب
والعمر يجري بي ولا اقدر أجاريه
قالوا : ولايسوى الأمل حفنة تراب
هو فيه أمل جاني وانا قلت : مابيه ?
--------------------------
احاول اني افوت واغطي عنك اخطاك
حسافه فعلتك تمحي كتاب الحب بقلامي
خيانة ماحفظت العهدامانه وش تبي ارجاك
كفايه ماحصل منك كفايه اعيش باوهامي
رجيتك تبتعد عني طريقي غير عن مسعاك
حياتك كلهاأخداع وكذب وزور متنامي
تألـــــم وابتعد ارجوك عسى جمر الغدر يصلاك
عساك اتشوف عذاب الحب وتعرف مصدر الامي
---------------------------
أنا ما لوم و كيف الوم قلب(ن) مايسدالباب
وكيف أصبر على جرحك وأناجي لمسة ايدينك
اقدره ظرفك القاسي وشوقي هايم(ن) منساب
يلحفني ظما ليلي ودمعي يرتجي عينك
برغم البعد أناأدري المسافة ما تصد احباب
ولا تمنع لقا روحي بروحك في بساتينك
أمني غربة أيامي وأواسي شمعي الي ذاب
على باب انتظار الفرح ونادي فرحتي وينك
وامد كفوفي العذرى بتلمس هامتك وارتاب
واقول افحلمي هذا حلم واهمس بينك وبينك
على هذا الامل ابقى وتطوى صفحتي بكتاب
وكل ورقة تمر تاخذ من سنيني مع سنينك
بظل احيا حكاية خل ابد عن صاحبه ما تاب
تبات حروفي العطشى تخيط التاج لجبينك
---------------------------------------------------------
ريم:24ar: :24ar: :24ar:
مواقع النشر (المفضلة)