بعد ما تتزوجين ليش مب بعد ما تتزوج
السلااام عليكم أخواتي و أخواني التماسيح و السحالي
جبت لكم اليوم موضوع ياريتكم تعطوني رايكم فيه ويالله خلونا نقرا ..
بعد ما تتزوجين .... بعد ما تتزوجين .... بعد ما تتزوجين
هذي هي الكلمات إلي تسمعها البنت من أهلها مب كلهم البعض منهم يوم تقول مثلا : ( يمه أبي أحط مكياج في عرس بنت خالتي ) طبعا ترد عليها : أقول بلا مصاخه.
انا حطيت لكم هالمثال مب لأني كذا بالعكس بس كتوضيح لأن في نااااااس كذا .... المهم ليش يوم تقول البنت هالكلمه تحصل نظره من أمها وتتحسف إنها قالتها أو إنها يوم تفتح معاها موضوع إنها راح تتناقش معاها فيه تقوم تسكره و إذا إستمرت البنت قامت الأم عصبت وسوت فيها سالفه.
هذا في الأمور العاديه إلي تخص البنت من مكياج و لبس ، نجي لأمور المطبخ إلي ذبحونا فيها أهالينا قومي دخلي المطبخ عشان يوم يجي الرجل ما تفشلينا ..<<< طيب هو جا عشان أطبخ ..
قومي طبخي الغدا عشان أهل زوجج ما يقولون إننا ما عرفنا نربيج زين ..<<<< وينهم أهل زوجي متى جاو
ومن هذي الكلمات تنصب على البنت طيب مب إنتوا تقولون حطي هذا بعد ما تتزوجين لبسي هذا يوم تروحين بيت زوجج كل شيء بعد الزواج شمعنا الطبخ إلي لازم نتعلمه قبل، هو يوم جا يخطبني جاي لي أنا ولا جاي لطبخي ، راح تقولون تعلمي حق نفسج بماشيكم و بتعلم بس أنا ما راح أستفيد منه .. وبعدين انا عندي فتره من الملكه للعرس أقدر أتعلم فيها كل إلي ابيه .
ومثل ما قلت من قبل إنت يالولد يوم تقول لأمك يمه زوجيني كنت تفكر في البنت ولا في طباخها ؟
وبعدين شنو الشيء إلي أهلكم يقولونه لكم سويه بعد ما تتزوج أو سويه وتعلمه عشان زوجتك ؟ مافي.. اللهم إنك تشتغل و تكون أخلاقك زينه عشان يوم يسؤلون عنك أهل العروس نفس الشيء البنت الأخلاق والشغل
و الحين قولولي شنو رايكم في هالموضوع .. ولا تنسون تفتحونه مع أمكم و خواتكم وهم بعد هم شنو رايهم فيه
و إنتوا يا التماسيح ممكن تجاوبوني ..
على سؤالي ؟
إختكم : عصفوره الدلوعه
مواقع النشر (المفضلة)