حبيـبـي يا بخيــل يا أنــانــي...
أخذتني من سعادة زماني
حرقت بداخلي أحلى الأماني
تركتني أسيرة حزني والأغاني
تركت بداخلي جرح أدماني
حبيـبـي يا بخيــل يا أنــانــي...
سلبتني من عالم وحدتي والإنعزال
يوم أوهمتني بعشقك والوصال
أخذتني من واقعي لعالم خيال
عيشتني بأحلى جنون قصيدك والارتجال
حبيـبـي يا بخيــل يا أنــانــي...
ياما من حنان روحي ارويتك
ياما مسحت همك وسليتك
ويوم تعذبت بسبب هجرك.. ما لقيتك
مشكور .. هذي جزات ما عطيتك ؟!..
حبيـبـي يا بخيــل يا أنــانــي...
أعطيتك حاضر عمري والأمس
اسكنتك حب قلبي والحس
وليتك بشوق قلبي تحس
ابي قربك حتى ولو بالهمس
حبيـبـي يا بخيــل يا أنــانــي...
يا مصدر شوقي وإلهامي
يا ساكن نبضي وأحلامي
وهبتك سعادة عمري وأيامي
وكافأتني بجرح قلبي وآلامي
حبيـبـي يا بخيــل يا أنــانــي...
بخلت علي شوفك حتى في الأحلام
يوم بخلت على عيني ذوق المنام
حرمت قلبي سعادة الأيـام
واسقيتني مر عشقك والهيام
حبيـبـي يا بخيــل يا أنــانــي...
يوم حبيتك بكل صدق واقتناع
تركتني أعاني الذل والضياع
حتى في رحيلك.. رحلت بصمت ماله سماع
واستكثرت عليّ حتى لحظة وداع
بخيل وأناني حتى
فـي
غيــابــك
بخيل في كل شي حتى
فـي
وداعــــك
دمع الزهر
23/7/1427هـ
مواقع النشر (المفضلة)