الى من فقد أعز انسان (يتفضل)

**احلى دلووعه** · 18-08-2006, 06:04 AM

السلام عليكم ورحمة الله وبركاته:45ar:
هذا اول موضوع لي في هالمنتدى ومنقول

الى كـــــــــــــــل من فقد أعزز انساان ..لكـــن أتمنى أن اللي قلبه مايطاوعه يطلع

الى كل من فقد أعز أنسان (أمــــك ،أبـــــــــوك ، أخـــــوك ، صديـــق عمرك ،.......)

ان كان لموت أو فراق أو خيانه ... نتمنى تبين لنا أحساسك يومها ونعرف شعور اللي مثلك أنا والله شايله هم كيف ووش بسوي بدون امـي او ابوي كيف ابتركهم يخلون الدنيا وأنا موجوده لأنهم مصدر الحنان

من هو الشخص اللي قفدته ؟؟

ووش سويت يومها ؟؟

من علمك ؟

هل مازلت تذكر كلامه ؟

وش اكثر شي يذكرك فيه ؟

وش تتمنى تقول له ؟ ان كان عندك ؟

وش تعطيه الحين ؟

بأيش شعرت بعد ماتركك؟

هل مازلت تعاني ؟

كيف حالتك أو ماعرفت .(بالتفصيل)؟

هل في شي من أغراضه تحتفظ فيه ؟

الناس اللي حولك تعايشو معاك ؟

لأي حد فقدته ؟

هل تتمنى تلحقه ؟؟

أي موقف حصل لك معاه ؟؟

هل دموعك مازالت تنزل ألما على فقدانه ؟

كيف تغير حالك من بعده ؟؟

هل مره شفته بحلم ؟ ووش الحلم ؟

.. وش تهديه ؟؟

أخـــــــــــــيرا ...
ان كان ميت !! ((ادعي له .. وان شالله في الجنه ))
ان كان حي !!((لاتنسى ان مصير الحي يتلاقى ))

سلااااام ((منقوووووووووووووووووووووووووووووووول ))
اتمنى مايصير مكرر

**حياة بلاحياة** · 18-08-2006, 06:20 AM

وعليكم السلام ورحمة الله وبركاته

من هو الشخص اللي قفدته ؟؟ الوالده الله يرحمها ويغفر لها

ووش سويت يومها ؟؟ مااقدر اسوي شي غير دموعي ومن يقدر يمسك الدمعه ؟!!

من علمك ؟ علمتني خالتي

هل مازلت تذكر كلامه ؟ أكيد

وش اكثر شي يذكرك فيه ؟ لما ارجع من المدرسه ومالقى احد اسلم عليه .. احد يسألني عن الدراسه .. لما اسهر بلحالي ومحد معاي لما اشوف غرفتها لما اذكر ايامها .. لما اشوف احد مع امه وانا من غيرها لما أسمع كلمة (يمه ).. لما يجي يوم واشوف ابوي مع زوجته الثانيه .. لما اتغدى بلحالي .. اشيا كثير كثيير

وش تتمنى تقول له ؟ ان كان عندك ؟اتمنى كثير ودي احب راسها وانطق ((يمه مرا ثانيه )) وأظمها وأحبها وأقول لها الله يخليك لي
واحاول ارضيها بقد مااقدر

وش تعطيه الحين ؟أعطــــــــيها دعائي ومايمر يوم ماادعي لها

بأيش شعرت بعد ماتركك؟بــاوحده ،، الغــربه ،، الحزن ،، المراره ،، الألــم ،، اليــــاس ،، فقد ت حنانها صدقيني مااقدر اوصف

هل مازلت تعاني ؟كثير كثييير

كيف حالتك أو ماعرفت .(بالتفصيل)؟ كنت بالصاله مع خالتي وامي بالمستشفى طولت جا أخوي يبكي يوم سألته خالتي عن السبب ظمها وقال الوالده الله يرحمها ... انا مااستوعبت بالأول لكني فتحت عيني على سريري في حظن خالتي وهي تقرا علي قرآن.. كان مغمى علي بس ليتني ماقمت من بعدها

هل في شي من أغراضه تحتفظ فيه ؟
ساعتها والشيله اللي كانت تحطها

الناس اللي حولك تعايشو معاك ؟
اول ايام العزا أحس بتعاطف اما الحين كل شي تغير

لأي حد فقدته ؟
مـــــــــــافي حد

هل تتمنى تلحقه ؟؟ أتمنى

أي موقف حصل لك معاه ؟؟
كيف بيصير موقف وأنا طول حياتي بقربها

هل دموعك مازالت تنزل ألما على فقدانه ؟
مازات

هل مره شفته بحلم ؟ ووش الحلم ؟
أي ثلاث مرات لكن أعتذر عن اني أقول الحلم

كيف تغير حالك من بعده ؟؟
تغيرت عيشتي .. نفسيتي .. تعاملي مع الناس شكلي .. صحتي كثير
.. وش تهديه ؟؟
أهديها دعااااء من قلبي

(اللـــــــــــــــــــــــــــــــــــــــه يغفر لك ويسكنك فسيح جنــــــاته ))

أشكرك يالغاليه ونصيحه حاولي ترضين اهلك

:.:.:.:.:.:.:.:.:.:.:.:.:.:.:.:.:.:.:.:.:.:.:.:

**رمــاد انــسـ 1 1 1 ن** · 24-08-2006, 08:27 PM

[align=center]احلى دلووعه مشكورهـ ع الموضوع اللي يعور القلب

صغيره بس خطيره الله يرحم امك ويغفر لها ان شاء الله واموات المسلمين

ــــــــــــــــــــــــــــــــــ

من هو الشخص اللي قفدته ؟؟ اخووووي وصديقي

ووش سويت يومها ؟؟ ماصدقت كني مجنون مدري وين اروح

من علمك ؟ ولد عمي

هل مازلت تذكر كلامه ؟ كل كلامه اتذكره خاااصه اذا كنت بالمزرعه اتخيله قدامي

وش اكثر شي يذكرك فيه ؟ طيبته وقلبه الكبير ومن الاشياء سبحه قد عطانيها

وش تتمنى تقول له ؟ ان كان عندك ؟ اتمنى ادري وش كان يبغاني فيه لانه قال نادوه يعني انا

وش تعطيه الحين ؟ ادعي له وحجيت عنه

بأيش شعرت بعد ماتركك؟ احس انه تركني فغابه مدري لمن اروح كنت دائما معه

هل مازلت تعاني ؟ بقووووووووووووووووووووووووووووووووووهـ

كيف حالتك أو ماعرفت .(بالتفصيل)؟ حسيت اني بحلم لدرجه غسلت وجهي ولا صدقت الا يوم شفته بالمغسله الله يرحمه

هل في شي من أغراضه تحتفظ فيه ؟ كل اغراضه عندي ومستحيل افرط فيها على كثر اللي يقولون ارمها عشان ماتتذكره وانا مانسيته اصلاً

الناس اللي حولك تعايشو معاك ؟ يعني مو مرهـ

لأي حد فقدته ؟ لدرجه اني حسيت ان الدنيا وقفت خلاااص

هل تتمنى تلحقه ؟؟ ((كل نفس ذائقة الموت)) اكيد بلحقه هم السابقون ونحن اللاحقون

أي موقف حصل لك معاه ؟؟ ((بدون ذكر))

هل دموعك مازالت تنزل ألما على فقدانه ؟ اي والله كل ماذكرته احس بخنقه وعبره

كيف تغير حالك من بعده ؟؟ الى الاسوء

هل مره شفته بحلم ؟ ووش الحلم ؟ كثير اشوفه بالحلم وافسره يقولون حج عنه وحجيت والباقي ماودي اذكره

.. وش تهديه ؟؟

اهديه عمرررري بس يقول وش كان يبغاني فيه

واهديه الدعوااات (اللــــه يغفر لك ويرحمك ويسكنك فسيح جـناته )) [/align]

**الــفــارس** · 24-08-2006, 08:47 PM

من هو الشخص اللي قفدته ؟؟

(( محمد المطيري ))

ووش سويت يومها ؟؟

(( كان ودي تبلعني الارض ))

من علمك ؟

(( ولد عمي ))

هل مازلت تذكر كلامه ؟

(( اكيد حرف حرف ))

وش اكثر شي يذكرك فيه ؟

(( البحر و البر ))

وش تتمنى تقول له ؟ ان كان عندك ؟

((انـا كـذا مـن يــوم ربــي خلقـنـي؟؟
مقـدر اوسـع خـاطـري لا تضايـقـت... ))

وش تعطيه الحين ؟

(( كف مزح )) ودي والله

بأيش شعرت بعد ماتركك؟

(( شي في حياتي ناقص ))

هل مازلت تعاني ؟

(( اكيد ))

كيف حالتك أو ماعرفت .(بالتفصيل)؟

(( الحال كسيفه بس مقابل النت ))

هل في شي من أغراضه تحتفظ فيه ؟

(( ساعه ))

الناس اللي حولك تعايشو معاك ؟

(( لا ))

لأي حد فقدته ؟

(( حد الموت ))

هل تتمنى تلحقه ؟؟

(( هو وينه وانا اجيه ))

أي موقف حصل لك معاه ؟؟

(( كثير من كثرهم ماذكرهم ))

كيف تغير حالك من بعده ؟؟

(( تغيرت 180 درجه ))..

هل مره شفته بحلم ؟ ووش الحلم ؟

(( لا ولامره ))

وش تهديه ؟؟

(( كف مزح ))

ولاهنتي على الموضوع المميز ..

لاخلا ولا عدم ..

تحيتي ..

**فوز** · 24-08-2006, 10:01 PM

مشكوره اختي ع الموضوع

من هو الشخص اللي قفدته ؟؟

عمي الله يرحمه توفى بـ مرض سرطان

ووش سويت يومها ؟؟

انهبلت

من علمك ؟

أبوي الله يهديه ليته ما علمني ولا جاني ولا قال لي

هل مازلت تذكر كلامه ؟

ايه وربي حتى صوته ليلحين يطرب بأذني

كان كل ما يشوفوني يقول لي فـوز دوري لي بنت اخطبها بأعرس على ام عيالي
{ الله يرحمه }

وش اكثر شي يذكرك فيه ؟

بنته الصغيره لأني كل ما اجلس معها تقول فوز ابوي عند ربي صح !!!!

وفيها شبه حيييييييييييييل من عمي

وش تتمنى تقول له ؟ ان كان عندك ؟

اتمنى انه يرجع واشوفه لو دقيقه وربي

وش تعطيه الحين ؟

اعطيه دعواتي ولو يبي حسناتي هي له وربي

بأيش شعرت بعد ماتركك؟

بوحده والم وحسره

هل مازلت تعاني ؟

ايه وربي وانا الوحيده اللي عانيت معاناه محد يتصورها

كيف حالتك أو ماعرفت .(بالتفصيل)؟

حالتي وربي حاله تدهورت نفسيتي تعبببببببببت وربي

طحت مريضه اسبوعين

هل في شي من أغراضه تحتفظ فيه ؟

المصحف حقه

الناس اللي حولك تعايشو معاك ؟

بالبدايه ايه لكن هالحين للأسف حتى عياله ما يذكرونه

واللي مستغربه منه اني انا الوحيده من بد العايله اللي افكر فيه وربي

لأي حد فقدته ؟

حد ؟؟ اي حد بالله !!! ماله حد

هل تتمنى تلحقه ؟؟

االصراحه ان كان فيها شوفته والله اتمنى الحقه

أي موقف حصل لك معاه ؟؟

مواقف كثيررررره وربي وله جمايل علي اكثر من ابوي

كيف تغير حالك من بعده ؟؟

انقلبت حياتي فوق حدر

هل مره شفته بحلم ؟ ووش الحلم ؟

ايه والحلم ما يصلح اقوله احب احتفظ فيه لـ نفسي لحد ما اموت

وش تهديه ؟؟

اهديه كل ما املك بس هو يرجع !!!!!!!!!

الله يرحمك ويسكنك جنات النعيم يا اغلى من عرفت ولـ ترقد روحك بسلام

محبتـك :: فـوز