حلو السعوديه قاهر العذارى ومقطع قلوبهن ==<< الروايه التي منعت من النشر في دول الخليج
مقدمه:
انا لي صديق اسمه الروسي الله بلاني فيه وماعمري مشيت معاه الا تصير لنا مصيبه
طبعن بينقز لي واحد منكم ويقول لي ليش سموووه الروسي ؟؟!!!
بصراحه عشااان ومازال يعرف يرطن روسي
وبينقز لي واحد منكم وبيقول لي وشلووون تعلم ؟؟!!!
وبقول له عن طريق الكتب والاشرطه الي تقول تعلم الغه الورسيه في 7 ايام ومع شويه خبره في البحرين ودبي لان الجاليه الروسيه هناك فدايم هناكـ محضر مع ويه
المهم ان صديقي دايم مطفوق وذات يووم وهووو مدرعم عشان يكوي جنزه الوحيد هديته بايام الثانويه وكان يمشي بسرعه مو ناقصه الا تحط حواجز وتعلق رقم بظهره ويصير كانه يركض في بطوله اولمبيه ومع المشي مدري الركض السريع
حصل مالم يتوقعونه اعضاء الجنون !!
صقع الروسي القزاز حق المحل !! من قو الضربه الهندي الي بالمحل بكااااء وقدم استقالته
ومايتسفاد من هذه الاقصوصه :
لاتسرع اذا كانت رايح للمغسله فالموت اسرع وانت راجع من المغسله
حكمه اليوم
منبع الحب هو القلب ومنبع الماء هو البئر ومنبع الضحك هو الحشيش << ومنبع الزبيره جبهتك.
//
انطحوا فالكم
في البدايه فيه ناااس لايقروون المووضوووع الناس الي اتصالهم مهوب دي اس ال
<< اقول ورااك ماتنطم وتكمل روايتك الي مثل فيسك
//
((A))
انا بصراحه والعيااز بالله من كلمه اناا كانت لي صولاات وجولات وبطولات وماداليات ذهبيات وفضيات وبرونزيات << ويازين الزبيريات الي تمحط راسك
ففي مطلع شباب كنت اوسم واحلى واذوق واذرب شاب عرفته حارتنا على بكره ابيهاا . كنت وحيد امي وابوي كنت اوقف بالشارع وانواع التفحيط قدام بيتنا بس ماكانت ترضى الوالده تخليني اطول كانت حاطتني بغرفه حديده تخاف احد يخطفني من العرابجه او حتى الشغاله .
كان ابوي يدرسني منازل خايف علي من العين الين ماتخرجت من الثانويه . بدأ شبابي يظهر للعيان ووكنت على كل لسان حتى البشر والحيوان << ياشينك ياضب الصمان
اروح للبقاله في بيتنا واضحك على بنات حارتنا وبعضهم من برا كاتبين انواع تعابير الحب على الجدران الي امر جنبها
الي كاتبه ياعمري ياتوتي اضيع من غير محبتك حصه
والي كاتبه ليتك برقع لي واحطك على خشتي صديقتك مزنه
والي كاتبه على جدار طز النصر عز توتي خويتك معجبه ياسر القحطاني
ارجع لابيت احصل عيال عمي وعيال خالي حاقدين علي وماودهم يكلموني
انواع الشيبان كل واحد جايب صوره بنته يقول اخطب والمهر مانبي
وبكل ثقه اردد ياربي ليش خلقتني جميل !!
كنت اروح بكدلكي الاورنجي للراشد واشوف عوايل الشرقه والكويتين والبحرين يصوروني وانا نازل من سيارتي كنت اذا ابي اشتري شغله امووه نفسي واطق اللطمه والبس نظارات كانت الهيئه ترجاني اروح وقت القايله عشان مافيه احد!!
وكنت اروح ايام الخميس والجمعه ويصير الجسر زحمه عشاااني واروح للسيف ويصير زحمه واطلع فوق وتنيذل مع المعجبات وادش فلم مالغ عشان يتمملون بس كلهم يطالعون فيني وتاركين الفلم كنت اروحـ اعسل في البنديره ودخلت ذاك اليوم ارباح خاليه لدرجه ان صاحب الكوفي شوب عطاني عضويه اعسل اي وقت ابغاا
بس كانت الجلسات مو مريحه لا كل ماتمر بنت تسوي نفسها متعثره في طرف ثوبها تطيح علي..
لقيت مره واحد طويل وله شعر يشبه شعر ماوكلي قال مسامحه يالطيب ؟
شنو ! قال انا سمعت عنك وايد وانا خايف على شعبيتي تطيح مع اني فنان صاعد وابي اغدم ( بالبحرين ) اعمال في المستقبل ويهمني انك تنزل صورتك في البومي الجاي قلت انت مين مع شعرك ! قال انا الفنان سلمان حميد
ضحكت ومشيت وقلت الله يصلحكـ
وكنت اروح في هلا فبراير وكانوا يسون اهل الكويت مسيره عشان الاستقلال واذا دخلت المسيره تطلع من شارع الخليج ويلحوقوني الين قريب الخفجي وانواع البنات كل وحده تقول تكفى شرفنا في شاليهات الخيران
صارت حلات انفصال حريم من ازواجهم ومنهم حليمه بولند !!
بس ماكنت اعبر احد!!
لدرجه ان بشار الشطي منقهر مني وقلت له ياورع وش تبي انت وجهك قال تكفى توتي لاتجي الكويت ترا طاحت شعبيتي ...
اسافر لمهرجان دبي وادخل شارع الرقه والقى معجباتي وراي طردي اظطريت اني اخذ بودي قارد معاي كنت اذا دشيت شارع يصير زحمه
لدرجه اتصل مرور دبي وقال انقل من فندق جميرا بيتش الى البر بنسوي لك خيمه مكيفه بس الله يرحم والديك فكنا من الزحمه
وافقت لمده يوم قلت بجرب وصحيت ولقيت جنبي 1000 خيمه من اهل الامارات ومن بينهم خيمه اريام يااااربي وشذا اللزقات
كنت اصحى القى ملاين الرسايل منهم معجبات ومنهم شباب يقولون تكفى توتي سافر لاي دوله بس لاتقرب على الامارات
لقيت رسايل من راشد الماجد يترجاني ويغريني اطلع من الامارات
((B))
سافرت مصر وسكنت برمسيس هلتون وكنت اتمشى دايم بالمجمع حقه وكنت ادش بمحلات يبعون فيهاا حريم واذا شافوني يحاولون يتميلحون قدامي واي شي اخذه مايخذون عليه فلوس بس كنت اقط الفلوس على الطاوله وامشي عزه نفس وحلا !
كانوا بنات الخليج يصحون الصباح ويفطرون بالكوفي شوب حق فندقي تخيلوا يطلعون بعضهم يجي الصباح من الاسكندريه ع الاطر عشان يحضى بابتسامه مني ع الصبح
وفي ليله حلووه وانا اتمشى على النيل رن تيلفوني :نعم !
؟ : شخبارك عارفني ياباشا قلت لا مين بس الرقم هذا الصوت هذا مو غريب علي ؟!!
قال: انا عمر دياب
نعم ياولد نبويه عاوز ايه ؟ قال بكره بالليل حفله ساهر في شرم الشيخ .... تعال عش حياتكـ وانبسط .. انا بغني هناك على حساب شركه ببسي وبتكون اليسا ونناسي عجرم ومجموعه من الفنانين والفنانات والممثلين والممثلات العرب موجودين هناك
قلت خلاص بفكر !
قلت بيني وبين نفسي ياولد ليش ماراح بدال ماني مجرر الضعيفات وهالمكسينات وراي ليش ماللعب على ثقيل على بنات المجتمع الراقي والطبقه الاستوقراطيه ونساء الفي اي بي وعليه القوم... من بكره دزيت وتزينت مع اني زين خلقه (( يحقق لك تصير مغرور ))
((c))
وطلعت من فندق سميراميس ورحت للشرم الشيخ دزيت للحفل كان على مسرح خشبي على البحر وانواع الانارات واشجار الزينه وزحمه قراصيين وانواع الشراب والمشاوي
فجئه تلفتوا الحضور وكلهم يذكر الله وش الشاب الحلوو الي دش
جلست على طاوله في الوسط شافتني اليسااا و هي كانت جنب رجل اعمال ومشت يوم وصلت حدي طاحت مغمي عليها ماعطيتها وجه وشالوها القراصيين يسمون عليها
شوي الا ديانا حداد هي والممثله السوريه وسولافه يطالعون فيني وقطعوا كلامهم وبدوا يتأملون في ملامحي وصلوا عندي وتقلفت ديانا وقالت الاخ عربي قلت ايوا عربي وترا التشبيك مو بالقوه؟ هوينا !! الله يرحم ابوك حداد ..
وتغني جنبي شيرين وجدي راجع عشانك عاشق حنانك وتتميلح قدامي !!
وجتني منه شلبي وتصدم كرسيي متعمده وتطالع فيني اسفه ممكن اجلس قلت ترا طريقه تشبيك من ايام عبدالحليم حافظ وقديمه وروحي قبل لا انادي عليتس رجال الامن!
ياناس ياااعالم ياهوووه !! محد دش مزاجي وش هالبنات !!
بصراحه في بنت من كل الحضور مالتفتت فيني وماطلعتني ابد ! استغربت ! معطتني اشكل يعني انا والطاوله سيم سيم .. استغربت مين هاذي الي تقدر تسوي الحركه هاذي معاي وتعطيل خامس قدام الناس!! سألت القرصون : قال : هاذي الفنانه شمس قربت منها .. وانا مسوي ثقيل .. سلمت عليها .. ردت علي بثقل وجلافه.. من غير ماترفع راسهاا.. قلت ترا السلام بلاش مايجي مع فاتوره الموبايل .. مسوي خفيف دم . قالت ياصخفك ... قالت : نعم ياخوي وش تبي ؟؟ مضيع شي !! قلت شنو شنو شنو شنو شنو انا توتي تقولين لي كذا بشحمه ولحمه مش معمول! الله!! ( قلبت مصراوي ) يعني ماتعرفيني !
قالت والله ياتوتي كل زميلاتي الفنانات والممثلات يحكون عنك بس انت موب شي يعني واحد ابيض وشعره اسود وناعم ؟ وش الحلا فيك!
قام قلبي يرقص رقصه الهنود الحمر وهم صايدين فريسيه بشريه ورابطينه على شجره ورحت منها وقبل لامشي حطيت كرتي على طاولتها ومشيت وانا مسكور الخاطر !
((D))
يوم يومين 3 4 5 ايام !! مادقت شمووسه !
وفي سادس يوم وانا بشرم الشيخ اتصلت وسكرت طبعن متعود على الحركه بس ماتصل !!
بس انا كنت معطيها رقم تيلفوني الخاص الي مايعرفه الا امي وابوي وخويي الروسي
مارديت ! دقت ثاني مره وقفلت دقيت انا نعم مين ؟ قالت بشويش ياحلوو قلت يمه بلا مقالب بايخه ادري مركبه جهاز تغير اصوات قلت نء نء = يعني لا لا !! قلت هجل ابوي هع هع بلا حركات قالت نء نء قلت هجل مافيه الا انت يالروسي مرحبا فايف خندرت ترحيبه قالت نء نء !
مين طيب قالت انا شمس !... سولفنا وضحكنا وحشينا بالفنانات والممثلات وانواع السوالف حتى بمنتدى الجنون وقلت لها ان البنات خاقين معاي ولو تجين هنا قصم ان اخليك محل فتان القلوب واقلب نكه اسود قالت ترا ياشين الحلايا .. تراني خاقه معاك منذو يوم جيتنا باهلا فبراير وشفتك مره في دبي بس ماقدرت اوصل لك! وقصم دام بصارحك اني ماانام الا وحاضنه صورتك كنت افكر فيك باليل والنهار والقايله قلت مرسي قالت وش مرسي يالدب انا ابيك على سنه الله ورسوله تراني خاقه معاك يعلك بعد طوايف هلي!
قلت شدعوا دربك خضر وراح ابني لك احلى قصر بالعالم لو تبين بجزيره فيلجه!
قالت انا على العموم مازلت بشرم الشيخ ابي اصيدك بعد ماينقلعون هالمشافيح اليسا وطقتهم!!
((ُُُE))
تواعدنا الساعه 1 على البيتش وفلينها وهيصنا وانواع الضحك والاستهبال تفاهمنا على كل شي متى الخطوبه ! لاحظت كم وحده من بنات الفي اي بي كانهم يقولون في خاطرهم ياحظك ياشمس على توتي ليته يخطبنا وندفع له كنوز الدنيا !
وصلت الساعه 4 الفجر وقلت حبي انتي تعبانه حيل روحي نامي بالفندغ ( ) وبكره نشوف بعض وبتملين من خشتي ..كنت اتململ واتدحرج على السرير ! يوه ياشموسه لو انك جنبي نمت وصحيت بدري ورحت اتمشى على الشاطي وخذتني الافكار الى بيت فيه دخنه من فوق وفيه صوت طبل واصوات غريبه واصوات اجراس مثل اجراس الكنائس.
تلقفت ودخلت الا وهذي العجوز الدبه وشعرها مغبر وانواع الخوال حتى بظروسها! قلت سلام عليكم ! قالت بوووو بوووو اوووو اووووو ! قلت ادري انك مسوي كامرا خفيه وتبين تسوين حركه ترا صخيفه مع برنامجك الي ام بي سي! عارف ياابله عطيات! قالت لا ياروح امك انا مشعوذه واقرا الكف .. قلت لااا ياشيخه ! طيب هاك كفي قولي وش عندك؟
قالت انت تحب فنانه كويتيه وهي تحبك وتموت فيك بس للاسف بيجي فارس احلا منك ويخطفها منك! قلت من جد ! طيب وش الدبره ؟ وش الحل ؟ بليز انقذيني .. اذبحيه او اقلبيه قطو .. ( حلو بس نسيت اقول لكم اني نذل )
قالت لا فيه حل ؟
((F))
قالت الحل عاوز فلوووس ؟ قلت الفلوس موجوده بس وشو بسرعه ! قالت فيه بطيخه صينيه هديه من مشعوذ ياباني فيها زر اظغطه ووتقلب دبل جمالك
ههههه ضحكت قلت روقينا اما عاد !! قالت لاتقطع الهامي انطم ( بالمصري )
وراحت وهي تطلع كلام وتمتم وفعلن جابت بطيخه يابانيه وفيه زر ومسكتها وحطيت البطيخه في حظني وبدت تحط يدها على راسي ويد على البطيخه وتنفخ في الارض وتصيح بقوووه ! انا بصراحه ندمت اني دشيت وبديت ارتعش!..
وظعطت الزر وبسرعه افتر راسي خمس لفات حسيت بختناق! رحت شفت الملامح
ابله عطيات الله ينعن خامسك وشذا هاذي مو ملامحي هذي ملامح خالد مسعد ! لا لا مستحيل
قالت عدم الموخزه يابني انا نسيت اؤلك الزر تظغطه مره وحد مش مرتين ! والحين رح وراجعني بعد 15 سنه .. وركبت عصا مكنسه وطارات.. وورررر وخلتني انا وجهي قصدي انا وخالد مسعد ...
((G))
طلعت وان دموعي على خدي وصلت الفندق محد عطاني وجه ولاحد عبرني رحت للوبي محد طالع فيني !! قلت قسم اني توتي طالعوا فيني ! مرت على بنت من بنات جده تقول لي يابويا ايش الاوتيل الي يسكن هوبل
رحت ولقيت شمس حياتي لقيتها فاله شعرها وتتقهوا وتقرا جريده ولا عبرتني قلت انا توتي هاي قلت يمه بسم الله الرحمن الرحيم قالت رح قبل لا انادي عليك الامن هذي مشكلتكم يالخليجين اذا جيتوا مصر طحتوا بالحشيش مارحت قلت انا توتي الي معاك البارح ونادت الامن ونعنوا ابو جدي ورومني برا الفندق
رجعت القاهره ورحت لرمسيس وشارع جامعه الدول العربيه وانا اصيح قسم بالله اني توتي
والعالم الي يقط علي فول والي رغيف خبز والا 10 جنيهات صدقه
رجعت الخبر مريت الراشد والهيئه ماتعطيني وجه يطالعون فيني الهيئه كانهم يشوفون قطو
رجعت للبيت محد عبرني امي وابوي قطو اغراضي بالدوانيه ..اروح للبقاله ابي اشوف الجدران القي عز النصر طز توتي .. لو انك ياشيخ قصم لاحرقه ... ياحسافه حب لاناس مثلك ياتوتي وع منك يالجيكر ..
والحين اكتب لكم القصه وانا بشقه بالثقبه محاصر بخوال وبكستانيين .. وهذي حال الدنيا .. بعدما كنت أمشي والناس خاقة معي .. صرت أمشي وهم يقولون لي يالعبد يالخال ويطلقون صفيرات استهجان ضدي تسني صامويل إيتو في الليقا !!
(( End ))
الباب الي يجي منه ريح مهوب باب وخلك من الشلخ يالنصاب
<< علم نفسك ياخالد مسعدimages11
مواقع النشر (المفضلة)