ابااااتشي !!!! ينمسك من الشرطـه وهو تحت تأثير الخمر والمخدرات؟ قصه حقيقه!!
الســلآم عليكم
كيف الحال يالمزاييين
أحس أنكم دآخلين مآهوب مصدقين الخبر صح؟ <_ هذا إذا دخلوو
شبــاب قبل لا اقول السالفــه
يرررحم أبوكم اذ جيتو تتسبحون بالمسابح البسو نظارات سباحه
ولا بتاكلونها مثـلي
السالفـه ومافيـها... إني كنت أفرفر بالريـاض (بالظبط) بطريق الجامـعه توني مصلي الفجر لحالـي وقفت عند الصرافه أبي أصرف عشان الفطوور <_ أهم شي ههههههه
والا جوالي يرن ][ الو السـلام عليكم كيف الحال نويصـر وشخبارك ياخي من زمان عنك وشخبار الاهل والوالد والولده إلخـ،. ياخي ياناصر انا بصراحه طفشان <_ هذا خويي الحين اجي انا بالكــلام هلا واللــه دحومي وش السالفه شفيك عسا ماشر وراك متصل هالحزه ][ عبدالرحمن][ لا ياخوك مافيني شي بس انا طفشان وأبيك تمرني ][أباتشي][ بس ماطلبت شي ثواني وانا جايـك ][ دحومي][ على خير هذاني احتريك....
-
-
-
يوم وصلت عند بيت الرجال وسلمنا على بعض ورحنا نكمل فطورنا واحنا طالعين من المطعم الا الرجال ماسكــه معه انه يسبح <- ينعن آبو هيـك مسكه ياشيخ الساعه ][(6)][ الفجر ويبي يسبح الرجال يدري أن عندنا مزرعه وبها مسبح قلت أبد يا دحيم مآطلبت شي يالله قوه المزرعه منها نتمشى ومنها نسبح وتطيح ][هالحطيب ][ الي براسك المهم رحنا للمزرعه تمشينا وطقيناها حنـك مع الحراس الا وجا وقت السباحه طبينا المسبح وضحك وفله ويدقون علي الشباب ويجون المزرعه ( بعد توصيف داما ساعه كامله من العناء ) ويوم وصلو لبسو ملابس السباحه وطبو معنا المهم انا عادتي اني اسبح بنظارات
مادري وش الي قردني وخلاني اليوم بالذات مالبس نظاره سباحه وانا اسبح واطوفش بهالماء <- تقل دلخ خخخخخ الا وعيوني تحمررر وشربـت حوال خمس لتر مويـه :( من دون قصد يوم طلعنا لاا كل الشباب مشو الا انا وخويي الدحمي قلت لدحيم تكفـى يا الدحمي سوق السياره انت انا مافيني حيل امسك الدركسون منهد حيلي ماقصر الرجال ركب وساق اهو ][ انا طبعا من اول ما ركبت السياره طقيت المكيــف وصمخت أبوها نومه ورا بالمقاعد الخلفي مادريت شوي الا والرجال ينغز فيني نويصر نويصر قم قم الظابط يبي إثباتك ][ بطاقة الاحوال][ انا مادري وش السالفه ثوبي محتاس ومعفظ وشعــررري منتفش من الكلوور حق المسبح وعيوني حمرر وبصراحه مادري وش طلع هالكلمه مني قلت لدحمي حاسب انت بعدين ابعطيك <- طبعاً اذ احد قومك غصب يجي كلام مادري من وين يطلـع المهم خويي الدحمي وصلت معه الاخلاق ويسحبني من السياره والقا عمري قدام تفتيـش والظابط يسئلني يقول انت ناصر كذا وكذا صاحب السياره اقوله بدون خلق][ ايه ايه امر بغيت شي ][ < أحمد ربي والله أنه ما صفقني كف خلاني القـط ملامح وجهي بالارض قال ياولد شكلك بالع شي ولا شارب ممداه يقولها الظابط الا والدحيم تطير عيونه اخوي انت وش تقول الرجال توه قايم من النوم ماشرب شي وش دعوه واشوف الظابط يسحبني عيني عينك قدام الدحمي ويركبني الدوريـه بالقسم الظابط أتصل على الوالد <- طبعاً الوالد انهبل بالخبر اني انا اشرب خمر واحشش وجاني لقسم الشرطـه حالته حاله عطاني محاضره مع كم رجفـه وشلوطي وطراقات :( انت ماتخاف ربك رجال كبير وتسوي بعمرك كذا <- وربي احس كل العساكره بالقسم مسكو بطونهم ضحك علـي الظابط مسك ابوي وقاله يابن الحلال الحين احنا متأكدنا انه يشرب ولا ياكل شي بس نسوي لولدك تحليل دم قال ابوي نشوف مع اني شاك انه شارب شي <_ الله يصلحك يابو نويصر اخر شي شربـته بيره بربكان يعني وش متوقع اني اشرب ][ مسكني الظابط واخذو مني عينه دم وهنا المفاجئه ّ!!!!!!!!!ّ مالقو فيني شي؟؟؟ استغربوو مسكني الظابط وقالي اجل يوم اني اكلمك الصبح وراك تهلوس قلت له وانا اخوك تخيل انك ما نمت لك يوم كامل وتوك متسبح ومنتهي حالتك وماصدقت تنوم الا ويجي واحد يقومك وش بتقوله ياهلا والله ولا بتصكه طراقين وتكمل نومك الرجال ابتسم وقال والله انك صادق معليش ظلمتك معي وابيك تحللني بس ياخوي وش نسوي احنا مانبي هالشباب المتهورين يسببون حوادث قلت له ماصار الا الخير بس الزبـده وش بتقول لبوي الحين وهو بالمكتب مجهز العقال يبي يطقني قالي لا ماعليـك انت بس تعال معي للمكتب وانا داخل المكتب ومعي الظابط قال اسمع يابو ناصر ولدك رجال من ظهر رجال <_ في هاذي الفتره انا كبر راسي وقمت اقلب عيوني عند ابوي وابوي طايره عيونه وفوق راسه اربع الالف علامة تعجب ويصرخ ابوي على العسكري ويقوله انت وش تقووول الولد شارب سكار وانت تقولي ولدي ولد حلال وطالع من ظهر رجال ومادري ايش اسجنوه مابيه انا الا ويمسكه الظابط ويقوله يابن الحلال ولدك مافيه الا العافيـه والتحليل الي حللناه ماطلع شي فيه والولد سليم ميه بالميـه ومافي الا نسبة الكلور الي بلعه وهو يسبح وقاله الظابط ان سبب احمرار عيوني من السباحه <_ اموت انا يارياضي ابوي قام وهو مبتسم وقال الله يصلحك لا تعودها <_ في هاذي الحظـه تصفق معي آتشششش من العصبيـه واقول بنفسـي الحين مهاوشني قدام خلق الله واخرتها الله يصلحك ياخي قدررر وعلى اقل قل شي معليش ياوليدي بس الله يصلحك ولا تعودها وش اسوي امري لله واقوم واركب السياره معه ويوم وصلنا البيت ابوي قال السالفه لهلي بالبيـت واخواني شغل ضحك علي <- بينما انا كنت اشاخر بغرفتــي
يعنـي بالعربـي ياشباب الي ما يبي يصيرله مثل الي صار لي
يلبس نظاره وهو يسبح كل هالبلاوي من سبب نظارت السباحه
أتمنى القصـه عجبتكم ههههههههه
واسف على الاطاله
ســـلام عليكم
مواقع النشر (المفضلة)