قصيدة الفتاه التي أسقطت برج الفيصليه

[وليد الروقي]

هذه اول مشاكره لي وهي عباره عن
منقوله للشاعر / محمد العضياني


انورت كل الرياض .. واشرقت شمسه عشيـه
مع قدوم اغلى الحبايـب انقلـب ليلـي صبـاح

انكسر وجـه الليالي..واستشـف النـور ضيـه
شوف عيني يوم نـوره فـوق كبـد الليـل لاح

مالمحت الا جبينه .. وآشهد ان الشمـس حيـه
كل شي(ن) من جبينـه آنبلـج والديـك صـاح

مع قدومـه استهلـت وآمطـرت نجـد العذيـه
وآزهرت كل المدينه .. وارتوى الشارع قـراح

الله اكبر.. يوم جتنـي بنـت حـواء مزهريـه
عنبر 0 ونرجس 0 وكادي 0 اختلط والمسك فاح

غرد البلبل بصوته.. ونـاح صـوت الراعبيـه
والخفوق اللي هواها .. من ورى الاضلاع نـاح

جات تمشي في غرور(ن) مختلط بـه عنجهيـه
كنهـا مشيـة حمامـه .. مارزقهـا الله جنـاح

مع خطاها ..كل خطوه..ترتكـب ميـة خطيـه
" آسالوا !! فستانها اللي فوق خصره ما آستراح

عودها المبري ذبحني..وردة(ن) حمراء ونديـه
غصن بان(ن) قام يلعـب مـع ذعاذيـع الريـاح

لو درى قيس الملوح... كان" شات " العامريـه
ولو درى عنتر زمانه .. خان عبلـه وأستـراح

ياعذابـي يـوم شفتـه وسـط بـرج الفيصليـه
من جماله طار عقلي .. قلت اكيد البـرج طـاح

دارت الدنيا بعينـي..و آرتفـع ضغطـي عليـه
وطحت دايخ في مكاني.. يمكن اشعـر بأرتيـاح

قالت : الله لايظرك .!!. ماصدر مني آذيـه..!!
قلت : لا والله عيونك .. يابعـد عينـي سـلاح

قالت : اصلاً من جمالـك..!! ياقليـل الجاذبيـه
هو صحيح انك تجنن ... بس انا سـت المـلاح

قلت : من يمدح جماله > قـرد اصـلاً ياغبيـه
فرصتي .. اطعن حشاها .. بكم كلمه وإصطلاح

قالـت : الله لايبيحـك .. هـذي بحقـي قويـه
واصرخت تبكي وتنعي ... وكحلها بالخد سـاح

قلت طيب سامحيني .. واجلسي عنـدي شويـه
آوعدك .. ارضي غرورك .. هذا افضل اقتراح

انحنت يمي ومالت .. و اسحبت معصـم يديـه
وأنحني كل الشمـوخ .. وآختلـط ورد ولقـاح

هذا اخر شيء اعرفه .. قبـل ليـل الاجوديـه
آنطفت كل المدينـه .. مابقـى بالكـون ضـاح

رحت افتش في سواده .. وصارت النيه مطيـه
علمتني كيف اقاوم .. وكيـف معنـى الاجتيـاح

ماوعيـت الاهدبهـا ..يستبيـح الظلـم فيـه !!
" لدت بخرس النواظر ... قالت ان الوقت بـاح

قالت الله لايهينـك .. ادفـن اسـرار الوصيـه
راحت وسري معاها ... ياعساهـا " للريـاح "

قلت لحظه لو سمحتي .. ياغبيه..!! ياغبيـه..!!
كنت ابيهـا طعنتيـن ... بـس لاذت بالنجـاح

من بعدها ياعذابـي ... حسرتـي بالقلـب نيـه
يشتكي ليلي عيونـي .. وخافقـي بالـدم فـاح

ادمت بقلبي جروح(ن).. كنها (مقلـع طميـه )
هي عذابي . هي جروحي. هي دواء كل الجراح

لاحشاء .. من دم يوسف ياعرب ..ماهي بريـه
دم ثوبه مـن سببهـا ... وأطلـب الله السمـاح

هذي هي كل الحكايه .. واخر اسرار القضيـه
كل ما أذكر عيونه ... احلف ان البـرج طـاح
.





محمد العضياني

[الــفــارس]

الله اكبر.. يوم جتنـي بنـت حـواء مزهريـه
عنبر 0 ونرجس 0 وكادي 0 اختلط والمسك فاح

غرد البلبل بصوته.. ونـاح صـوت الراعبيـه
والخفوق اللي هواها .. من ورى الاضلاع نـاح

جات تمشي في غرور(ن) مختلط بـه عنجهيـه
كنهـا مشيـة حمامـه .. مارزقهـا الله جنـاح

مع خطاها ..كل خطوه..ترتكـب ميـة خطيـه
" آسالوا !! فستانها اللي فوق خصره ما آستراح


صح السان من قالها ..

ولاهنت يالعتيبي على النقل الرائع ..

لاخلا ولا عدم ..

تحيتي ..

[وليد الروقي]

الفارس مشكووووووووووووووور على مرورك
وتشريفك في متصفحي وصح بدنك
تحياتي واشواقي لك بعطر النفل
""""""""""""""""""""""""""""""""""""""""

[قوس الورد]

شكــرا على هاالقصيـــده ..

الحلـــــوه ..

دام جديدكـ..
.
.
.

[°`°؛ بنت الأغـاديـر ؛°`°]

[align=center]سلمت يمناك على نقلها لنا ..

روووعه ..

يخليك ربي ويحفظك اخوي ..

..

بنت الأغادير ..[/align]