في يوم الجمعة اللي كان فيه مباراة المنتخب مع اسبانيا قمت
من النوم الساعة 6 المغرب ولقيت عالكومودينو جوال اخوي ابو خليل..
قعدت اسأل نفسي وش اللي جاب جواله هنا..
فتذكرت بعد جهد طويل انه كان عندي قاعد يصحيني عشان يبي مني فلوس<<<حركات يالبطرانة..
والظاهر ان المباراة جات وراح ونسى الجوال..
""" للمعلومية ابو خليل عنده جوالين""""
فقمت واتصلت عليه وقلتله ان الجوال عندي..
قال اوكي خليه واذا احد دق لاتردين..
قلت اوكي..
وانا قايمة اغسل الا واسمع صوت مسج التفت وحسبته جوال بس للاسف خابت التفاتي<<<مقتبسة من خاب ظني..
وطلع جوال ابو خليل..
تركته وطلعت من دون مااقرا الرسالة ورحت غسلت وانا بالي مشغول وقاعدة اقول في نفسي وش ذا الاخلاق اللي نازلة عليك ياام صقر..
من متى؟
افتحيها واقريها همن امسحيها ولامن شاف ولامن درى..
والله واروح وانا وجهي يقوطر ماي <<<مافي وقت امسحه متحمسة
وافتح الرسالة ..
:::خلوني اول شي اعطيكم نبذة:::
اسم المرسل: بنت التحلية
رقمها عام ******0503 وشبه مميز
طبعاً رمز النجمة(*) يعني المرسل
ورمز الداش(-) يعني انا..
الرسالة مكتوب فيها..
*انت مين؟
طبعا في هاللحظة قلت..
حركات والله يابو خليل من ورانا..
وتمسك معي غلط اني ارجع ارسل رسالة..
وفعلالً ارسلت رسالة مكتوب فيها..
- أنا عبادي الجوهر
وانت مين ..لاتقولي ياسر القحطاني وتستغل وجوده بدكة الاحتياط
*لا انا ساندرا
- حركات والله ياساندرا ..تصدقي من زمان ودي اشبك معاك بس بسألك المباراة بدت؟؟
(ماردت علي.. شكلها ماتحب الكورة)
- خلاص خلاص لاتقعدين تتغلين علينا من اولها..
عرفت ان المباراة بدت وواحد لصالح اسبانيا..
*انت تعرفني ياعبادي؟
-لا والله ياساندرا..
*طيب من فين جبت رقمي يابطل..
<<<<طبعا يوم قالت فين عرفت انها حجازية..
- والله مادري عنك ياتسالي..
*انا ماني تسالي انا ساندرا.. وبعدين انت من فين ياعبادي؟؟
- وانا ماني بطل انا عبادي..وبعدين معروف ان عبادي من جدة..
*طيب ماودك تدق وتتكلم و كم عمرك ياعبادي؟؟
- لا والله خليها رسايل احسن..
<<<<<طبعاً تجاهلت سؤالها عن العمر لين ماافكر وش اقول..
*اوكي لكن ماقلتلي كم عمرك؟؟
-عمري 47 سنة..توني في زهرة شبابي.. بعدين افتحي الاف ام
<<<<حتى هنا ابلشتهم بالاف ام..
(كان في الراديو اغنية حبيبي لا لسعد الفهد..)
*حلوة الاغنية بس أكيد اللي ماخذ عقلك مو ساندرا
<<<يلعن امها مصدقة نفسها ذا البنت
بعدين لاتتريق من جد كم عمرك؟؟
- والله كله من ذوقك..وهم بعد في اغنية وايد حلوة اسمعيها وخليكي فاتحة الراديو
<<<<وطبعاً تجاهلت السؤال عن العمر للمرة الثانية
(كانت اغنية لاتبكين ياعيني لحسام كامل)
*يع
- هم بعد من ذوقك<<<ماعند امها ذوق بنت اللذينا
*طيب كم ع م ر ك ؟!!
<<<<لاحظوا عصبت
- رجعت ارسلتلها نفس الرسالة وكتبت تحتها وش ذي لوحة سيارتكم؟؟
<<<حاقدة عليها..تقول لي انا يع..اجل تتحمل اللي يجيها..
*شكلك 16 صح وخليك فاتح الاف ام..
- لأ مو صح والاف ام دايم مفتوح عندي..
*طيب كيف حال سارة بشرني عنها:::طبعاً سارة بنت عبادي الجوهر::وفين انت في السيارة عشان كذا الراديو مفتوح..
- والله سارة من اشد المعجبين فيكي وانا في البيت لان اليوم الجمعة ولازم اعد مع الاهل.. انا احب التنظيم..
*انت فاتح الاف ام طيب شوف هادا اللي غنى (بنت السعودية) مررررررة بالغ في الاغنية<<<يلعنها صدقت انها ساندرا
- ايه اصلا بنات السعودية ماعندهم غير الركب السود..
...........................................
بعدين قلت ياام صقر دامك قاعدة تضيعين البيزات عليها دقي على جوجو احسن لك
<<<جوجو هذي خويتي.. لاتروحون تقولون جواد العلي.. اعرفكم تبون تطلعون اشاعات..
والله واتصل على جوجو وشوي الا طوط طوط واناظر عالشاشة..الا بنت التحلية تتصل بك..
وطبعاً مارديت..
وبعد 7 او8مكالمات منها جات رسالة.. قلت لجوجو لحظة لحظة جاني مسج خليني اقراه عليكي..
كاتبه فيه..
*ياحظها اللي ماخذة عقلك..
قالت جوجو بسم الله علي من عينها.. تف تف تف وش ذي البنت مهبولة..
قلتلها ماعليم ياجوجو..ونكمل سوالـــــــــــــــــــــــــــفنا وهي مازالت تتصل وانا مطنشة.. ولاانا هنا..
على قولهم:
1) اذا حضر الماء بطل التيمم..
2) من لقى احبابه نسى اصحابه
3) مدام معايا القمر مالي ومال النجوم
الين ماقفلت ناظرت بالشاشة الا 165 مكالمة لم يرد عليها
وتجي دقة وتصير 166 مكالمة..
قعدت اضحك ضحك ليما تفقع بطني من الضحك..همن جت رسالة مكتوب فيها..
*يالله 45 دقيقة ياعبادي ماتخاف ربك ياخي ارحم خلايا مخك..
- حلاااااااااال فيها وفي اللي جابوها..
مو كفاية 4 سنين ماشفتها..
ملعون ابو الظروف..
*ليييه ياهوووو ايش فييه ومين هذي اللي4سنين ماشفتها..فهمني ياعبودي <<<لاحظوا دلعتني يعني بدت تحبني..
>>>اقول انثبري
- ابد هذي وحدة تعرفت عليها وانا اول ثانوي وبعد فترة افترقنا..هذي كل السالفة..
*يعني انت الحين ثاني جامعة <<<يلعن امها شكلها علمي طيب ليه افترقتو ممكن اعرف..يمكن اقدر اساعدك..
- لا..مو ثاني جامعة وانا حفلاتي كلها بجدة فنقلت لجدة وبكذا افترقنا..
*ليه انت مغني<<<وش ذا المصفوقة مسرعها نست وايش حفلات مالنا نصيب ننعزم فيها <<<هااااا شباب شكلها فلة ..والا اش رايكم..
- اقولك عبادي الجوهر تقولين لي انت مغني!!!
ايه مغني والا انتِ بس اللي تغنين..
* طيب ممكن اسمع صوتك وانت تغني عشان اذا عجبني صوتك اسوي معك دويتو<<<مسوية ذكية وتسوق امها
- <<<طبعاً انا هنا توهقت لكن صرفتها وقلت..
(تصدقين اني توني الحين اعتزلت الغناء وقبل رسالتك بـ23 ثانية كنت اكلم عبدالله الراجح عشان ينشر الخبر..
*طييييب تصبح على خير
(كانت الساعة بهالوقت 2 الا عشر الليل)
- وانتِ من اهله ومبروك خروجكم من المونديال..
*انا لبنانية وعالعموم الله يبارك فيك وسلملي عاللي ماخذ عقلك
<<<تقصد جوجو
-ادري بانك لبنانية لكنك عشتي بجدة قبل كذا (شفتي اني احبك واعرف اخبارك)
وغنيتي بعد للمنتخب..
* حبك عنقز..
وعلى طاري الاغنية بهذلوني الشباب مرررة يحبونها..
- الشباب يحبونك انتي ماحبو الاغنية الله يهداكِ..
بس هم مسوين فيها روح وطنية..
*مو ذنبي
وبعدين ماقلتلي كم عمرك يعني ماتبغى؟؟
- صح مو ذنبك بس ياليت تنحفي شوي لانك سمنانة شوي في الكليب الاخير..
وعمري 47
*ياحبك للعناد..
- لا تعليق..
وبكذا انتهت الرسايل بيننا..
واي جديد انشاء الله نوافيكم فيه..
مواقع النشر (المفضلة)