سوالف شيبان
سلام عليكم
يسولف علينا شايب ويقول :
إن فيه هاك الشايب في حدا الدير يحدث على الجماعه
وكان موضوع الحديث عن المسيح الدجاااال
طبعا هالشايب ماعنده علم يعني يسمع وبس
عاد ياصف لهم المسيح الدجااال .. ومن المواصفات يقول :
إنه راكب على أتان ( إنثى الحمار الله يكرمكم ) المساحه إلي بين أذانها ينزرع فيها صاعين شعير
قال واحد فلاح من إلي يسمعون : لعنبووووووو ذي ياحلالات من يصدر عليها
---------------------------------------------------------------------------------
أما السالفه الثانيه :
يقولون فيه هاك الوحده ساكنه مع زوجها وعبد عندها في محل بعيد يعني ماحولهم أحد .. المهم قبلها تاكل هي وزوجها لحم والعبد مايعطونه لحم أبد
هاك اليوم طلع رجلها يدور ولقى بعير ضايع جااابه وعلى طول ماشاور قصبه ووخذ لحمه وعطااه حرمته طبعا العبد يشوووف خذت الحرمه بعضه تبي تطبخه .. ما أمداها تكمل طبخها إلا وجايهم وااحد يقول يامن عين بعيري يامن شاف البعير
طلع العبد قال ياأمي (عمي) أنا أدري وين بأيرك (بعيرك)
الرجال ماصدق قال وينه
قال شويه ودخل لم الحرمه ..
قالت له ورااك تبي تفضحنا أسكت وأعطيك لحم
طلع لم الرجال .. وقعد يناظر الحرمه ويقول : هطي (حطي ) هبر ( الهبره أزين اللحم ) هطي من زين اللحم
قال له الرجال هاااااااه وين بيعيري
قال ياعمي شفت هذاك الهزم ( الحزم ، وهو جبل ممتد ) وراااه هزم ( حزم) وورا الهزم هزوووم ( حزووم ) أنا شفت ورااهن أرنب مقطوعه إذنه وجاافل ( يعني مرتاع ) مدري إلي مجفله بعيرك وإلا جافل بالحاله
وسلامتكم والعذر على ركاكه الإسلوب
مواقع النشر (المفضلة)