[align=center]ركبت بحر الحب وارسيت مرساي
وهاج البحر فينـي وهـز السفينـه
دام الهوى ما طاع يسري بمسـراي
أطوّعـه ولا أحــارب سنيـنـه
ودام البحر ماطاع .. بضرب بيمناي
إن طاعنـي ولا أطـوّع جبيـنـه
ياعشقتي يا نـور عينـي وسلـواي
الضيم مـا طيقـه ونـاري دفينـه
دوني ودونه حالواأعـداه واعـداي
وأقفت وأنـا قلبـي تزايـد حنينـه
ردي علي الصوت قولي وش الراي
الراي من عندك وروحـي رهينـة
لو تطلبين الموت للمـوت شـراي
أشريه أنا يـا بنـت لـو تطلبينـه
لا طاب يوم النذل ما طاب مركـاي
روحي على كفـي وأمـد الثمينـه
ما أطمّن الهامه ولا أبـدّل اخطـاي
الموت درب الحر وقـت الغبينـه
ما مدّ لي كفّه ... ومبـداه مبـداي
وضح النقى يا نـاس بينـي وبينـه
والله لـولا الله ودينـي و مسعـاي
لخطفك أنا وأشد عن هـا المدينـه
عزي لمـن مثلـي وبلـواه بلـواي
يشقى وطول الدهر نفسـه حزينـه
م
ن
ق
و
ل
مــــع التـــحـــيــــة[/align]
مواقع النشر (المفضلة)