بيان من منظمة صرقعني للزحف والاقلاع
بسم الله الرحمن الرحيم
فور ثري تو ون اكشن
طن طن طرنط طن طن
<< موب عاقل توني بلير يبي يلقي خطاب الحين
اما بعد
جميع مافي هذا البيان من شروط او قيود هي بطبيعه الحال للجميع
فالرجاء مانبي حد يتميلح ويقول انه المقصود ويطلب تعويض بسبب الضرر الادبي والمادي اللي وقع عليه
بيان من منظمة صرقعني وازحف فيك
لوحظ في الأوان الاخيره انخفاض معدل الصرقعه واستخدام طرق بدائيه وهمجية من قبل شبابنا وشاباتنا في مجال الصرقعه وانخفاض معدل المنسمين والمقلعين والمفحطين عن المستوى الطبيعي وانخفاض قيمة فواتير الانطرنط (( الانترنت )) عن ما كانت عليه في الميزانية للعام السابق كل هذه العوامل ادت إلى توجيه إنذار شديد اللهجة من منظمة صرقعني وازحف فيك المتحدة
يحتوى على تهديد بالشطب من لائحة الدول المتقدمة في هذا المجال
ونتيجة لذلك عقدت مؤتمرات دوليه لمحاولة تفادي هذه المشكلة وإيجاد حلول ناجحة وسهله الفهم
وتم استضافه عده شخصيات هامه -من متخصصين وخبراء في مجال الحواطة في المنتيدات ونقل المواضيع
ومتخصصين في اساليب الحفال والسوق والاقلاع في الشات
ودكاتره في عالم الخروج على القانون للاستفاده من خبراتهم في وضع اللائحه
واستاذه في عالم الاقنور
وبعد اجتماعات مطوله وبدون تغطيه اعلاميه حيث وضعت مصائد خاصه للصحفيين للحيلوله دون وصولهم الى مقر الاجتماعات وبعد نقاشات حاميه تم اصدار البيان التالي :
أيها الشاب المنسم المصرقع …أيتها الشابه المقلعه الى متى وأنت تستخدم المواضيع القديمه للصرقعه والاقلاع …إلى متى؟؟
الى متى وانت مفشلنا قدام اوروبا والدول المتقدمة؟؟
آن الأوان الآن لكي تصبح شابا يواكب التطور التكنولوجي ويواكب الثورة المعلوماتية ..
كل شئ تطور واصبح بطرق سريعه وديناميكية. والصرقعه والاقلاع وأساليبها تطورت أيضا ..
ونظرا لتدني مستواك فقد قمنا بوضع بعض التعليمات و الخطوات لك لتضعك على الطريق الصحيح لكي تصبح منسم ومصرقيعا محترفا ….عليك اتباعها حرفيا ولا تحيد عنها قيد أنمله .
. (( ما طحت على كلمه أنمله إلا بعد الموت ))..وفي حاله مخالفتك للاوامر فكل تبن وانثبر وأترك غيرك يلقط رزقه
اخي الكريم اختي الكريمه لقد وضعت هذه الخطوات والقيود والقيود عشان نصير منتدى صرقعه منظم مهوب حوش غنم يلحقهم ولد صغير يمحط فيهم
(( تخيلو المنظر ))
ولهذا سوف نسن الدستور هنا في المنتدى واي شخص راح يخرج عن القانون راح يعرض نفسة لاقصى العقوبات التي راح تطبق عليه طبقا للاحة العقوبات الدوليه للمنتديات المقلعه.
ما يجب عليك فعله قبل دخول الصرقعه :
كيبورد + ماوس + شاشه + علبه سنتوب او اي مشروب منتهيه صلاحيتها من 5 شهور ؟؟ اذا عندك الاشياء هذي اهلا بك
1- اول شي احب اقلكم كل ابوكم اننا مانبي احد يدخل هنا الا المنسمين والزاحفين والخارجين عن القانون واللي يمون عليهم واللي
من طقتهم , والناس الي 24 ساعه خارج نطاق التغطيه يعني نبي المقلعين والمتهورين منهم بالذات .
2- بالعربي الفصيح اللي ثقيل دم مانبيه اخواني انشأ هذا المنتدى للترفيه والترفيس والتفحيط والمطاردات يعني ما نبي زعل الدعوة مواضيع زاحفة وردود ازحف منها . قسمن بالله اللي يزعل لاعطيه اقنور على خشته و ماعد يدخل هنا بتاتا
3- مانبي احد يدخل يرصع هنا موضوع ويخرج ومانشوفه بس يرد على مواضيعه
نوووووووووو وووووووووووي
معصي ورافض هالفكره بالمره
4- اللي جديد وخايف من الاعضاء يمحطونه بمواضيع تصك في جبهته عادي يخش ويطيح ام الميانه ويحشني بس بشويش بالله ما ابي اخش اسعافات اوليه .
5- ومانبي واحد يكتب في اليوم 500 موضوع ثم يطس ولا نشوفه في اليوم الواحد حط موضوع او موضوعين عشان الكل يقراهم والكل يوسع صدره والكل يرد على موضوعك << من جد منقهر
6- واللي عنده اعتراض على موضوع معين لا يسوي فيها انه مثقف ويرصع شكواه في المنتدى لا ياحبيبي ارسل على الخاص على المشرف والبنات كمان مسموح يرسلون عالخاص بس لايطولون لاني ماقدر اقرا كلامهم
بسرعه يخق قلبي معاهم ويحزنوني فلذلك البنات يرسلون للمشرفه على القسم عشان ما يخققون قلبي .
7- وشي جدا مهم
اللي بيكتب موضوع وفيه احيه ولا شي من هذا القبيل يعني يتكلم على قبيله او يدخل في السياسه او يتكلم على ابليس وهو غايب بقوم انا واتوطا في بطنه وبعدين باحذف موضوعه
<-- اذا صرت مشرف طبعاً
واخيرا
اتمنى من كل عضو انه يعطي
المنتدى بس ساعه يوميا من وقته
وانشالله نرتقي بهذا المنتدى عاليا ومايطيح اذا جا
عليه صاروخ منيه ولا منيه
وانشالله تعم الرجه عالجميع وتقضون هنا ازحف لحظات عمركم وانسم ايام حياتكم .....
تك تك
مواقع النشر (المفضلة)