(( صــــــــون قلبـــــــــــي ))
[align=center]صون قلبي ياعيوني وقلبي محتاجك تصونه .... يالغــلا ماراح تخســـر إن تولّعـــت بحنانه
والله أنّه قلب وافي والمشاعـر بــه حنونه .... بس ما حصّل من اللي بالوفاء يوفي وصانه
طيع شوري لا تكابر خل في قلبك ليونه .... زفّني بإحساس صادق خل لي فقلبك مكانه
تعرف إن صرنا حبايب واجبن حبّك أصونه .... وإنت واجـب منْـك تاخذ حبّـي بعــين الأمانه
ودّي أجمعك بغرامي بس تتعـــرّف بلونه .... هو غرامن مـن صفاتـه يكره إصنوف الخيانه
ومن صفاته إن تعلّق في حدن ما يعيش دونه .... وإن تراهن في غرامه بالثقـه يكسـب رهانه
اشعار
جمعة بن نايم الكعبي[/align]
رد مع اقتباس
مواقع النشر (المفضلة)