سيداتي الكريمات سادتي الكريمين <--- وينك ياسيبويه تحوسها
انا حبيت افضفض لكم بمشكلتي عشان ما تنفقع مرارتي وتسلوتي
انا يا اصدقائي في النت قدر الله علي امس وصارت لي مصيبه
لا على البال ولا على الخاطر ...
القصه من الباب للدريشه هي كالتالي :
في احدى ليالي الصيف الحاره امس كنت جالسه كالعاده على النت
وكنت آخر انسجام واذا بالجوال يدق لللالي للاالي <<-- النغمه هذي حقت جرح تاني
قلت اذا احد اعرفه منيب راده هو اناا فاضيه كخخخخخخخخخخخخ
واطالع واذا به رقم مميز قلت يؤؤؤؤؤؤؤؤؤؤؤؤؤؤ
واتنحنح لزوم ينعم الصوت <<--- بشويش يا انغام
قلت أنووووووووووووووووووو <<---------- النون ذي مهيب غلط لااااع انا ناطقتها كذاا بالزبط
تعرفون رقم مميز يعني حركات لازم اصير انا بعد حركات كاااااااااااااااااااااااااع <<------ وش دخلك تضحكين
المهم سكر في وجهي
قلت افاا صوتي شين بس مهوب لدرجه يسكر الله يغربله
لكن رجع دق ثاني قلت انووووووووووووووووووووو
قال اقول هذا جوال شجووون؟؟
قلت يؤؤؤؤؤؤؤؤؤؤؤؤ ايه لا قصدي من تبي اقول من انت يمه
قال انا طلال ..؟
وانا اللي اشهق ذيك الشهقه ياويلي هذا ابوي الله يرجني ماعرفته
قلت ايه وانا شجووون لبيه ..
قال جعلتس الصرع ورى ما تحتسين زي الناس
قلت شف عاد انا كنت اكل وغصيت واذا بك تدق وش اسوي ماأغص هاه ..؟؟
لا قل لا تغصين
الا تعال طــقني ..
والا اقول لك اذبحني احسن ..كخخخخخخخخخ <<----ملكعه تعرف تغير السالفه
قال لا وش دعوى يابنتي عادي جعلتس كل يوم تغصين ..
قلت ايه اشوااا
قال اقول ما هوب عندتس بروفه لفستانتس اليوم ..
قلت ايه عندي بس قبل الفستان
من ذا رقمه الخطير
قال هذا رقم توني شاريه والله دفعت فيه مبلغ ما تتخيلينه
قلت ايه والله لادفعك كثره الحين في المشغل ...
قال هاه ؟؟
قلت لاااع سلامتك اقول ماودك تجي توديني
المهم قال لي يالله خليتس جاهزه ..
وانا اللي اقوم واخلي النت شغال تعرفوني بنت نعمه كخخخخخخخخخخخخخخخ
ونجي للمصيبه اللي صارت لي
وعشان يكون الوصف دقيق ( دقيق والا طحين ) اشرح لكم مكان الجريمه لااع قصدي مكان المعركه
فعلا ياجماعه معركه ..
مكان المعركه = غرفتي
غرفتي فيها سرير ودولاب وتوابعهما طبعاا ... وفيه جهاز الكمبيوتر <<---- احد يحط الجهاز بغرفته
( قايله لكم منتهيه )
( لا وناويه اجيب لاب توب في المطبخ جنب الفرن عشان اعل تسبودكم صدق )
ومشجب عليه عبايتي الله لايبارك فيها .. اللي هي مكان اختبااء المجرم
قمت واخذت عبايتي من المشجب بحكم اني ناويه اطلع
ولاول مره اسوي مثل حركه امي وانفض العبايه
سبحان الله يمكن عشان ربي يبي لي الخير نفضتهااااااااااااااااا
ومع اول نفضه الا واشوف شي طاااار وصقع في الدولاب
ياااااااااااااااااااااااااي وش ذاااا
سورسااااااااااااااااااار
ياربيييييييييييييييييييه ابي امي ... ابي ابووي... ابي اي احد ... ابي الدفاع المدني تكفوووون
كخخخخخخخخخخخخخخخخخخخخخخخخخخخخخخخ
واول ما جا في بالي اني احافظ عليه من دخول هالمجرم الصارور هو الكمبيوتر
صراحه خفت يدخل الجهاز يحووس بالملفات كخخخخخخخخخخخخخخخخخخخخخ
انا الطاوله حقت الكمبيوتر عباره عن دولاب كخخخخخخخخخ
اشوفكم تضحكون ويعه
مو دولاب ملاابس
لاا ع دولاب كمبيوتر له غطااء مثل بيبان البقالات كخخخخخخخخخخخ
المهم وانا اللي انزل الباب بسرعه
واسمع شي قال طرررررررررررررررررررررراخ
قلت يالله ياسفابه .. انكسر وعز الله ما عاد احد بيشتري لي كمبيوتر جديد
اصلااا ما يصدقون يخرب عشان يذلوني
واسرح بخيالي بعيد واتخيل اني متزوجه الوليد كخخخخخخخخخخخ
اقصد واتخيل ان كاتم عرف بخراب جهازي
قام دفــّـع كل اللي في المنتدى
بس تقولون وشلون انا اقول لكم
صار ياخذ من كل واحد يدخل الصرقعه ضريبه ...
ياخذ ريال للدخول ...
وريال على الرد...
وخمسه ريال على الموضوع
يعني التوقعات بس بتجيب لي كمبيوتر في يوم كخخخخخخخخخخخخ
المهم صحيت من هالافكار الخبله على صوت شي يطيرررررررررررررر
واصاررررررررررررررررخ قلت بس ياشجووون بيدخل فيتس جني اليوم
واروح للمطبخ وادور على سلاح والاقي بف بااف قلت يالله ولو ان هالصارور مايفيد فيه
ولا كيماوي ا وخردل الاعصاب بس نجرب
وارشه تشششششششششششششششششششششششششششششششششششششششش
وانحاااااااااااااااااااااااااااااااااااااش
واجلس بالصاله انتظر يمووووووووووت
وارجع اطل عليه لقيته يلفظ انفاسه الاخيره
رجااءآ لحد يبتسي اسفه حزنتكم معي ...........
وبعد ما قبرته في الزباله <<--- الله من الخوف حتى ما قبرتيه خليتي ولد الجيران يقبره
قمت واخذت العبايه وحطيتها في الزباله
ودق الجوال واذا بالرقم المميز
قلت هاااااااااااه وش تبي ؟؟؟ <<-- من بعد الصارور مالها خلق تكلم احد تعرفه كخخخخخخخخخخخخ
قال يالله انا عند الباب
قلت مافيه عبايه
قال وشلون بتروحين بدون عبايه ..؟؟
قلت ياليت اقول لك ماعندي عبايه
قال ياشين المزح بين العشوين ..
قلت والله ماامزح عبايتي في الزباله
واقول القصه باختصار ..
قال جعلتس للموت اللي يريحني منك ...
تنطلين عبايه توها جديده عشان صارور ..
قلت ايه تبيني البسها وهو ممرغ خشته فيهااا
ياااااااااااااااااااااااااي ....
يالهووووووووووتي ....
تسبدي ..
بطرششششششششششش ....
قال البسي من عباياتك القديمه والا بعد ناطلتهم يابنت ابن سعود
قلت لاااع شينات واخاف اللي في المشغل يشوفوني بخلاقين يقولون ذي
طفرانه وقرويه واطيح من عيونهم ...............
قال اقول انا ماشي جعلتس ما تطلعين ............
وطلع وصقع بالباب في وجهي بدون أن يراعي مشاعري او يخفف من وقع
المصيبه علي او يمسح دمعتي او يطبطب على كتفي ..
وانا جايه وحاطه موضوعي بين يديكم وتراني داخلتن على الله وعليكم تهونون علي مصيبتي
وتسوون قطه وتشترون لي عبايه جديده لاني ما اقدر اقعد بالبيت ..
يمكن انتحر والا والله ثم والله لاجلس بالمنتدى 24 ساعه واكتب في فضايح الاعضاء والمشرفين ...
تحذير ....
لاتعرض الموضوع لأشعه الشمس او ترمي او تحرق يؤؤؤؤؤؤؤؤؤؤؤ وش فيني ؟؟
لا تطلع من الموضوع ماقطيت كخخخخخخخخ لاااااااع قصدي مارديت ..
اوكي
همسه <--- يارقيقه
ماورد في الموضوع صدق والله العظيم وقسم اني مااكذب .. والله الله بالقطيات
واللي ماعنده يعلمني اسلفه لين يجي معه ....
تشـــــــــــــــاو
مواقع النشر (المفضلة)