ياماااااااااااااااال العافية
ياحظ ياللي لك ثمان سنين نايـم مـا صحيـت
متى على الله ينتهـي نومـك يامـال العافيـه
الناس وصلت للقمر وانته بنومـك وش لقيـت
ما باقيٍ غير انت مـن بـد الحظـوظ الغافيـه
وش قدمت كفك ياحظي وش عطيت ووش خذيت
فيما مضى وش جبت لي غير الجروح الخافيـه
راح العمر واقفت سنيني لا زرعـت ولا جنيـت
والله يـزيـن عاقبتـهـا فاللـيـال اللافـيـه
ارق السنود وسـم بالرحمـن يالحـظ البخيـت
خلك مع اصحاب اليمين اهل الشبـور الوافيـه
اللي لهم فالمرجله والعرف والمعـروف صيـت
اهل السجايا الطيبـه واهـل النوايـا الصافيـه
وان كان ياحظ الندامـه مـا تيامنـت ورقيـت
ارقد وجعلـك فـي منامـك ماتشـوف العافيـه
مواقع النشر (المفضلة)