واطيري اللي زودوا فيه الأثمان ..اشعل ظهر والصدر يجهر شعاعه,,
واطيري اللي زودوا فيه الأثمان
اشعل ظهر والصدر يجهر شعاعه
لو له شبيه في الملى هو غزالان
راجي عل زينه يزود بشـجاعــه
خذته ولاني يا هل الطير ندمان
من عادتي ما نيب اسوم البضاعه
الى ركز في مجلسي طير حوران
وتجمعوا عندي كثير الجماعه
وشلته على كفي كثير الغثا هان
عندي غدى للهم مثل المناعه
لا صرت فيما تطلب النفس بلشان
اترك طمان القاع وارقا برفاعه
وباكر تصاريفه على عالي الشان
من يضمن الدنيا ولو ربع ساعه............
قصيــد اعجبتني للشاعــــــر الأميــر بدر بن عبد المحســن حبيت ارفق معها بعض الصــور ,,,
تحياتــــي للجميـــــع....
رد مع اقتباس
مواقع النشر (المفضلة)