[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]انـا معـقّـد يابنـيّـه ومجـنـون=وعاقل بنفس الوقت تركـد جنونـي
اضحك لياشفـت المخاليـق يبكـون=وابكي ليامـن شفتهـم يضحكونـي
شاعر واغنّي لي طواريـق ولحـون=ولاني من اللّي قيـل: يستشعرونـي
شاعر ولايبغي بـه النـاس يـدرون=ولانشـر يـوم العـرب ينشرونـي
يعني على ماقيل : ((شاعر ومدفون))=ولاقلّـد اللّـي بالصـور يكشخونـي
ولاباع شعره يوم هـم لـه يبيعـون=لو كان بكنـوز الذّهـب يشترونـي
عزيز نفس ومـن رجـالٍ يعـزون=ماهون لو كان ((المعـزّه)) تهونـي
وان كانها بالزّين ماقول ((مزيـون))=الزّيـن للّـي بالحـفِـلُ يلعبـونـي
متبع بناتٍ وسط الاسـواق يمشـون=ولاقد حذفت ب((نمـرة التيلفونـي))
طبعي حياوي..بعض الاحيان ملسون=وانتي بطبعك نفس طبعـي ولونـي
فيني تناقض بين((عاقل))و((مجنون))=وانتـي دواي اللّـي يعقّـل جنونـي
وانا..الياحبيت..لايمكـن آآخــون=ماخون لو مجنـون ليلـى يخونـي [/poem]
للشاعر : فهيد بن عصيدان
تحيتي
مواقع النشر (المفضلة)