-
... عضو جديد ...
- معدل تقييم المستوى
- 0
ااOoالـخـيانـة مـن الـبـنـتoOاا
[align=center]ياللـي بأساليـب الخيانـة تفننـت
وش رجعك عقب الجفـا والقطاعـة
فارق عيوني وابعد أرجوك لاهنت
دامك تصنعـت المشاعـر صناعـة
لعبـت لعباتـك بتمثيـل واتقنـت
وألفـت كذباتـك بفـن وبـراعـة
وخليتنـي بالنـار يومـك تمكنـت
وقعدت أدور فـي هـواك الشفاعـة
لآن الحجر من حالتي وأنت مالنت
لأني أعطيتـك غـلا عـن قناعـة
ساويتك بروحي ومن قلبي أحسنت
وزرعت حبك في ضميري زراعـة
غدرت بي واخلفت ضني بك وخنت
اثر الهوى عنـدك مجـرد اشاعـة
لاتقول أبرجع بالهوى مثل ماكنـت
ضاع الهوى وأنت السبب في ضياعه
يوم إني اسهر بالغرابيل وين أنـت
يـوم أتحـرى جيتـك كـل ساعـة
ياللي مع الأيـام ضـدي تلونـت
يامن تفنـن فـي وسايـل خداعـه
بك من تواصيف الغدر لاتمسكنـت
كنه أخوك من الصـدر والرضاعـة
يالمعدن اللي حكك الوقـت بينـت
بيّن صداك اللـي خذيتـه بضاعـة
اليوم عقب اللـي جرالـي تمعنـت
والحـر بعيونـه يبيـن انطبـاعـه
ربتني الدنيا على يديـك وايقنـت
ماكل من يطمح طمـوح استطاعـه
كانك مع العاذل وهمـي تعاونـت
فا انا تخصص بالصبـر والشجاعـة
وان كانك أسلوب التحدي لي أعلنت
ابشر لـك برجـلٍ يشمٌـر ذراعـه
أنا كذا طبعي... وبطباعي أمنـت
من عافنـا يحـرم علينـا إتباعـه
واللي معي صادق بعيني له أسكنت
عندي عن أسلوب الخيانـة مناعـة
تدري؟؟ مدامك للهوى اليوم ماصنت
اقولهـا بوجهـك وكـلّـي قنـاعـه
يلعن ابو رجلٍ يذلـه هـوى بنـت
إذا تخلـى لأجلهـا عـن طباعـه . [/align]
-
][ ..شــاعــر مـمـيـز.. ][
- معدل تقييم المستوى
- 1
يسلم بووووووووحك ياالبنااااخي
لاهنت ولاهان قافك
قصيدة جزلة من شاعر جزل
الله عليك
-
... عضو مميز...
- معدل تقييم المستوى
- 1
أنا كذا طبعي... وبطباعي أمنـت
من عافنـا يحـرم علينـا إتباعـه
واللي معي صادق بعيني له أسكنت
عندي عن أسلوب الخيانـة مناعـة
قصيده في قمة الروعة صح لسانك يالقرم ويعطيك العافيه .. بس خذها مني يالغالي اصابعك موب سوى ..
تحياتي الشــــــــوق
-
... عضو جديد ...
- معدل تقييم المستوى
- 0
ناصر حطاب العنزي <===== يسلمك ربي انشاء الله البناخي
ومشــكــوووور عـلى مــرورك ولا هنت
اخــوك:ابـ امــولـه ــو
دمــتم.
-
... عضو جديد ...
- معدل تقييم المستوى
- 0
الشــوق <===== صـح بـدنـج اخـتي يانشميه الله يسلمك
صـح اصابعك مو سوا بس الخونات اكثر من الوفيات في الزمان هذا
يعطيج الف الف عافيه ومشكوووور على مرورج
اخــوج:ابــ امــولـه ــو
دمـتم.
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
مواقع النشر (المفضلة)