يـاقـسـوة الايــــام والــحــظ الــــردي والاتكال

[غـ الــزيـن ـلأ ي]

[poem=font="Simplified Arabic,4,white,normal,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
للحـزن ساحـاتٍ بـصـدري مـثـل سـاحـات القـتـال
فـيـهـا الاصـيــل مـــن الـمـهـار تـعــوّد بخيالها



ولا يطـفـي حــر مـابـي مــن حـرايــق وأشـتـعـال
الا الـدمـوع الـلـي مــن عـيـونـي يـهــل هلالها



لازال فـيــهــا دمـعـتـيــنٍ لـلــفــراق ولاتزال
ذكــرى هـنــوفٍ كـــل يـــوم أحـطّـهـا واشتالها



راحــت عـسـى الله مايلحقـنـي مشـاريـه الرجال
تـقــول كـنّــي ماخـلـقـت مـــن الـتــراب الآلها



عــزّ الله أنّــي مانسـيـت أفعالـهـا بـنــت الـحــلال
لــعـــل ربـــــي مـايـجـازيـهـا بــســـو افعالها



أكبـر جريمـه ترتكبهـا فالـهـوى مــن وســع بــال
هــــذي ضـحـايـاهـا بـقـلـبـي شــيــدوا تمثالها



وشلون تهجرني وأنـا مالـي علـى الهجـر أحتمـال
وشـلـون تهملـنـي وأنــا مانـيـب أطـيـق اهمالها



وشلـون تقطعنـي بسيـف البـعـد قـطّـاع الوصال
وأنـا لـو أقطـع عــرق قلـبـي ماقطـعـت اوصالها



وشــلــون ماتشتاق,,ماترحم,,ماتذكـر,,مـاتـسـال
وشـلــون مـاتـطـلـق يــديــنٍ كـبـلــت بأغلالها



وشـلــون مـايـطـري علـيـهـا لاتـفـيـت فالظلال
مـتـشـبـثٍ لاوقــفــت جـنــبــه قــعـــد بظلالها



مكسور خاطر والسوال أعووووذ من ذل السؤال
يامـا أنتـظـر مــن بــرج هاتفـهـا يـبـث ارسالها



لـكـنّ مــال الآدمــي حـيـلـه لامـــن الـحــظ مال
الميـلـه الـلـي فــال ربــي خـيـر لــه مـــن فالها



هـي افقدتنـي مـن هـنـا .. وأنــا فـقـدت الاتـصـال
مـــن يـــوم راحــــت لارسـايـلـهـا ولا جوالها



يـاقـسـوة الايــــام والــحــظ الــــردي والاتكال
عـلـى مقـولـة ( للمـواقـف والـلــزوم ارجـالـهـا )



يالله دخيـلـك مــن تـردّايـة نصـيـب وشـيـن فال
مـن حيـرة آمـري لـيـت عـنـدي حيـلـةٍ واحتالها



أن أرخصت قدري وطاحـت قيمتـي والهجـر طال
قـولـولـهـا تــتــرك مـكـابـرهـا وتــاخـــذ بـالــهــا



أنا من اللي فوق .. فوق و فوق .. فوق و عال ..
عالتـركـد ويـركـد عمّـهـا معـهـا ويـركــد خالها



لاوصــلــت لـلـحــد هــــذا لانــقــاش ولاجـــــدال
تـبـعــد وتـنـكــف الامــــور دقـاقـهــا وجلالها



لو المفارق صعـب والنسيـان ضـرب مـن الخيال
ارخـــاي راســـي لايـــروق الــهــا ولايـحـلالـهـا



احفـظ لهـا قيـمـة غـلاهـا وأنتظـرهـا مــن شـمـال
وإذا نـسـتـنـي هــــذي الـدنـيــا وهــــذا حـالــهــا



أمّا أني أنساها .. نسى الله مـن نسـى ذاك القبال
يـاااااصـبّ روحــي صــب دلتّـهـا عـلـى فنجالها



قولولـهـا لاستخـسـرت فـيـنـي ريـالـيـن اتصال
تـهـدي عـلـى ( جمعـيـة الـصـم البـكـم ) جوالها [/poem]

[غـ الــزيـن ـلأ ي]

لتجربه التنسيق فقط