انواع الشباب
نوعيه من الشباب تشوفهم في البيت غير وعند الناس غير
أبسط مثال يا فلان قم ود أختك للمستشفى يقول هاه وش بلاها ما فيها الا العافيه
بس اذا واحد من اخوياه تعبان يطير طيران علشان يوديه للمستشفى لا ويرافق معه بعد
والا يا فلان نبي خبز واللي يعافيه يقول ما علي منكم عمركم ما اكلتوا سووو رجيم
وعند اخوياه يطبخ لهم لا ويغسل الصحون بعد
الملابس
دولاب الملابس يشتكي من كثرها وماتشوفه الا بقميص واحد أتحداه يغيره ينام فيه
ويصحى فيه ويصلي فيه ولا يخلي أحد يغسله واذا جاء يروح للسوق شوفوه ساعه عند
المرايه يعدل الغتره
العاجزين
يا كثرهم ودي أشوف شاب يشيل عن أخته أو زوجته أو حتى أمه بعض الاغراض بالسوق
الا تلاقيه مطير عيونه بالبنات والمسكينه وراه تسحب أكياسها
الوحده تشوف المصريه والا اللبنانيه تحسدها على الذوق اللي عند رجالهم ما يخلونهم يشيلون شئ
إذا تبون تعرفن الشاب فوضوي وألا مرتب
تجيك السياره وسخه كلها غبار من يوم شراها ما غسلها لا ويقول هذي غبار الوكاله أمحق
وكاله لا وكاله ولا غيره الا عاجز يغسلها لا واذا شفتها من الداخل ما تدري وين تحط رجلك
هذي فروه تحت رجلك وأسلاك وقراطيس وفصفص ومناديل والاكواب لها سنه بالسياره
وكل وساخة الدنيا داخل السياره والا ريحة الدخان اللي تدوخ الراس
واما الشاب المرتب وهم قله للاسف سيارته تبرق من النظافه تدخلها كنك داخل محل عطور
راعي الحق والواجب
ما يخالف الحق والواحب لكن بحدود المعقول واحد يجيب لزوجته كل يوم ذبيحه ويالله اطبخي
كل يوم طبخ ونفخ يعني الوحده ودها تطلع مع زوجها يتمشون وينبسطون وحتى اذا ما طلعوا
يجلسون ويتفاهمون مو كل يوم عزيمه
والا الاستراحات رايح استراحه وجاي من استراحه بس هذي شغلتهم ويا ويلها اذا احتاجت شئ
ودقت عليه تقطع عليه لعب الورقه هذي مصيبه
الدلع
بنت تدلع معقوله تنبلع اما ولد ويتدلع ووووووووووووووووع
تشوف راسه ما تدري هو راس بنت والا ولد تسريحات مدري من وين يجيبونها اللي فالق
راسه من النص تقول ثور واللي مسوي تسريحة بطل التايتنك وهو يلوع الكبد طالع شكله تقول
هندي ما يدرون ان الغتره والعقال أستر لهم
الشباب الناصبين
هذولا عد واغلط يا كثرهم يجيك الواحد يقول يووه سيارتي طالبها من برى تأخرت والله ما جت
للحين أخاف ان عمارات نيويورك طاحت عليها وهو زين ان معه نيسان 85
والا يقول ما شفتوا تليفوني من دبي جايبه وهو شاريه من الحراج
ويقول ما تدرون اختاروني لاعب بالمنتخب بس اعتذرت لاني مصاب والدكتور يقول لا تلعب
لمدة ستة أشهر والمشكله تلاقيه ما يعرف حتى يشوت الكوره
المعصب
وهذا مسوي شخصيه يطلع ينفخ ويدخل ينفخ يدور المشاكل دواره يحسب انه باسلوبه هذا
يخوف الناس ما يدري هالنوعيه يكون بداخله انسان ضعيف
الدلخ
هذا كل من هب ودب يضحك له
يجيك الشاب وهذي دايم تصير بالمدارس والاسواق اذا شاف البنت تلفت وتدور اخوها او ابوها
وطاحت عينها بعينه صدفه قال خلاص حبتني لا والا اذا اضطرت وحده تسأل واحد منهم سؤال
عاد يبدأ وجهه يتقلب كل الألوان ويتخلبط وتصير حالته حاله على باله البنت وقعت بدباديبه
المغرور
مدري بعضهم شايف نفسه على ايش شين وقوي عين
واغلب اللي كذا يحس بالنقص ومن زود احساسه بالنقص يحاول يرفع نفسه وما يدري
أن من تواضع لله رفعه
راعي الطرب
وهذا ما يجلس بدون مسجل في غرفته الاستريوا يشتغل على أعلى صوت قمه في الازعاج
واذا طلع بسيارته الله يعين المسجل على اخر صوت لا ومركب سماعات اضافيه علشان يطلع
الصوت صح عند الاشاره وشوف ملامح وجهه بيتشقق من الفرح كنه مسوي انجاز
انبسطوا يا شباب طلعت فضايحكم
تحياتي لكم
منووووووووور
منقووووووووول
مواقع النشر (المفضلة)