4فــــــــxـــــــي6

[سميتك غلاي]

[align=center]أسمحولي أقدم هذي القصيدة بصراحه اهي قاسيه شوي بس تستحق القراءه
لانه بجد عجيب وقووي ,,,وحبيت أنكم تشاركوني فيه,,,








ثلاث سنين انا اخطط لهذا اليوم يافلان
تيسّر حالي و جاهز اوفّي وعدي بوقته


و فجأه جتني تتعذر .. تقول تأخَرَت لوعود

و انا مستغرب و اسمع كأني وعدها خنته !!


حسبت انها تمازحني و تتصنع جفا و صدود

ضحكت بوجهها من قلب.. مع انْها بايخه النكته


و قالت ارضى بالواقع .. قلبي ماهو المعهود

تغير كل شي صوبك .. نصيبي ما اظن انته !!


كنت ف يوم محبوبي و لكن ما اظن نعود

وصل من قبل ما توصل .. و انا ذاك الصبر عفته


و لكن تكفى صدقني و يشهد ربي المعبود

ترى ما خنتك بغفله .. ولا كلمته و شفته


صراحه اهلي قالوا لي بأنه ولد اصل و جود

و جتني امه بالصوره .. و بكلمات المدح اخته


سكت و قلت هي فرصه مدام الجود في الموجود

و قالوا كل من حولي علامات الرضا سكته


و انا فكرت دام امه و اخته ما عليهم زود

اكيد اني براضيهم اذا وافقت و اخترته


و اراضي اهلي و اخواني مدام ان الفرح مقصود

عطيت الناس انا كلمه ومعاهم وقتي حددته


و لا اقدر اغيرها .. ترى عند العرب منقود

اوافق و اعتذر باجر و اقول الراي غيرته !


تبي تشرح لي المنقود .. تصدق عاد يا فلان

تبيني اقتنع و ارضى بحال ٍ عمري ما عشته


انا ماني بقايلها .. عسى يفرش ثراها ورود

بعد ما حطمت قلبي و طعم الموت جربته


عسى بفستانها اشواك .. و في ثوبه عقارب سود

و نار ٍ تحرق الكوشه و تحرق بيتهم حتى


و موت بليلة الدخله يبرد حرتي يا كود

ولا احس انها بحضنه يلامس خد لامسته


علي اهون اذا ماتوا ولا بنفس السرير رقود

ترى صعب ٍ علي اتخيل اللي ما تخيلته


عسى قاع الثرى يقسى و يتحول صخر جلمود

و حفار القبر يرفض يسوي فوق مقدرته


ترى دفنة عديم الذات تلوع حتى كبد الدود

و من خان العهود و مات تعافه حتى مقبرته


عسى ربي يجازيهم بحبل ٍ من مسد ممدود

يعلقهم من اطرافه و فوقه نار ٍ و تحته


انا ماني حقود و شين ولاني من نسل نمرود

ومن حط نفسه بوضعي بيقول اللي انا قلته


مدام الفعل له ردة فعل والله ابشري بردود

بدعي دامني حي ٍ و بغرس للدعا نبته


و بسقيها نزيف القلب و دمع ٍ ما رحم لخدود

و تكبر و الثمر ثاري من اللي خانني و صنته


انا نذرٍ علي اكتب و افجر هالقصيد رعود

و اسمّع كل بشر صوتي عجبته ولا زعلته


و اردد للي يسمعني .. اذا حبيت ( حط حدود )

انا حبيت دون حدود و شوف اللي تكبدته


ثلاث سنين انا ابني و جت ( صوره ) بكل برود

خذت مني شقى عمري و حلم ٍ ( قلت ) حققته !!!


ثلاث سنين انا اخطط لهذا اليوم يا فلان
وتوافق من كلام اخته .. و صوره ( 4 ف 6 )



أتمنى يعجبكم وهالله هالله بالردود السنعه[/align]

[°o.O (عبـداللـه) O.o°]

ثلاث سنين انا ابني و جت ( صوره ) بكل برود

خذت مني شقى عمري و حلم ٍ ( قلت ) حققته !!!


ثلاث سنين انا اخطط لهذا اليوم يا فلان
وتوافق من كلام اخته .. و صوره ( 4 ف 6 )


لا اله الا الله


كلمات ولا اروع

صدقني مافيها حقد ولا كره

بالعكس ياريتك زدتهم شوية

صح لسانك



دمت للزين

[سميتك غلاي]

[align=center]

صح بدنك أخوي


ومشكووووووور على المرور ,,,, سلمت يداك على ردك [/align]

[دلوعه قمر]

يـــــــــــــــــــــــــــــــــــــــــــاهلااخ تي فيك

يااحلى غلاي


ماشاءالله عليك ابداع ولااروع


بصراحه روعه كلماتك

تسلم يمناك ع القصيد


نتظرمنك المزيد

وصح لسانك

طحياتي لك


دلوعـــــــــــــقمرــــــــــــــــــه