هل أنا على حق أم غلطان ؟

**حبيبتي حطمتني** · 22-09-2006, 09:23 PM

السلام عليكم ورحمة الله وبركاته

مساء الخير والسرور على الجميع:23ar:

في البداية ..

ترددت وأنا أكتب هذا الموضوع المهم لي واللي

أتمنى منكم تعطوني رأيكم بصراحة هل أنا على

حق أم غلطان .

في البداية الموضوع مع جدي << سوالفه كلها مع

جده ياحبي له:23ar: وسالفتي أنه هذي الأيام يضغط علي

بالزواج وهذا الشي جميل ولكن المشكلة أني توني

خريج هذي السنة وتوني مشتغل بمدرسة أهلية معلم

وما خذت شهر السالفة مش سالفه فلوس لأنه عرض علي

أنه يتكفل بكل شي لين أتوظف بالحكومة لكني رفضت

أنا ووالدي لأن الموضوع مش سهل وبعذب بنت الناس معي

وأحب أكون جاهز من نفسي ولكن اللي يعذبني بالموضوع

أنه مستعجل يبي يشوف أحفاد أحفاده قبل ما ..( أن شاء ما يجي

ذاك اليوم ) والمشكلة أني أكبر أعيال عياله وكل ما أروح معه عرس

أو يسمع سالفة زواج على طول يفتح معي الموضوع والمشكلة الأكبر

أنه مش ناسي الموضوع لأنه هو بعد بيتزوج يعني الزواج بيظل يطاردني

وأنا من النوع اللي بسرعة أرضخ للأمر لطيبتي ولحيائي أتمنى أنتهي

من هذا الموضوع اللي مزعجني بصراحة كنت ناوي أتزوج قريبتي لكن

جاءها أبن النصيب اللي أدعي ربي أنه يسعدها معه وبعدها ما أفكر

أتزوج حاليا َ لين أنساها نهائيا .

في النهائية هل أنا غلطان أما على حق ؟

**][ نَــوٍنَــوٍ ][** · 22-09-2006, 10:28 PM

وعليكم إلسلام

يبي يشوف أحفاد أحفاده قبل ما ..( أن شاء ما يجي ذاك اليوم )

إلله يطول بعمره يآآآآرب $222

في النهائية هل أنا غلطان أما على حق ؟

اللي فهمته من كلآمك إنك مآتبي تتزوج عشان لاتضلم إلبنت إللي بتتزوجهآ

لانك للحين مو قآدر تنسى قريبتك ولو صح إللي فهمته إكييييييييييد بتكون غلطآن

هي خلآص إلحين متزوجه ومستحيل تكون من نصيبك

والاحسن انك تنسآها

إنآ عآرفه ان الكلام سهل وإلفعل صعب بس لآزم تنسآها مآفي حل ثآني

ولو انت رآفض إلزواج عشىن سبب ثآني او إنك مو مستعد مارآح تكون غلطآن بآلعكس

وابقولك شي لاتسوي اي شي وانت مب مقتنع 100%

ولاتخلي إحد يضغط عليك هذي حيآتك

وحآول تفهم جدك انك مو مستعد إلحين

او إنك تبي تأجل هالموضوع شوي

ولآ تخلي طيبتك وحيآئك يأثرون ع مستقبلك عشان لاتندم بعدين

ووقتها صدق بتكون ظلمت البنت وظلمت نفسك

وترا إنا قريب مريت بمشكله تشبه مشكلتك

بس كله الا إلزواج هالشي إلوحيد إللي مآحب احد يتدخل فيه

او يجبرني عليه لآزم إكون إنا مقتنعه

وإلله يسعدك ويقدملك اللي فيه إلخير :25ar:

**حبيبتي حطمتني** · 22-09-2006, 10:35 PM

شيخة غلاها

كلامك صحيح أختي أنا مش متهيأ نفسيا

أصلا ً للزواج .

وجدي يحاول أغرائي بأنه متكفل بكل

شي من مصاريف وغيره .

بس أنا كاره الزواج حاليا ً ولا أبغاه

تسلمين على أهتمامك بموضوعي .

دمتي سعيدة

**حبيبتي حطمتني** · 22-09-2006, 10:49 PM

نونو

زي ما قلتي أختي الكلام سهل بس

الفعل صعب .

بسبب هذي الفتاة تأخرت في دراستي

وكنت بجلس بالجامعه لما أحبابي في

لله ساعدوني في تجاوز هذي الحالة الصعبة

بالنسبة لي لكني لحد الحين متأثر بسبب هذا

الموضوع .

وزي ما قلتي أختي مش مسوي شي الإ أنا مقتنع

فيه لاهنتي أختي لأهتمامك بموضوعي وربي لا

يريك شي تكرهينه .

**حبيبتي حطمتني** · 22-09-2006, 10:55 PM

شيخة غلاها

ليتني من النوع اللي يتكلم

يمكن تشوفيني في المنتدى

جرى بس أنا عكس كذا على طبيعتي

كتوم مع أهلي وزملائي .

وأنا حاط في بالي مابي أظلم بنت الناس

معي مع أن جدي كل يوم جايب لي بنت .