الساعة
اشغلت عينك الساعه على هونك
ودّنا نطلع من الوقت لو ساعه
في بحر سودك ابحروا شوق مضنونك
شفها الريح يوم تمازح شراعه
زيد في فتنتك لعيون مفتونك
يتبعك ما تلفت يم تباعه
كل ما لد طرفك قلت ياعونك
انت شيخ الخفوق وكثر اوجاعه
كن منت ب على بعضك وانا دونك
اتلهف لوعد عندك وداعه
كن الاهداب تشكي رعشه جفونك
كن كفك يتله مني ذراعه
لمت صمتك واثر صمتك من فنونك
لي سألتك تصير الكلمه طماعه
بس لي جاوبتني هزه متونك
كيف اعاتب خجول تحكي اطباعه
ادري انك رويت العشق ب مزونك
وادري ان الغلا في عز مرباعه
ما بقا الا اسرق الكحله من عيونك
واتجمل بعينٍ فيك ملتاعه
وان خذاك الملل حتى من طعونك
جرب الحب مره نقلب اوضاعه
قل ما اخونك واقول ان عشت لا اخونك
قل ما احبك واقول السمع والطاعه
اصعب اللي خذيته عقل مجنونك
واسهل اللي عطيته دفتر ابداعه
مزنه ما سبقها بارق سمونك
في زمان الشقي ماهي ب فزاعه
تحرسك عين من صورك وتصونك
روح ما دام راح الليل ساعه
مواقع النشر (المفضلة)