[align=center]
بسم الله
أنت تعرف من معاك ؟ :35ar:
سؤال دايم تسمعه من الشعب السعودي...
حنا شعب غريب يمكن عددنا يوصل الي العشرين مليون بس كثير منا مهايطين..
وكلهم عندهم واسطة وكلهم اقويا وكلهم عناتره ..
ولا يعرفون يبتسمون ولا يعرفون يسلمون..
اسمحوا لي انا ما ودي أعمم الفكرة بس بصراحة هذي ملاحظة موجوده في المجتمع .
من فتره كنت على طريق عام المهم وقفني واحد مادري منهو..
ما يتجاوز عمره العشرين سنه على طول قال لي :-
انت شكلك ما تعرف من معك؟؟؟
قلت له لا بس عادي ممكن نتعرف رد معاك فلان الفلاني
(قلت في نفسي اي يمكن ذا المهدي المنتظر وانا مادري ) :confused:
قلت طيب وش تبي... قال انا أواريك قلت طيب بتوريني وشو؟؟؟
(قلت في نفسي لا يكون يوريني شي محرم) قال يجيك العلم وتركني وراح؟؟؟
المهم هذا الموضوع له سنه مادري انا وش مسوي..
والي الحين انا انتظر منه وش بيسوي.. فيني؟ images8
المهم كان معي في السياره واحد من ربعي..
قال وش يبي قلت موقفني ويقول انت ماتعرف من تكلم ضحك خويي وقال الله يشفيه؟؟
بس احيانا يكون فعلا الشخص الي قدامك قول وفعل..
لكن ظاهره هذا القول والفعل..
بس في الدول المتخلفه يقدر يسوي فيك الي يبي في غياب القانون او تحت اسم القانون..
سؤال هل احنا دوله متخلفه؟؟
يعني لو كنت في بريطانيا هل بيجيك ولد توني بلير ويقول لك انت ماتعرف من تكلم؟
مدام حنا نتكلم في المهايط وزعاطه بحط لكم نكته :
فيه مدرس يدرس في المرحلة الابتدائية سأل أحد الطلاب :
فيه طير يتكلم وأول حرف منه الباء فيرد على طول
الطالب : الببغاء ... فقال : ممتاز .. أيش إسمك؟ يردعليه الطالب أحمد ..
يسئله المدرس: أبوك ويش يشتغل؟
يرد الطالب دكتور .. فيقول المدرس : شايفين أبناء الدكاتره كيف؟
راح المدرس يعطي سؤال ثاني : حيوان بطيء وأول حرف في اسمه السين .. يرد أحد
الطلاب : سلحفاة .. يرد المدرس : ممتاز .. أيش اسمك فقال : وائل ..
أيش بيشتغل أبوك؟
يرد الطالب مهندس .. فيقول المدرس شايفين أبناء المهندسين كيف؟
بعدها يسأل المدرس السؤال الثالث : طائر له جناحين .. ما هو ؟ فيرد أحد الطلاب
بسرعه : تمساح .. فيقول المدرس شايفين الغبي هذا .. أيش اسمك ياغبي؟ يرد
الطالب : .. أيش أبوك يشتغل ياغبي؟ يرد الطالب مدير مكتب وزير الداخليه ..
يردالمدرس : والله يا حبيبي هو التمساح لو يشد حيله شوي راح يطيــــر
تتوقعون فيه علاج لهم :34ar:
مودتي للجميع
رمــاد انــسـ 1 1 1 ن
[/align]
مواقع النشر (المفضلة)