بسم الله الرحمن الرحيم
البارحه عيني ترى عافت النوم
وهلت على خدي من الحزن ماها
دايم علي الهم مكتوب مقسوم
صفحة شقاي اليوم حظي قراها
في دنيتي جوي به غبار وغيوم..
أرفع عيوني فوق ماأنظر سماها
ومن الهنا ياناس ماني بمحروم
لكن شقا دنياي غطا حلاها
دنيا الفتى من يوم تدخل على يوم
يوم يناقض يوم كلن مشاها
وأنا شكيت اليوم من قلب مهموم
على الذي يفهم حروف قراها
وش حيلة اللي صار فالحب مظلوم
يمشي ورا غرو يدور رضاها
غرو يكابر بالمشاعر على الدوم
هذاه عذروبه وسبة بلاها
لاهو يعاتبني ولايوضح علوم
بدايته دايم تجي بمنتهاها
وإن جيت أبشرح وضعي اليوم معلوم
فرحة على فرحة وفرحة معاها
لاجيتها والله ماودي أقوم
ياماحلا المجلاس معها وحلاها
عين وكف وخد وحجاج مرسوم
يالله أنا طالبك عجل لقاها
مثل البدر فالليل غطا على نجوم
محدن يساويها ولاحدن سواها
ياماحلا التبويس والصدر مضموم
واللي فهم علمي عرف وش وراها
طيفه ترى فالليل زوار ويحوم
زود على حال المعنى شقاها
طير علي النوم ياماحلا النوم
في حضنها بالحيل ياماحلاها
إحساسنا فالحب وقلوبنا توم
شوفه علاج لي وشوفي دواها
والله لو أكتب ثمانين منضوم
مقدر أوصف فرحتي في هواها
من دون شوفتها ترى الحال مسموم
والشوق من بعده لحالي طواها
والبعد عذبني وأنا دوني القوم
البعد روحي سم حيه سقاها
يازين ياللي فيك أنا صرت ملزوم
بعدك لنار الشوق نفسي حداها
مطلوبي منك اليوم وأبغاه لي دوم
ترفق بحال اللي هواكم براها
اخيـــكـــم
الامير
مواقع النشر (المفضلة)