سلطان...تراني حاقد عليك...الله يلعنك
.
أويليييييييييييييي يالقهرررر images8
أعلم ان الكثير إستهجن عنوان الموضوع ..أعلم أعلم
وأعلم ايضاً ان الكثير يتسائل مالذي فعله سلطان حتى ألعنه أمام الملأ وفي نهار رمضان ..
أيضاً أعلم ...
لكن ثق ثقة تامة ايها القارء العزيز أن مشاعرك تجاهي بعد قراءة هذا الموضوع ستنتقل من الإستهاج إلى الشفقه..ثم إلى مشاركتي في لعن هذا الشخص عليه من الله ما يستحق
مدري منين أبدأ والله إن السالفة منغصة علي يومي العملي أحس السالفة ناشبة بصدري تحديداً في القصبة الهوائيه ومو راضيه تطلع :8ar:
قبل أن أبدأ في سرد السالفة عليكم يجب أن اوضح ان السالفة قد حدثت قبل يوم او يومين في أحد الإستراحات ..إستراحه صغيره يجتمع فيها الزقرت كل مساء..يتجاذبون فيها أطراف الحديث وتدور علينا فناجيل القهوة وثم الشاهي وبعدها كل واحد يلقي الآخر مقفاه ويفتح اللاب توب ويشبك نت وينادي "بابو" كي يضع الحجر على الشيشه ...
حيث أن هذه الإستراحه قد دشنت نفسها في عصر العولمة واشتركنا دي اس ال وركبنا واير لس فمن يدخل علينا يقول وش هالبروفسورات ورجال الأعمال (كل واحد داخل وبيده لابتوبه) لكن ما أن تشوف شاشاة الأجهزة وتشوف صفحات الشات النصي والشات الصوتي والسكايبي والبالتوك وكل انواع الدردشه الماصخه حتى تغسل يدك منهم ...:8ar:
حضرت مساء امس كالعادة ووقفت السيارة ، ثم درعمت إلى الداخل ولم اجد إلا المدعو سلطان وهو متحضن لابتوبه ، سلمت عليه ما رد علي السلام، اناديه ولا كأنه يسمع ...وبالمناسبة سلطان من المخضرمين بهذه الإستراحه، من عرفت الإستراحه وهو موجود، والغريب ان لنا خمس سنين جالسين معه ونتسائل منهو هذا؟ ومن الي عازمه عندنا، وفيه اقوال ان سلطان تبع الشباب الي كانو قبلنا مستأجرين الإستراحه، بس نسوه هنا وماأخذوه مع باقي العفش...:8ar:
المهم عاد اننا بعدها صرنا اخويا الروح بالروح
جلست وشبكت الجهاز ودخلت المسنجر ولقيت سلطان اون لاين ...ففتحت معه نافذه وكان هذا الحوار
هجومي : بالخيييييييير
سلطان: هلا والله فهد انت جيت؟؟
هجومي: علاقتنا اصبحت علاقة رقمية يا سلطان..ايه ارفع راسك انا الي جالس قدامك بالظبط ومتراكي:8ar:
سلطان: من زين وجهك يوم ارفع راسي اشوفه. .المهم عسى جبت شي من فطوركم ..معجنات لقيمات اي شيء ميّت جوع
هجومي: دق على مضياف واطلب شورما قبل تخلّص
سلطان: تكفى وط المكيّف عندك وحط القناة الرياضيه مباراة الطائي والشباب الحين
هجومي: ابشر
ومر الوقت بسرعه وتأخر الوقت فقلت اروح للبيت انام عشان عندي قومه الصبح عشان اروح أوديهم للمدارس..
دخلت عليه بالمسنجر...
هجومي : سلطان تصبح على خير ماشي انا
سلطان: ويييييييين تو الناس
هجومي: تخبر عندي أخواني أوصلهم للمدارس
سلطان: وش مدارس الله يفشلك اليوم أربعاء
هجومي: يبن الحلال اليوم الثلاثاء وش بك؟
سلطان: شيكت على الكلاندر حق جهازي اليوم أربعاء يبن الحلال اجلس بس
هجومي: خخخخخخخخخخخخخخخخخ وانا الي مضيق خلقي من الصبح اثر اليوم ربوع
سلطان: ايه اجلس بس خل نستانس دام بكرا اجازه:28ar:
هجومي: اجل خل ننتقل للمجلس الثاني وبروح اجيب لك عشا تستاهل بيتزا على هالخبريه
واتشقق من الفرحه وبهالمناسبة رحت وجبت له عشا من بيتزا هت ..بيتزااااااااااااااااااا اااا هت تعرفوون شلوون بيتزااااااااا هت
وانا العادة ما اخذ من هالمطعم الا في المناسبات الخاصة جداً... بس قلت لعيون سلطان يستاهل
وامر محل عصيرات طازجه واشتري له اغلى عصير ....يستاهل سلطان ولو ان حده عصير براتقال مزاز ويخب :8ar:
وانا الي اقضى الليل كله إلى الفجر وحنا وناسه وضحك وفلّة حجاج
ولا نمت الا عقب صلاة الفجر ....
واشغل المكيف وانسدح بالفرااااش
...نووووووووووووووووم
مادريت الا أهلي يطقون الباب على الساعه تسع الصبح....
لحوووووووول وش هالقلق الواحد ما صار يستمتع بعطلة نهاية الإسبوع
فتحت الباب وانا معصب ...هاه وش تبوون ؟؟؟؟؟؟؟؟؟
قالو لي قم وصل أخوانك للمدارس
جلست اضحك بوجههم وانا أفرك عيوني
ايييييييي مدارس ههههههههههههه ؟؟؟ شكل الصيام مأثر فيكم :28ar:
من متى فيه مدارس يوم الخميس ؟؟؟
جاني الرد كالصاعقه ان اليوم أربعااء وليس خميس..:4ar:
تلخبطت عندي المشاعر مابين الحزن ...والربشه وانا ألبس ثوبي وآخذ مفتاحي ...ومابين الحرّة من سلطان ..ومعشيه من بيتزا هت بعد
مسكت الخط والي حولي بالإشاره يسبحون ويهللون
وانا اردد بلساني ..
الله يلعنننننننننننك ياسلطان ..
الله يلعنننننننننننننننك ياسلطان
مايستفاد:
1- لا عاد احد يمشي الا بكلندر (تقويم يعني)...
هالأيام ما تدري انت بسبت والا أحد...
@@@@@@@@@@@@@@@@@@
يللا سي يوو
المشاركة الأصلية كتبت بواسطة خجووول
مواقع النشر (المفضلة)