محاضـره عن الصرقعـه من الدكتـور عاصمة الحب
اقول شفتك وانت تبى تشوف الموضوع من الماوس ........ ادخل بالطيب لا اطلع لك
8
8
8
السلام عليكم ...
في البدايه حبيت اشكر شركة الالبان السعوديه (الصافي) .. وشاي لبتون .. وحفاظات بامبرز .. لراعيتهم هذه المحااضره ...
بسم الله الرحمن الرحيم
الي بيقاطعني بشق حلقه نصييين زييييييين ...
طق .. طق .. طق .. طق .. معليش قاعد اجرب المكرفون .. اقول زييين الصوت تسمعوني عدل ..
زين يعني .. المهم .. اسمعوني يا اعضاء .. اليوم راح نقدم محاضرة عن الصرقعه وطرق التصرقع .. وقبل ما ندخل في صلب الموضوع ..
احب اوضح كلمة (صرقعه) لبعض الاعضاء اللي قاعده فاتحه كشرتها كنها كشرة عنز فوق بحوض ددسن ..
الصررقعه :
وهي كلمة اغريقية .. اخذت من الكتب الرومانية .. وتداولتها الحضارات حتى وصلت إلى العالم الخليجي ..
الذي تداولها الشارع .. وبالاخص عند الطبقة السفلية من المجتمع ..
وهذه الكلمة يقدرها الناس اللي بايعه مخها واللي لو تفتح مخها ما تلاقي مخ .. راح تلاقي لطخة مايونيز مكان المخ ..
وهذا تعريف كلمة الصرررقعه .. إذا ندخل في صلب المحاضرة .. مع اني ادري اني قاعد انفخ في قربة مشقوقه ..
هذا ان كان فيه قربة من الاساس ..
بالله يا جماعة اقعدوو الله ياحييكم .. واقفين كذا لييش كنكم سكيرتي في فندق ..
وبعدين انت يا اللي هناك وخر عن المكيف ترى بدينا ننزف عرق الله يخلييك وهذا غير ان الهوى يجيب ريحة اباطك ..
لأن بصراحه بديت ادمع من قوة الريحه .. والصحافة تكفون اقعدووو .. ما نبي تصوير هالحين .. تراكم عميتونا بالهفلاش يا مرسي انت ومصطفى ..
اقعدوو .. طالعين كنكم طقم اقلام واحد سايل والثاني ناشف .. لا وبعد واقفين جمب بعض ..
بـــدايـــــة المحاضـــــرة ..
اعزائي الاعضاء .. احب اشكر وزارة الداخليه على تيسير امور هذه المحاضرة ..
من وضع رجال الامن على الابواب .. ورجال مكافحة الشغب في القاعة .. اللي احس ان عددهم اكثر من الاعضاء .. اللي معنا ..
اخوااااااااااااااني اخوااااااااااتي مره ثانيه لحد يقاطعني .. يعني الي بايع عمره يقاطعني ..
ـــــــــــــــــــــــــــــ
أول ســــؤال يتبادر للذهن .. ؟
كيف تصبح مصرررقع ... وفاصخ عقلك عند باب الود .. ؟
أول شي كل واحد فينا عايش في الحياة
وطبعا تمر علينا مواقف .. وحركات غبية .. يشيب لها الراس .. وتجيب صلع وتساقط في شعر الحواجب ..
المواقف هذي .. كل واحد فينا يجي يجسدها في قسم التسليه والترفيه .. وهذا الشخص يحصل على التميز ..
ويصبح له منصب كبير بعد عدة مواضيع .. عشان كذا نطالب بكل شخص انه يعطينا قريحة افكارة يعني خلااصة مخه ..
ما نبي شغل الخمبقة (انتم تعرفوناا ماايحتاج اوضح) كأن حنا قاعدييييين في حصة رسم ..
الان نستقبل للاسئلة :
طبعا انا قدامي .. عدة اسألة من الاعضاء وراح القيها لكم .. ونجاوب عليها قدامكم ..
السؤال الاول : من المرسلة (ق. ب. ح. 985)
طبعا هذا موو اسم .. هذي لوحة سيارة سعوديه ..
تقول :
انا لي زوج يضربني .. ويمنع عن اولادي المصروف .. ويخليني انام في المطبخ جمب سطوانة الغاز ..
شفلي حل يا دكتور مدروخ المملكه.. ؟
وش هذا يا معد المحااضره وش هالاسئلة الله يخليك .. جايب لي اسئلة برنامج مشاكل الاسبوع ..
وبعدين هذي اسئلة اجوبتها في منتدى عالم المرأة والاسرة مو اهنيييييه ..
أحم .. احم .. معليش يا اعضاء لا تطيرون عيونكم .. كنكم تكشوون حمام .. هذي غلطة مطبعية ..
وتم السيطرة عليها ..
ـــــــــــــــــــــــــــــــــــــــــــــ ــــ
نروح للسؤال الثاني :
السؤال من المرسلة العضوة (غيرت اللوك) ... إش كأنه إسم جريدة
أول شي الله يسلمك ..
وثاني شي .. السؤال يقول : اخوي , مدروخ المملكه.. انا انسانه اواجه مضايقات من شباب المنتدى كل ما نزلت موضوع الاقي كل ردوده شباب ..
لدرجة ان الردود توصل لخمسين رد .. ابي حل الله يخليك .. يخلصني من الشباب ..
جواب السؤال :
شوفي يا اخت ( مجنونه عاصمة مملكة الحب) وترى القابلة عندنا عشااا .. شوفي الشباب ظاهرة غير صحية في المنتديات ..
( ادري انج قااعده تقولين انت واحد منهم .. ودايم ارد عليج .. عندي خبر بس وش اسوي احد قالك نزلي مووضوع ) ..
احب اقولك يا اختي احمدي ربك ان فيه احد يرد عليكي .. موو مثلنا ننزل مواضيع .. كثر التراب ..
وبعض الاحيان ننزل مع الموضوع ومع ذلك ما توصل الردود إلى عشرة .. لا وشات بعد .. ولو تقرينها تلاقين اثنين مستلمين ام الموضوع حش ..
ومشلوطينه .. ان كانو بنات .. قامو يتكلمون عن الطبخ .. والاكل .. وان كانو شباب .. قامو يتكلمون عن التقحيييص ووين بيكون الاستعراض الجاي ومتى يلعب برشلوونه ..
عشان كذا سيتم إلغاء اي موضوع يكون فيه شات .. أو يخرج عن صلب الموضوع ..
ـــــــــــــــــــــــــــــــــــــــــــــ ـ
سؤال ثالث :
من الاخت العضو .. (the queen moon) .. من دولة السودان بالتحديد من القاهرة ..
بالتحديد ساكنه في شقة على شارعين واحد فرعي والثاني رئيسي .. ملاحظة .. الشقه للبيع ..
يقول :
انا اواجه صعوبة في فهم لغتكم .. بين قوسين ( تقصد لهجتنا الخليجية المصرية اللبنانية المغربية ) .. وتتمنى ان الاعضاء يظبطوون كلامهم ..
او يحاولون يحطون تحت مواضيعهم توضح معاني الكلمات يعني بعد الموضوع يحط خط وبعدين يفسر كلامه ..
يا اختي ( the queen moon) احب اقولك ان وجهة نظرك وصلت للاعضاء .. وانشاء الله راح نكلمهم ..
وراح يوقفون معنا الاداره .. وخليكي على اتصال معنا دايم ..
على كم وصل السووم على شقتك .. ؟؟
ـــــــــــــــــــــــــــــــــــــــــــــ ــ
السؤال الرابع من الاخت (شوووشي)
تقول :
يا اخوي عاصمة مملكة الحب.. مواضيع منتداكم طويلة .. وانا بصراحه عشان اقرى موضوع لازم اشتري اشتراك ( شهر مفتوح ) .. واقعد اقرى .. وبعض الاحيان ينقطع الاشتراك علي والموضوع ما خلص ( مثل موضوعك هذا ) ..
فا اتمنى انك تخلي الاعضاء .. لا يكثرون البربره والسوالف .. ويدخلون في صلب الموضوع ..
يا اختي شووشي .. الظاهر انك ما قد سمعتي اختراع .. اسمه افصلي النت قبل ما تقرين ..
على العموم انتي افصلي النت واقعدي اقري الموضوع .. الين تحسين ان شعر سيقانك طلع ..
وبعدها أشبكي وردي ..
ـــــــــــــــــــــــــــــــــــــــــــ
معليش يا شباب .. ويا شابات .. وقت المحاظرة انتهى .. تعرفون ما خذين القاعة لمدة ساعتين ..
وحنا هالحين طبقنا الساعتين ونص .. والقطة بيني وبينكم .. فـ شكلنا بنرتب القاعة ونغسل فرشتها ..
مقابل هالنص ساعة الزيادة .. ههههههههههههههههههههههههههههههههههههههه
لكن اللي عنده سؤال وإلا شي .. اتمنى انه يقوله في الردود .. ونشاء الله راح نفي بالاجابة .. وسلامتكم ..
أخوكم/ عاصمة مملكة الحب
مواقع النشر (المفضلة)