ياليت ان الزمان يرجع ورا!!!!!!
السلام عليكم جميعا
وان شالله تكون باحسن الاحوال يارب
بصراحه عجبتني هالقصيده وحبيت انقلها لكم
ياليت ان الزمان يرجع ورا والليالي تدور
ويرجع وقتنا الاول ننعم في بساطتـــــــــنا
زمان اول احس انه زمان صدق فيه شعور
نحب ونخلص النية وتجمعنا محبتنـــــــــــــا
زمان ما فيه لاغيبه ولا حتى نفاق و زور
ياليته بس لو يرجع ونسترجع طفولتنــــــا
صغار وقلوبنا بيضا ونعيش بعالم(ن) محضور
ولا نعرف ابد اغراب ما غير اعيال حارتنــــا
صحيح اصغار بالتفكير لكن ما علينا اقصور
نخطط نكسر اللعبة وتســـــعدنا شقاوتــــــــنا
نروح للمدرسة بدري ونضحك داخل الطابور
نحاول نزعج العـــــــــــــــالم بروحتنا وجيتنا
وعشان نأخر الحصة نخبي علبة الطبشور
انشاغب بس بالآخر تميزنا براءتـــــــــــــنا
نحب الضحك والهيصة نحب انط فوق السور
نفرفش ليه ما نفرفش ما دام الضحك عادتنا
ولكن دارت الايام وبان الخـــــــافي المستور
وصار الهم متعلي على قـــــــــمة سعادتــــنا
كبرنا وصارت الدنيا تصف احزانـــــنا بالدور
وتهدينا الالم والهم غصب عن عين رغبتــنا
تعبنا من بلاوينا احد ضيق واحد مقهــــــــور
وكلن غارق بهمه وفي الاخر تشــــــــــــتتنا
وانا ما قول غير الا ليت ان الزمـــــان يدور
ويرجع للورى فترة نـــــــــعدل وضع عيشتنا
تحياتي لكم
رد مع اقتباس
المشاركة الأصلية كتبت بواسطة shmaly
مواقع النشر (المفضلة)