..
..
..
للرائع/ حمد الزكيبا من الامارات
،
،
،
،
العلم واضح..والحكايه قديمه
ماعاد يجبر سردها كسر الأحباب
قصة ألم..مابين وافي وشيمه
تجرح قلوب الخلق..وتهد الأعصاب
المنتصر لاذاق طعم الهزيمه
ماعاد تغريه المنصه..والإعجاب
خلوا اللهب..ياكل يباس الهشيمه
حتى تعيش النار..وتموت الأسباب
((ووضح النقى))وأن قلت:ربي يديمه
يموت صدق الهرج لعيــــون كذاب
منهو يقول أن النوايا سليمه.؟!
ومنهو يقول أن الوفا طبع الأحباب
من قال ماللرمـل قدر وقيمه
دام اللحى ماترتجي خير الأشناب
خلوا السوالف!!للعقول الفهيمه
أغلى مخاليق الولي..حفنة اتراب
نبني بها مجد الصروح العظيمه
وترقى بها عالي القمم بين الأجناب
يموت من ينقل كـلام النميمه
ويعيش من له وفة ضد الأغراب
لو يشرب الممرور..سم الظليمه
لاتاب منهو يعتزي به..ولاتاب
وزعت ماجمعت..من جود ديمه
يمكن تلامس فكرتي ..قبضة الباب.
مواقع النشر (المفضلة)