الله من هم ٍ بالعمـــــــــاق مخفيه
سلام عليكم ورحمة الله وبركاته
هذي قصيده للشاعر محمد بن احمد السديري
أعجبتني وقلت انزلها يمكن تعجبكم ..
[poem=font="Simplified Arabic,4,black,normal,normal" bkcolor="transparent" bkimage="" border="none,4,black" type=0 line=0 align=center use=ex num="0,black"]
الله من هم ٍ بالعماق مخفيه / خيم على مكنون قلبي وكادي
لو هو يجيد ذاب من حر صاليه / وخلا جلاميده هشيم رمادي
يا عين هللي صافي الدمع هليه / واسقي لعطشان اليرى بالريادي
يا ناشد اللي زايد الغبن باريه / انبيك عن ما صار كان انت غادي
للغرب قلبي ما سمع صوت داعيه / وللشرق قلبي سمع صوت المنادي
متذكر غال ٍ على البعد ناحيه / لو حال من دونه ديار بعادي
حق ٍ عل ْ الحق فوادي مشاهيه / برضاي حاديني من الشوق حادي
يا ناس خالد ما سلى القلب ناسيه / وعيني محاربها لذيذ الرقادي
عنها لذيذ النوم همي يناحيه / يحداه عن موق النظيرين حادي
من غاب قلبي زايد البين كاويه / فكري معه والقلب باسماه شادي
فيما مضى ما يشده البال كاميه / وصبرت صبر ٍ ما قواه المهادي
اقسمت باسم اللي حبيبه يناجيه / اني للحق شف قلبي مرادي
اروح يم اللي بلاشك نغليه / مالي على فرقاه صبر وجلادي
أرجى عسى رب السموات يبريه / وعسى لها من خالق الكون هادي
ما خاب منهو باعظم اسماه راجيه / رب الفضا محصي جميع العبادي
قالو تحبه قلت بالروح نفديه / الشاهد الله كل هرجي وكادي
دايم يصور لي على البال طاريه / غال ٍ إلى شفته يربع فوادي
يفز قلبي كن عيني تراعيه / وعندي على كل المخاليق بادي
جيته وشفت الطيب بانت مواريه / وارتاح قلبي عقب غبن ونكادي
واليوم قلبي مكننه عراويه / وشيدت رايات الفرح بالمبادي
بالضحك قلبي جاوبنه محانيه / وغذاه من عقب اللهيب البرادي
الحمد الله غالي ٍ شاف غاليه / وشفنا بشير الخير والشر غادي
وداعة الله كل الإسلام ترجيه / مجري غزير المي في كل وادي[/poem]
منقوووووووووول طبعاً .. ..
مع تحياتي
نـNـواف
رد مع اقتباس
مواقع النشر (المفضلة)