[align=center]السلام عليكم ورحمة الله وبركاته


ربي يسعدلي هـ الصباح

وانا اكتب هـ الموضوع جالسه اشوف اعادة حلقة اليوم من مسلسل "طاش ماطاش الاصلي" على قناة LBC وبصراحه الموضوع اليوم مرا سخيف ونرفزني وحرق دمي

المسلسل يعرض في قناة لبنانيه ويصورون السعوديين بشكل خاص والخليجيين بشكل عام على انهم شعب متخلف ماهمه الا الثمامه والبعارين والضبان وحليب الناقه وبيت الشعر وطريقة ملابسهم وتفكيرهم مرا غلط .. حتى اشكالهم غلط

مصورينهم كنهم عايشين في اكاديميه (ثمامه اكاديمي ) في الصحرا في بيت شعر ويغنون اغاني هبله والمدرسين اهبل منهم

اذا كان هذا تفكير اصحاب المسلسل اجل مانلوم الاجانب اذا تخيلو ان العربي عايش في الصحرا على بعير وجمبه بير بترول


معقول هذا الاستخفاف؟!!

معقول هذا الانحطاط في مستوى المسلسلات ؟!!

صحيح ان بعض حلقاته حلوه لكن امس الحلقه تنرفز الاعصاب


لاحظو اني اتكلم عن "طاش ماطاش الاصلي" مو الثاني حق السدحان والقصيبي

وش رايكم بـ هالتخلف ؟[/align]