كل جرحٍ مـع سـواد الليـل راجـع
جا يجـدد فـي تفاصيلـي فصولـه..
لا تقلّبنـي وانـا صفحـة مواجـع
خطّـت الأيـام فيهـا ألـف جولـه..
صوت جرحي في ضفاف الحزن فاجع
ترقـص الآهـات والفرقـا طبولـه..
آه من صبـر الحنايـا يـا مواجـع
من لقت ويلي وهي ترضى حلولـه..
قلبي اللي في دروب الحـب شاجـع
رقتـه قسـوه وجلطاتـه طفـولـه..
سجّل اللحظات في حضـن المراجـع
وارسـم الإلهـام مـن أوّل نزولـه..
ولاّ تـدري ارسـم الدمعـه تراجـع
كل بيتٍ من قصيـد الحـب أقولـه..
مواقع النشر (المفضلة)