كيف اساعد بنت خالتي؟؟

[عافـ الخاطرــك]

[align=center]السلام عليكم

اليوم ابكتب لكم قصة بنت خالتي اللي نفسي اساعدها من كل قلبي وماني عارفه كيف اقدملها مساعده

هي ابوها توفى من سنه الله يرحمه وعندها اخ واخت اكبر منها متزوجين

واخ واخت اصغر منها متزوجين

يعني هي لوحدها بالبيت عمرها 25 واخوانها كل واحد في حاله ومطنشينها

وامها مشغوله بالبيت واخوانها الصغار هي طفشانه وزهقانه ومتحطمه لان اللي اكبر واصغر متزوجين وكل اللي بالبيت صغار اكبر شي ولد بالثانوي وبنات بالموتسط

ماتدرس ولا شي ولا عندها نت ولا حتى تلفزيون ماعدا المجد ولا جوال ولا تيلفوون

يعني حالتها صعبه بقووه واحنا بعيد عنهم ودي اساعدها باي طريقه

حتى لو تتزوج راح تنحل المشكله "سبحان الله والله هي احسن خواتها شكل واخلاق بس النصيب

انا قلت لامي اشرايك اسجل اسمها بالجمعيه الخيريه لتيسير الزواج وتقول لا عيب

ولو تدري تزعل وانا اشوفه عادي

انتم ايش تقولون وايش الحل بنظركم

وادعولها ربي ييسر امورها

اطيب تحيه

اختكم:

عافك الخاطر[/align]

[وجــــود]

[align=center]والله توني ادري ان فيه جمعيه لتيسير الزواج


كان بودي اساعدك بس مااقدر افيدك بشي مااعرفه ادعو لها الله يرزقها ويستر عليها

والدنيا مانخلقت بيوم ولليله عليكم باالصبر[/align]

[حبيبتي حطمتني]

وعليكم السلام ورحمة الله وبركاته

أختي العزيزة عافـ الخاطرــك

أنا أشوف أن الموضوع عادي صج

أنها زهقانة وتعبانة نفسيا ً

بس ما في أيدها شي الإ أنها تصبر

وربي أن شاء الله ما راح ينساها

ويرزقها ببن الحلال اللي يسعدها

ويعوضها الأيام اللي راحت .

وأنتي أختي لا تنسينها خلك معها

على طول على الأقل تسلينها وتهونين

عليها الموضوع أما موضوع جمعيه لتيسير

الزواج أنا ما أيده لأن البنت بتنجرح لو قلتي

لها هذا الموضوع خليها على الله وربي يكتب

اللي فيه الخير .

[عافـ الخاطرــك]

وجــــود


مشكوره ياقلبي على مرورك الكريم وردك اللي اسعدني كثير

والله الحمد لله ماحنا مقصرين بالدعاء

وانتم كمان لاتنسونها من دعوه صادقه برمضان

[عافـ الخاطرــك]

حبيبتي حطمتني

مشكور اخوي على كلامك الجميل

لكن صدقني الموضوع ماهو عادي وشي بقهر ان اختها وبعد اخوها الصغار متزوجين

نظرات الناس كلها لها والله حتى البزارين الصغار يقولون ليه اختك الصغيره تزوجت وانتي لا

ودايم تتعرض لاحراجات من الناس اللي مايراعون المشاعر

الله يكون بعونها

واللي زود عليها وفاة ابوها فجأه وبعز شبابه صارت كئيبه محطمه

تنظر لنفسها نظره دونيه

والله انا احاول معها بس احسها كأنها بعالم معزول

المهم

لاتنسونها من دعوه صادقه بظهر الغيب

وتذكروا من فرج عن مسلم كربه من كرب الدنيا فرج الله عنه كربه من كرب يوم القيامه

لك الف شكر اخوي

اطيب تحيه