تغيب عن عيني
كثير تغيب عن عيني وادور للغياب اعذار
وادور للعمر فرحه تكفي باقي سنيني
تعبت احايل عيونك وادور من ورا الاسرار
تعبت اساير ضنونك واقول انك معنيني
ملل هالعيشه بدونك ولكن الزمن غدار
متى هالجرح ينساني ويدك تلمس ايديني
انا مقدر على فرقاك ولكن هذي الاقدار
رياحك تبعدك عني ورياح الشوق تدنيني
رميتيني بجمر الهم واخذتك للعناء تذكار
صور اقرب على فرقاك بعيدة حيل عن عيني
بكيتك دمعه المجروح بعدما انتهى المشوار
بعدما هام بك فكري لقيت انك نسيتيني
صحيح انك طريتيني وهامت فيني الافكار
نسيتي كل شي حتى شعور لك يناديني
الا ياقلب لا تحزن الا ياقلب لا تحتار
مع اللي خانت بدنياك هجرتيني جرحتيني
من الدنيا انا مابي سوا عفو الولي الغفار
ييجبر خاطر المجروح ويعوض باقي سنيني
الشاعر
الامير سعود بن ممدوح بن عبدالرحمن بن سعود
رد مع اقتباس
مواقع النشر (المفضلة)