يا ناس ذبحني اخوي ،، معـقــّـــد !!
يا ناس ذبحني اخوي .. معقّــد !
يا ناس يا هو يا عالم ..
انا لي اخو معقد ومتخلف ذبحني !
لا تلبسين هذا
لا تروحي هناك
لا تدخلين نت
لا ماحنا معطينك جوال
لا تردين ع التليفون
وكل ما قلت شي قال
لااااااااا
وانا اقول
ما لك شغل
ماانت ولي امري
يمه شوفيه يبه كلمه
تراك ذبحتني
انت تغازل وتسوي .. وتسوي
قصدك سيطره
لدرجة احيانا تاصل طق ومطاقق
والاهل مايقصرون يفكون الاشتباك
.:.
.:.
هذه عبارات اخواني واخواتي ليست بغريبه على اسماعكم
فقد تسمعونها مرارا وتكرارا ،، بل قد تحدث يوميّـا
وتكون من المشاهدات اليوميّــة في أغلب البيوت
ومن هنا .. اوجّــه تحيّــة لك أخي المعقّد .. "أقصد المتفتح "
على مشاكل هذا العصر الحديث وفتنه ومصائبه
فالأخ حينما يمنع اخته ويحافظ عليها ليس معناه سيطرة .. او تقييد
ولكن لانه يعي ويعرف مافي هذا العصر من مصائب وماقد يحيط بـ أخته
من أمور قد تكون سبب في ضياعها
فالأب والام لا يعلمون بما يدور في الخارج ولا بآخر طرق الشباب والمضايقات
والمشاكل التي قد يسببونها وهم على غير دراية وعلم بآفات هذا الزمن
من عباءة مخصــرة جوالات كاميرا تشات غزل ..الخ
ولكن ربّما اكبر مشكلة قد تواجه الاخ " المتفتح "هي إسلوب إيصال سبب المنع لإخته فكثير من الأسر تفتقد الى إسلوب الحوار
وفن التحاور بينها وبين بعض فتجدهم يكتفون بالمنع وقول لا دون أي مبرر
فلا تكون اخي مثلهم بل علّل رفضك بسبب منطقي ومقنع حتى لا تنظر لك إختك
بنظرة الاخ الذي يقصد المنع بلا التبرير
وكن قدوه لها لكي لاتنجر خلف الضياع حينما تراك تمنع وتفعل........
.:.: مشاهدات :.:.
اخ في غرفته مقابل النت والبنات كل وحدة بغرفتها مسكرة وقافلة على نفسها
الأم ياحليلها بالمطبخ تكد وتكرف والأب ياحبّــة عيني مشغول بالدوام ومو فاضي
ومايتقابلون الا على وجبه وحده ثم كل مين رجع لغرفته وسكر على نفسه
من دون مااحد يعرف اش مشاكل الثاني
الاخ يطلع من غرفته بس عشان يكرش الصغار اذا سوو ازعاج ..
واذا قابل وحده من خواته قعد ينفخ عليها : ليش ماغسلتوا ثوبي ؟؟
وليش ماكويتوا شماغي
ويطلع وهو يلاعن ويزبد
والاخت ماراح تفكر تحتك فيه مره ثانيه
وراح تخاف منه ..وتتجنبه قد ماتقدر
إنتهى المشهد هنا
في هالعائلة نلاحظ إفتقارهم الى الحوار
والسؤال والصداقة الأخويــة التي تربط
الإسرة بعضها ببعض ..
فطبيعي من نتاج ذلك
فتيات في طريق الضياع
وأخ لا مبالي في طريقه الى الصدمة والنزول الى الهاوية
وأخيرا شتات إسرة
فلذلك أخي حاول ان تربطك بإختك صداقة وتقرّب منها
فحينما تحسسها بحنانك وعطفك عليها وتأتيها بالتي هيا أحسن
ستقترب منك وتلجأ اليك وتكون عضدها الأيمن في جميع مشاكلها بل تجدك سرّها وملجأها
وتغنيها عن الصديقات اللواتي ينصحن
اخواتك بأصدقاء وعلاقات الـ" فريند " !
الأمر الآخر وهو من اهم أسباب الترابط بين الفتاة وأخيــها هو سر ابعثه إليكِ
أخيّــتي ..!
كوني واثقة من نفسك واجعلي أمورك ومواقفكِ واضحة وصريحة مع الكل
شوفوا معاي المشهد التالي
واحكموا
سويّــر .. عطيني جوالك أبكلم شوي .. جوالي مقطوع
ويييييييه هذا اللي ناقص بعد ..
لا عيوني لا تتكلم جوالي ولا تقربه ولا تفتحه
..
تجي بعد فترى تلاقي أخوها يقرأ المسجات عندها وتشوفه هي !!
أحمد جعلك الماحي قول آمين وش تسوي ليه تمسك جوالي ليكون
قريت مسجات
هيفاء << خويّها مسميته هيفا
وتبدأ سلسلة الشكوك تتسلل إلى عقل أخيها ..
فلماذا خوفها دائما من اقترابه لجهازها او الرد على مكالماتها ..الخ
هذا مشهد
نشووف المشهد الثاني ..
بنيــة تلاعنت هي وإخوها اليوم
الين ماسال الدم مع الركب << مثل ماتقول إميمتي
اليوم الثاني داومت بالكليــة ودخلت وهي تسب وتلعن بإخوها
والله ياخذ كل الشباب والله يضفهم من الدنيا يارب
جعل الماحي والسيل اللي يقشعهم من الأرض
تجي خويتها
ليه معصبة كذا ..
واللهــي الشباب ذووق وجنتل
ورهيبيييييين
البنت تنفجل عيونها وتبقبقها
تقول ماشفتي أخوي ولا تعرفينه
ردت خويتها :
شوفي حكلم وإنتي إسمعي
هـــــلا والله وغـــــــلا
وهي تقوله : هلا بك اكثر
وهو يقولها : اخبارك ياعسل
وهي تقوله : تمام ,, انت في الدوام ؟؟
هو : ايه في الدوام
هي : اجل يالله مااعطلك اتصل عليك وقت ثاني ,,
خاف تكون مشغول الحين ؟؟
هو : بصراحه مشغوووول جداً بس لعيونك ياقمر افضي نفسي ..
ولو ماقدرت افضي نفسي اروح للمدير الحين واقدم استقاله
اهم شي اني اتفرغ لك انتي وبس ياحلوتي
وهي تضحك ضحكه ماسخه هيييء هيييء
بعدين تقول : لا ياشيخ ؟؟!! ,, تقدم استقاله ونقعد بها ؟؟
,, بعدين من يسدد لي ؟؟
وهو يقولها : مو مشكله ياروحي اذا جت الفاتوره وانا عاطل
صدقيني لو انحديت ابيع هدومي عشان اسدد لك ولاتزعلين راح ابيعها..
كم عندنا من فلانه حنا ؟؟ مغير وحده الله لايخلينا منها
وهي تقوله : امش بس ماعندك الا الخراط والهرج الفاضي
شف كم لي وانا طالبتك لاب توب جديد بدال جهازي المعرعر ,,
صاير كنه مكينة خياطه الله يفشلك من كثر الكرف وانت لك سنه تقول بتجيب لي
ماشفنا منك شي
اساساً انا لو حظي حلو مثل غيري كان الحين عندي
لاب توبين موب واحد يابخيييل
وهو يقولها : ياعمري ولاتزعلين ولاتكدرين على نفسك ...
ابشري اليوم العصر اتصلي علي تلقيني عند الجريسي اجيبلك احلى واغلى لاب توب
وهي : اتبع الكذاب لحد الباب .. نشوووف اليوم بتجيبه والا لا
وهو يقولها : بجيبه ابجيبه ,, بس علميني متى رقدتي امس؟؟
هي : رقدت من بدري الساعه 12 وانا نايمه
هو: بشريني تغطيتي كويس عن البرد؟؟
وهي تقوله : يوووه ,, يعني بتقنعني الحين انك مهتم فيني وخايف علي ؟؟
لو مهتم صدق كان جوالي مو n70 للحين
وهو يقولها : يعني افهم من كلامك انك تبين تغيرين جوالك ؟؟
هي : اغير جوالي ؟؟
ليش ياحبيبي؟؟
ناوي تاخذ n70 مني ؟؟
لا ااااايــــاروحي الفارس بعطيه اختي اللي بالثانوي توها مطلعه شريحه ومامعها جهاز
والا اختي ماتستاهل؟؟
وهو: الااااا اختس طبعاً تستاهل ونص
بعدين يقول : طيب شوفي ماكني طولت عليك ؟؟
وهي تقول: طولت علي ؟؟
لا ياروحي طولت على عمرك هالفاتوره زي العاده على ظهرك
وتنتهي المكالمه ...
طبعاً وصاحبتنا الاوله لازالت تسمع المحادثه فاغره
ومو مصدقه ان فيه شباب يقولون كلام حلو زي كذا
لا ويسددون فواتير بعد
تجلس البنت تفكر اسبوعين بالي صار
ثم تعزم البنت على إنها تكلم خويتها وتقولها جيبي لي خوي
<< ليه جلكسي بريالين
وتوتة توته خلصت الحتوته
للأسف شوفنا نهاية هالبنت كيف صارت
وكل هذا ناتج عن عدم وجود حوار أسري
وبشكل خاص بينها وبين اخوها
أخيـــرا
بالتفاهم وبالتواد يجي
كل شي ..
همسة احببت إيصالها لكل شاب " حاكر على إخته من غير سنع "بالعكس لو يغير اسلوبه يمكن يكون أفضل
ولكل بنت تتهم اخوها اللي يخاف عليها بالتخلف والتعقيد
بانها هيّا كمان تنظر للموضوع من جانب آخر
وحتشوف قد إيش هي محظوظة !
ملاحظة
الموضوع جُمــع من قبلي
مع بعض الإضافات والتعديل
أعذب المنى للجميع
وسلامي
مواقع النشر (المفضلة)