::::إحـســـاســ ۩ الــعـــالـــمـ::::: ..(للحشاشين فقط)
مدخل للموضوع
.
.
.
مازلت ابحث عن اعذار من اجل ارضاء ضميري وإقناعه بأن مايحدث معي من شطحات غريبه ليس لها اي علاقه بما يسمونه ( التطشيم ) وبحكم ان وراي ظهر جامد اقدر اعتمد عليه مثل النكبة كآتم فـ محد(ن) رادني عن كتابة هالّي طرى علي إلا الشديد القوي
اما بعض الناس ماودك يهايطون ابد في ظل الظروف الراهنه
<< مهايط بـ عذر
أمس بالليل بعد بكرا يعني...ارتسمت في مخيلتي صورة ذلك التلفزيون ( سامسونج 21 بوصه ) وهو محطوط على مركاا في ملحق الدشير.. يعجُ برائحة الحشيش في كل ليله .. واصبح هذا الملحق بمثابة الملهى الليلي لهذه المجموعه التي اخترقت عالم الطبيعه وانعفطت على الرصيف الذي يمتد إلى الإشاره التي من خلالها تعبر قاطعاً الحدود الطبيعيه ناصياً جزر مابعد الخروج من الطبيعه .. والغريب في الامر ان هذه المجموعه تجاوزت الشروط المحدده والتي يجب ان تتقيد بها لـ تخرج بعيداً عن عالم الطبيعه بسهوله وبدون تعقيد ، في تلك الليله الغائمه كنت لا اعلم ويني فيه ولستُ انا فقط من ودّع عقله بل المجموعه بكامل طاقمها ماتدري وينها فيها وهنا تأتي المخالفه للشروط التي نصّت عليها إدارة المنفذ وطبقته بصرامه استنكرتها عقول كثيره من مفكرين و باحثين وكبار السن من المؤرخين الخارجين عن الطبيعه !!
بعدها توصلت إلى سبب انعفااطنا على ذلك الرصيف الشهم الطيب الذي صبر وتحمّل فهااوة تلك المجموعه والقيام بالواجب مع ان ماحولك احد يستاهل هالتوجيب حتى لو ان الّي موجبك رصيف. ..
وشو !! لحظة لحظة وقفوا..!!
.. الله يرحم والديك تراني آسف .. انا وش الله بلاني بدشرتن مع بندر بن سرور ===>
رصيف ومواجيب وعلوم مرجله عسى ماشر !!
نرجع لإكمال الشطحات
بعد الهدوء الذي خالطه إحساسٌ غريب .. وفي عز هالإحساس الغريب تفاجأتُ بفيضانات جارفه من الضحك الّي تحس انه طالعن من الغدد الدرقيّه...وفجأة أنفجروا الشلة ضحك وبصوت مرتفع وجماعي واستمروا يضخون من الضحك حتى تعدوا مراحل الاستقرار الجسماني وبدأوا بالمرافس وقام سوّاقنا الصتيمة بـ فتح الباب والنزول من السياره ليمتدَّ ضاحكاً فوق الرصيف ولحِقَ به مساعده الاحمق وتبعه باقي الكديش ...
بعد ماقلبوها الدشير سمردحي وحسيت بألم شديد في الفكّ السفلي وذلك لانه راح عن بالي إني كنت فاقن خشتي وكابس العالي وأضحك بس ماأدري ليش أضحك...!!
فعلاً اكتشفت اني امااشي سفل وملاعين جدف .. ومن هنا بدأتُ اول مراحل الكُره والبغض لافراد تلك الشلّه التي لم اتحسف عندما خططت لمفارقتها إلا على شيء واحد .. الا وهو ذلك الملحق الذي شهِد إبداعات لم تقتصر على امور الدشره بل توسّع النطاق حتى اصبحت رائحة الحشيش ناشبه في كل جزء من اجزاء الملحق رغم المحاولات التي كان يقوم بها المتكفّل بشؤن فسادنا يزعم بأن هالّي يسويه فطانه وذهانه وانه جاب الحل الامثل خخخخخخخخخخ لكن سبحان من كشف لي عن حقيقة امره والتي كان ظاهرها داااشر مختم عليه من الغرفه التجاريه وملزقين ستكر من هيئه المواصفات والمقاييس في يسار جبهته وباطنها... انه ازلب ماخلق ربي واسقمهم وهو السبب في مقولة ( الطيور على أشكالها تقع ) ...!!!
لم اتردد في ترجيفهم من قائمة الاصدقاء واحداً تلوا الآخر بعد ليلة(ن) بنفسجيه في الملحق وبحضور طاقم الدشير بالكامل وهاااتك ياتنفيخ وخذلك شهيق و زفير .. بعد ساعةٍ من الزمن تعكّف اثنين من الزلاااايب وبعدها علّق الرسيفر والتلفزيون متأثراً بكتمه نتيجة السُحب الكثيفه والتي كانت تعتلي الإستراحة .. احسستُ بعدها بالاجرام وانتهاك حرية المشاعر لأجسامٍ محيطه بنا من جماد ونبات وليست محصورةً على الاوادم فقط ، وبعد مضيّ قُرابة الساعه ونص وكل مالها وتغيّم اكثر وبدأت الحرب بين الدخان المعثور وبين جزيئات الاوكسجين الشبه معدومه وهالزلااايب متبطحين وما طقوا (خبر) ولا جلدوا (مبتدأ) لما يحصل داخل نطاق الملحق.... أحس انه تعدا مراحل الادماان إلى ان نشبت ريحة الحشيش بالملحق وتشبّث كلن بالثاني ..
بعد ان احتمى الوطيس حسيت بأن راسي يبتررررم إبتراام عجيب وقام الملحق يدور بي وهالكديش متسدحين الين ماعاد قويت اتنسّم وشفت ان الوضع مايبي له قعده ومناظر هالفاااغرين ومايحتمل التأخير ابداً ( ياروح مابعدك روح ) واعطّ وهي العطّه واقلب عليهم بأن تلّيت مفتاح الملحق وقفلته عليهم لابووه لابوو صتاايمن فيه ،،،
<=== ماجابوا لك خبر...للحين قاعدين بالملحق لهم يومين ..!!
المهم رحت لبيتنا وماأشوف غير النوم....؛
صح نسيت أبقول هالسالفة النكتة اللي صارت معاي ..
خلال طريقي للبيت واجهت نقطة تفتيش
وقلت بنفسي: ياحوووول الله هذولاء وش يبون فيني...!!! حسيت إني مطلوب للأمن..؛
...؛ المهم وقفت عند العسكري قال العسكري: الرخصة والإستمارة
قلت ليه..؟ <=== مسوي صاحي..
قال: وشو اللي ليه..!! هات رخصتك وإستمارتك خلصنا...ماأمداه يقول خلصنا..إلا والرخصة والإستمارة حاطها له بيده..؛ قال:وش أسمك..
قلت: عبد الرؤوف..!!!
قال: تستهبل انت...!! مكتوب أسمك فهد..!!
قلت: طيب ليش تسأل..!!!
قال: لإن وجهك بالصورة مو زي وجهك اللحين..!!!
قلت:طيب أنت وجهك نيجاتيف ولا ماخذه سلف من أخوك ...!!!
قال: شكلك منت صاحي..
قلت: لا ماني صاحي وش براسك...وهه هذا صاروخ ببكت الدخان...<== خربها
ألتفت العسكري لخويه اللي شغـّال يكتب مخالفات للناس...وخويه ماهو منتبه له.؛
قال بصوت هادىء: أقولك....عطني الصاروخ تراني خرماااااااااان...
أنا يوم شفت أن العسكري (راعي كيف) وطلبني الصاروخ..
إنبسطت وقلت بنفسي... ياسلاااام لعبتي بدت
قلت: تخسى وتعقب ماتاخذه...أنت أصلاّ..زقارة مالبورو تخب عليك..ولا تدري
أبقول للضابط المستلم عن إستعمالك للحشيش بوقت الدوام..<== يعني برا الدوام عادي..!!
قال: واللي يرحم والديك لاتقطع رزقي...أنا عندي عيال....الخ
قلت: لاتحاااااااول ...وترى واسطات ماأقبلها لو أبوي يجي ويقول سامحه ماأسامحك
أنت اللحين حاطينك تحمي الوطن...طلعت أنت مروج الحشيش بالسعودية يالهيس الأربد...!!
قال: تكفى أنا داخل على الله ثم عليك لحد يدري...وقام يبتسي..<=== بدأ النصب
قلت: طيب هذي المره ابمشيها...بس ياويلك لو تعودها مرتن ثانية...
قال: أبشر من عيوني....
قلت: عيونك خلها لك... بعدين من زين عيونك كنها قفازات تايسون..؛
وهاللحين أبغاك تدق لي تحية عسكرية <==== يلعن أم الجو
ولا ترى أبعلم عليك الضابط..
المهم أعطاني تحية ماهي صاحية ودك تصورها وترسلها بلوتوث
....عاد تفلت بوجهه ومشيت..,
مايستفاد من الموضوع
1-فلها وربك يحلها.
2- العسكري لاتأمنه حتى لو إنه مسكين.
3- الإيقونات بالموضوع تحوس تفكيرك.
برايفت للقراء:
((لحد يدقق ويحجر لي..
ولا ترى راح أنقل مواضيع من المنتديات..وأصير راعي نسخ ولصق ))
@@@@@
المشاركة الأصلية كتبت بواسطة غزاله نجديه
مواقع النشر (المفضلة)