تعالو شوفو الفضاوه ايش تسوي < حالفتن تقلطون هنيا ..

**شويه هباله** · 17-10-2006, 07:26 PM

الســـــــــــــــــــلام عليكم

كيفكو واخباركوا وعلومكووااا ولونكوو <<<< عاد لاتردون

صراحه كذا ترا ماعندي سالفه

بس حبيت اشقر على حبايب قلبي

وخلوني اهذر شوي عليكم

ودي احكي لكم عن التناحه وما ادراك التناحه

هذي الله يسلمك وحده اعرفها بغت تضيع في ربوع لندن<< اقول وخروا

عنهااا

السالفه ومافيهااا

وتراني احب الهذر الواجد يعني تبون تقرون معلقات مو قصه

ينصح بتناول البندول قبل البدء وعلى هذا نخلي المسؤوليه<<اقول

لايكثر

المهمووو

كان يامكان في اسبوعا مضى منذو الان

كان فيه بنت حبت تطلع للسوق<<< ابداااا البنت مو سعوديه

المهم

خبري انو فيه باص رقم 10<<< كرهت هالرقم من عقب هالسالفه

هذا الباص يبي يرمني بالضبط قدام المحل الي انا ابيه في اقل من خمس

دقايق من الاوتيل الي انا فيه

المهم صحيت الصبحيه وبست راس اميمتي ودربيت دمجتى ونزلت

لايجي احد يتفلسف على دمجتى ويقول وش مطلعتس لحالتس وين اهلتس عنتس

ترا بالملاس على دمجته

اخواني اذبحهم ولا تدخلهم سوق

واميتمي مافيها لدوشه السوق

وانا امووت في السوق<< ادعولها تكرهه عجزت

وش السوووات هااا<< اقول اخلصي عليناا

احم احم

واطلع للشارع وإلا القى الباص واقف وبادي يعشق بعد.. الا واقوووم

اركض <<< تذكرت

اخواننا المصرين في هاللحظه

وهوووووب<<< موسيقه تصويريه

اتشعبط فيه

واطلع للسطح<<< تسمع بالباص ابو دروين خخخخخخخخخ

يقالي مافيه احد<< تحب الستر البنت

واحط رجل على رجل واقعد افرم في الكروسن الي معي بسسرعه قبل موصل

للمحل

<< وربي مو شفاحه بس طلعت مافطرت << ايه احلفي

المهم

قام هالباص يمشي ويمشي وأختكم في الله مطيره عيونهاا ومتكله انو شوي

وتبي توصل

بس ماااااش

الدرب يابنت مو هو نفس الدرب

بس قلت معليه يمكن غيروا الاتجاه اليوم شوي وشكله بيلف

بس مااااش للمره الاخرى<< ماش ولا حلبه خخخخخخخخخخ

هالباص قام يمشي ويمشي في شوراع في حياتي ماشفتهااا<< اقول تكفين

يالي مقطعه شوراع لندن

قسم باللله تقولون وصلت بطحاء لندن<<< بلامبالغه

قمت اشوف اشكال حتى الافلام متطلعهااا عبيدد وفناخر وشعر تقل ليفه

مواعين مصديه وملابس مخزنه

وعوووووووووووووووووه

وشكل سواق الباص نساني وادحدر تحت والقى المصيبه الثانيه

معاد في الباص الا اناا تخيلواا

واااااااااااااااااااء

وري قامت عظامي تراقص

وصابتني النافضه

قلت بس يانت رحتى فيهااا شهيده السوق والتسوق

وشوي ودمعتي تبي تقطر بس يقالي اتماسك<< قشطه التاج الاخت

واقرر قرار خطيرر

تررراارارار<<< للتشويق اربط حزام الامان

قررت ادحدر من الباص

وادور اقرب اندر قرواند ))مترو الانفاق))

وارجع منه لانه اوضح لي من هالباص المتنح الي مدري وين اخرت مشوراه فيه

واسمي بسم الله واستناه بس يوقف

وهووووب

ادحدر منه

واقعد امشي وامشي

ولاازاال اتناافض

لحد ملقيت لي وجه سمح الله مير يذكره بالخير

عامل بنااء طويل عريض اطخم اشقر وش ملحه<<< اقول يازينتس هاجده
وابدا في مخي اراجع كل الانجليزي الي اخذته من الروضه لحد الثانويه

واستجمع نفسي واساله

بليز از ذير اني اندر قاروند هير؟؟<<<< تعبت البنت في هالجمله

قال افكووووورس<< بغيت انهبل من الوناسه يوم قالهااا

روحي قدام ابو ميتين متر وتلاقي علامه الاندر قرواند<< مفيييني اترجم

عاشت اللغه العربيه

واعطيه من جزاك الله خير ..

واكمل المسيرره

ولاتزال عظامي تنتفض وانضاف لها مصراني الاعور

وفجااءه

القى الاندر قروااند

ويبداا الخلاص من المصيبه يترائ بين عيني

وادحدر تحت

وادور اقرب محطه للمحل الي انا ابيه<< ماتابت لين الحين تبي السوق

واركبه

نسيت اقولكم

عشان اركب الاندر قوراند لازم يكون معي يا تذكره دخول او بطاقه

اشتراك للدخول برضواا وبرضوا نستخدم

هالكرت او البطاقه للخروج منه

طبعاا انا رزيت بطاقتي ودخلت وعيينت خيرر وحطيت رجل على رجل وقلت

خلاص يابنت فورجت الحمدلله

وصلت بحمدالله للمحطه الي ابيهاا

وادور بطاقتي عشان ارزهاا عشان اطلع

وادور

وادوور

وادوووور

يالهوي باااالي

ضاااااااااااعت البطاقه

وااااااااااااااااااااااااااااااااااااااء

وابدا ادربي دمجتى

واروح للحرمه الي عند الباب

الاخت: اسكيزومي اي لوز ماي كارت(( ضيعت بطاقتي))

الحرمه cksdskdsjdhdsjhjkddll;<<< خرط واجد مافهمت الا ربعه

الزبده منه روحي لذاك الشباك وهم راح يساعدونك

واروح ادربي دمجتى من جديد<< قلبت كفر قلابي اخر هالرحله من كثر

متدرربي

والقى ذاك الشايب الاشهب الي عافط خشته

وابددا اتعتع معه

قال شورقم البطاقه

قلت هااا .. مدري

قال من اي شركه

قلت هاا.. مدري

اخوي الي عطاني هي

<<حسيت انه وده يقول روحي بشري اخوك

قام عفط خشته اكثر مماهي منعفطه وقال اجل ادفعي للجديده

وادفعها من ورا خشمي

واطلع من الاندر قوراند

واروح اتسوق

هع هع هع

واستناااانس

وادق على اخواني يقالي اسويت شي

وانتهت مغامرتي بسسلام

ايه صح نسيت

لما قلت لخواني عن السالفه

ابد مسوووا لي شي ابداااا im5 im5

بس دش محترم من التهزي الي يحبه قلبكم

كككككككككككككككككككككككككككك

خلاصه الموضوع : <<<< يعني لازم نفيد ونستفيد خخخخخخخخخخخخ

1-لاعمرك تطلعين لحالك اقبضي ارضك واطلعي مع اهلك

2- اذا ربي بلاك وطلعتي لحالك خلى عنك تطير العيون في هالمحلات

وناظري دربك<< علمي عمرك قبل

3-يمدحون التاكسي وخلي عنك القطعنه

ترى السالفه تخريف × تخريف

ياربي مكون دوشت راسكم بس تعرفون الفضاوه تعمل بلاوي

انتظر ردودكم

**كل الوفااء** · 17-10-2006, 07:31 PM

ههههههههههههههههههههههههههههههههه شويه هبااااااااله:7ar: :16ar:
يالبى قلبك انتى الي محليه الصرقه والله:19ar:

**funny girl** · 17-10-2006, 07:39 PM

واااي ماقريتها طوويلة لمن ارجع من السووق اقراها

**شويه هباله** · 17-10-2006, 07:39 PM

واااااااااااااااااي سلم ألبك انا حبوو مدري وش الباقي ..

<<<<<<<<<<<<< هذا المستخدم اغمى عليها من الحرج :1ar: ..

هاتي يدك كففففففففففففففففففففففففففففففففففففففففففففك ..:29ar: تزوجت امس << ابوووك يالنصب ..

وانت محليتها اكتر واكتر سوي موضوع علي هع هع :57ar:

واكيد راح .. :7ar: طاق طاق طاق طوقيق .. ياللي على البال تدري وانت ماتدري << كلماتي كلها صح ادري ..:50ar:

يسلمووووو هع هع