[align=center]
هذي القصيدة في محل نصيحه يقولون : ( أكبر منك بيوم أعلم منك بسنه )

[frame="10 80"]كل يعود لاصـــل جــده و مربــــــاه
راعي الشرف يشرف و الانذال يهبون

الفرع من عوده شرابه و مسقاه
و الحنظله مره ولو تشرب مزون

الطيب كايد والمناعير تقواه
والهون هين تدنع النفس و تهون

ناس على كسب المراجل مضراه
و ناس على كسب الفشيله يضرون

هذا على وضح النقا كل ممشاه
و هذا الى شافوه ربعه يصدون

لا تامن الخوان لو زخرف حكاه
من خان بك مره يبي باكر يخون

و افطن ترى زول الرجاجيل تواه
كم واحد يعجبك زوله وهو دون

ياطيب الشارات من يوم منشاه
عحذر عدوك لايغدرك على هون

ترى عدوك غايته فيك و مناه
يزرع بصدرك من قنا رمحه طعون

والي رضع لبوة عدوك توقاه
الجرو ولد اللبوة اللي تعرفون

للطير ياالصقار بالريش مغواه
الجاهل اللي باكثر الريش مفتون

للحر و الشبوط ماكر و منجاه
و الفرق بالأفعال لوهم يطيرون [/frame]
اتمنى من الجميع القراءة و الستفاده من هذي النصيه التي صاغها ][®][^][®][دايم السيف][®][^][®][ شعرا
[/align]