a novel at American Literature][روايــــه من الأدب الامريكي][
( هذا كان العنوان وغيرته )
/
\
ياماحلا شبك اليدين ببعضها ,,,, في ديرتن لبس اهلها بناطيل
حريتن حكم الطبيعه فرضـها,,,, ماينعرف عقالها من المهابيل
قصيدتن شدوتها في أمريكـــااا
I am pleased to introduce this subject lost
يعني يسعدني أن أطرح موضوعي هذا ..
the most important one in American
أهم واحد في أمريكـــــــااا ,,
a novel at American Literature
][روايــــه من الأدب الامريكي][
Welcmoe(مرحبــا فيكم في موضوعي هذا اللي بسرد لكم قوصتن عن سفرتي لأمريكا)
؟ How are you everybody(كيف حالكم جميعن بدون أستشناء من شنبات وشنبيات )
يعني أنتم اللي تكتبون روايات بس :23ar: .. حتى أهم واحد
بيكتب لكم روايــه من واقع الحياة المليئــه بالقصص والروايات والسفريات .. التي
لاتصدق بل يحسبونها تسذب وخرطي وأن ماعندنا.. ماعند جدتي من أمي هيله ..
وجدتي من أبوي هاله ( مهيب هاله سرحان تهبـآ هاله سرحان ماتوصل مواصيل جدتي
(يقال لها هالحين جدتي وأصله القمر مع أول مركبــه فضاء سنه الف وتسع مائه
وعليه كم سنه ناسين كم بالظبط ومانبي نزيف لكم معلوماتن من مصاردنا غير موثوقه) ..
يومني أقول ماتوصل مواصيلها .. على طاري هاله سرحان كم كيلو بوذره تلطخ بوجهها ؟؟
قدر الله وسافرت لامريكــا طلبن لشهادتن تغنيني عن البطاله اللي منتشره حول أرجاء بلدنا ( تعيش الحكومه تعيش الحكومه )
مانيب أسب ولا شيء..ويسقط شارون الملعون ويسقط شارون الملعون <--- الأخ هو ووجه يرقع الذبه على الحكومه سافرت وأنا دموعي تسيل من وجنتي
وسعابيلي تنااقط وجبهتي تهدر
عرقن (مهوب اللي في علب مويــه الصحــه) .. كله من أفراق الحبايب والأهل والأصدقــاء
والجمايع والقرايب والزملاء .. والعيال ووحده من البنات :frown: ( أشين شيء بالحياة
فراق الأحبــه ) آآآآه ياني ياني تعذبت في زماني .. وياني وياني رحت عن الحبيب ونساني
قهرتني تعرفت على فهيدان الي مادانيه ولا واطنه .. جاني الخبر وأنا في وسط أمريكا
<---- لعنبوا شيطانك بتلقى قدامك أشكال وأنواع الــ (Fair girls ) ..
أفرقت على خويتك العبده الشينه .. عاد من زين الوجه هالحين.. اللهم لا شمــاته أثارينا هناك في نعمه مهيب عندكم هنا ..
على فكره :23ar: (Fair girls ) <--- البنات الشقر اللي أذا لمست شيء فيها طلع مكانه المســه أحمرار والدليل أذا جاوا يتشمسون عند الشواطي تشووف علامات ..
ذاك اللي خبركم على أجسامهم <---- والله من زود القززز :4ar:
شايفن كلش كلش .. الله يهدينا مراهق..
كانت رحتي متوجهه إلى state of Florida ( ولايــة فلوردا ) .. يعنني أعرف أنجليزي [أول ماوصلت للمطــار كنت كمخــه في الأنجليزي ( من زود الصراحــه
ومكتب السفريات اللي بالرياض اللي حجزت منه قايلن لي بتلقى اسمــك بلوحــه .. أول مأوصلت أقزقز عيوني بالوحات $777
.. مااش ماشووف أهم واحد بين الأسمــاء .. أثاريني صحيح على قولتي كمخــه اسمي مكتوب في كرتون وأنا أطالع بس الوحات .. عرفت من يومها ليش الشله يسموني السبهـــه ..
ذاك اليوم عرفت أني سبهه وسفهه بعد .. <--- من زود الميانه على نفسي اذب عليها ( والله لو نفسي الحين واحدن من الاعضاء اللي هون الي ماواطنه في عيشت
الله ولاااا أدااني طاري أسمــه ماقلت كذا )
بعد جهدا مهيب سهل .. وبعد ماتعومست أني القى سواق الجامعه ( تكفى ياللي الحين من بنات الجامعه)
تعرفون نظام الجامعات هناك مرتب.. الي بالمطار مستقبليني ترتووب مهووب هين .. الله يخلف على جامعاتنا ..
سكن وهو سكن يالله يحصل واذا حصل .. حصل على غرفه أربعه في أربعه .. ومعك خمسه بالغرفــه ( ماتحسون أن غرف جامعتنا صارت عزب هنود )..ماعلينا ماعلينا.
طلعت ويااه الساعه 9 الصبح .. وعلى طول دايركت وداني للجامعه .. المشكله أخوكم في الله باقي لابسن الشماغ والثوب ( على بالي طالعن لزواج مهوب لامريكــا ) ..[ويقودني الأمريكي ( ماسك يده بيدي )
.. وأنا مثل البزر القروي اللي ماعمره شاف مدينه.. ماغير اطالع الي رايح وجاي ( والله من المقصر عندهم وبياض الفخوذ
.. ياوجــه الله منذا الزين اللي أشووف ) .. وكل مامريت على بنت ولا ولد ماغير يمد يده صوبي.. بلحظتها أغتريت قلت إلى الدرجــه هذي مزيون ؟؟ إلى درجــه هذي ماشافوا
خير..الي يشوفني يحلف أن وجهي مهوب حنطي دخلني على مديرة الجامعة .. وأسمعه يبربر ويااهاا هذاك الوقت كنت من جنبها بالأنجليزي بس أتوقع والله العالم أنه يقول لها أمسكي العهده .. والله الله فيــه تراه من ناسن غالين علينا
<---- أفقلني أذا قال كــذا
شربتني Coffee .. الله يذكرها بالخير أسمها الأنســه سانديا كل مأشوفها أتذكر الأنســـه منشن مديرة سالي بالمعهد <--- ياااقدمـــك
زمن الورعنــه والسياكل .. وملاحق القطاوه وتشويت القواطي ( قاهريني بزارين الوقت هذا أنترنت وحركات وحنا قواطي وقطاوه)
شيء يفقع القلب... والي ولد نعمــه بوقتنا مره مره كاان معــه نبيطه عليه لزقه لونين
بعد ..يالعن أم الطموح بس بوقتنا ولاا نمتلك عشــه حمام وأهم شيء فيه زوج قلابي ..
.. وهالحين على الأب توب البزراين .. آه ياماااه وآه يابتاااه لماذا لم يتم تدليلي مثل باقي البزارين <--- تحمد ربك أنهم سفروك لأمريكــا تدرس بس ..
بعد ماتقهويت عند المديرة .. ودقيــٌــت حنك معاها .. تخيلوا شبكتها
( ماشاف خير حتى العجز شبكها ) ..أرسلتني مع بــااص كله خليطي .. بنات أعيال.. فله والله فله .. وصلنا للسكن على فكره السكن بنفس الجامعه حوالي حذفه عصا بس
باوند .. ولاا لقفتني مديرة السكن أمريكيه <--- أجل هنديه
ومعطتني مفتاح الغرفه حقتي .. أتذكرها كانت رقم 102 ( والله من الهسترة صارت بالغرفه هذي خلوها مستوره بس) .. كنت تعبان مره أبي أحط رأسي وأنــــــــااام .. دخلت إلاا شفت شوفتن ماتنقال :frown: خلتني أفك خشتي مدري أنا أغمض ولا أطالع زياده <--- والله من الشوفه اللي شفته بغرفتك ..
أطالع زين هذي دُميه ولا مخلوقــه .. هذي مودميه مثلنا .. بس مو شفت كلش :frown:
يعني بعض الشيء .. قالت لي cam haer قلت وأنا مستحي هذي غرفتي .. إلاا تطلع
لي المفتاح الثاني قالت وأنا هنا بعد قالت عادي أنت رمويتي اللي بالغرفه ( يعني
خويي ) قلت في ذمتك .. والله من الفله .. والله اللي ماتخرجنا من الجامعه..
( كل االكلام اللي دار بيننا بالأنجليزي بس مو كلش أكتبــه بالأنجليزي .. أخبركم ياعيال جامعات السعوديــه دجـه ..
ماعلينا ماعلينا ..
سكنت معي جيمي ( صديقتي :57: ) .. أربع سنوات ولاا طرى لي أرجع لسعوديــه حتى بالأجازات الرسميــه أقول ماعطلنا
تعرفون عنز بدو وطاحت في مريس .. بس هي حليووه مره بس أذا صحيت من النوم ولقيت بطانيتها طايحه منها :frown:
! ! ! ! Oh my God
حركاتها واجد وهي نايمــه الله يكفينا حركتها ( ماتعرف تثبت في جهه وحده ) ..
.. بس عميلكم أهم واحد ذرب مره أذا شااف شيء مهوب زين
غمض.. حفاظن على مستقبلي أعرف أذا دشرت دشرت .. بس من يقول أني مادشرت هناك أصلا.. صرت دائمن البس .. بالله خلوني أكتب وش البس بالأنجليزي .. لازم أطلع موهبتي .. أجل دارس هناك على بلاش !!!
I always wear shorts and cate shirt ( مهوب شورت وكت وبس تصدقون وصلت أني البس برمودا) .. قلت لكم صعت بس ماحدن صدقني..
عيشــه ولااا واحدن أول مره يطلع لدبي
هذي الرومنسيــه مهيب هنا الوحده معدومــه الرومنسيــه .. تطلع بعد المحاضرة وأنت
لك نفس تأكل .. لك نفس تناظر :57: توكلني بطاطس وأوكلها .. تبتسم لي وأبتسم لها :23ar: .. ( اللي يشوفني يقول مهيب معي 24 ساعه بالغرفــه ).
والله اللي قد طاحت بغرامك <--- عنده أسلوب بالغزل محصلشي أبد أبد إلى درجــه أني مره سويت محاضرة عن الرومنسية في الجماعه ( مايمديكم على الكذبــــــه ) ..
بعد ماخلصت من القاعـــة إلى البنات ودكتورات والبروفوسورات كلهن يبون يتعرفون ماغير يقولون لي ..
Can yoy introduce yourself
والله من النصب في رأسي..
نزل معدلي ؟؟ صرت أتاخر أنا وجيمي على المحاضرات
( كله من السهر على أوربت ) <--- أي أوربت أي خرابيط عندك قنوات مهيب مشفرة .. وأنا وجيمي قاعدين قدام التلفزيون نتعلم الثقافه .. خوش ثقافه..كل يوم مطنش محاضرات ؟ كل يوم مطنش مطنش ؟ أستمريت على هذا الحــال حوالي سنتين .. نزل المعدل إلى تحت الواحد im6 .. وطردوني من الجامعــه قالوا لي ضف وجهك ولاتنسى عفشك معك .. وقلت وجيمي معي.. قالوا ليش مسجلها بكرت العائله..
بعد ماتدهورت حالتي الدراسيــه.. وأنطردت من الجامعة.. ضااقت بي الدنيــا وخربتها
وطلعت للبــاار ..
مدٌيها القــاز حدي
أرسلت لأبووي الأبيات هذي..
يامحلا وأن صففوها على البار ,,,, خضر الغراش مسكرات الرجالي
أخير من شيبان تتقابل على نار ,,,, ماعندهم إلى الكذب والخبالي
رد علي أبووي ...
يامحلا وأن صففوهم على النار ,,,, صفر الدلال مبهرات الرجالي
أخير من ناس تقابل على العار ,,,, ماعندهم إلى السكر والهبالي
( سكتني الشايب على البيتين )
بعد بيتين الوالد.. حسيت أني حطمت حلمهم وأني صعت بأمريكـا..
قلت ياهم واحد أرجع لأهلك وقولهم أن الديره هذي ماينجلس بها.. ديره فســاد والعياذ بالله..
<----- لو أنك فلحت هناك ماقلت هالكلام يالكمخــــــــه ..
ورجعت لسعوديــه وأنا منزل رأسي وتركت وراي الشهادة وجيمي <---- أهم من الشهادة
هذي قوووصتي العويصه التي أدمعت عين أمي اللي قالت لي والله أني عارفتن أن وجهك مهوب وجه أمريكــا .. جدة وواجد عليك بعد .. :18ar:
وشكرن لكل من قرأ هذه السووولفه من أولها لتاليها..
أشووفكم في وقتن لاحق
تشــااواتي
مواقع النشر (المفضلة)