::هــجـمـة عـكـسـيـة::ع:: الإتصــالات السـعـوديـة::
أقـُر وأعـترف بـ أني أضفت الموضوع وأنا بكامل قواي العقلية
.
.
(أرجوك أيها العضو لا تذب وتستقعد لي على الجملة اللي فوق.. :8ar: أنتبه فقط للموضوع بارك فيك )
.
.
.
.
موضوعي فيه ( إستفسار واحد فقط ....و سالفة معترضة.....وكمية أسئلة )
كلها موجهه لـ أصحاب الجوالات( خاصةً للي معاهم شرائح سوا )
ولا أنسى .. موجه أيضاً لمدير الإتصالات...
( أدري إنه ماهو طاق لي خبر..:8ar: ..بس والله من القهر اللي أشوفه )
@@@@@@@@@@@@@@@@
إستفسار
7
7
مالاحظتوا خلال شهر رمضان وأيام العيد...إن رصيد الجوال ينقص من حاله...!!!!
المشكلة ماصارت معي لحالي
ولا هي مرة وحدة ولا مرتين ولا ثلاث ...!!
وماهو بس معاي أنا....!!
سالفة معترضة
واحد من أخوياي يقول بلسانه :
كنت بطريقي للبيت.. وطرأ علي بطاقة الشحن
لإن رصيدي كان تقريبا 2 ريالين فقط..وأقرب سوبرماركت وقفت عندها
وآخذ بطاقة شحن بـ 50 ريال ..
المهم دخلت البيت وشبكت جوالي بالشاحن و(قشعت) الخط اللي ببطاقة الشحن .باأظفري ..ودقيت عـ 1500 .وضغطت رقم 2 .الخ....
المهم ...شحنت جوالي ..وكنت مبسوط بالزيادة المجانية حقتهم 20 ريال...!!!!!
وأرتحت يوم طلع لي اللي يقول: (ويضاف إلى رصيدك سبعون ريال)
وتركت الجوال بالشاحن وقمت وطلعت من غرفتي وبروح أتروش
تروشت ورحت لغرفتي وقفلت الباب وانسدحت أبنام...
سمعت نغمة رسالة ..,( قلت بنفسي: ياحووول الله هالناس اللي ترسل
CALL ME ...!!
ماعندهم رصيد وناشبين لنا بهالرسالة..!! :8ar:
وأخذ الجوال أبقرأها....وألقاها رسالة ( رد الخدمة )...اللي يوم تتصل على أحد وتكلمه بعد ماتقفل.. تطلعلك نغمة رسالة يطلع فيها نقص رصيدك بالمكالمة
المهم يقول...وألقى ناقص من رصيدي ... 9 ريالات بدون أي سبب .!!! :4ar:
يقول بلعتها وسكت...
لدرجة إني شكيت بنفسي وقلت ماأبغى أقول لـ إبن أمه ..
عشان محد يستغرب هالسالفة ويقول لي : أنت موسوس ...<==== رحمته بصراحة
ورحمته اكثر .. يوم فتحت الموضوع معاه بطريقة عفوية
أبسأله عنها.. (لإنها صارت معاي أول مرة وهو عندي بالإستراحة)...!!!
طلع المسكين شايل بقلبه سوالف وماصدق فتحت له الموضوع:8ar:
خلصت السالفة المعترضه..
عاد أقولكم..خويي صارت معاه الحركة هذي... تقريباً خمس مرات ..!!
من أول رمضان ويوم العيد الأول إلى وقت كتابتي للموضوع....
كلام خويي إثبات لكلامي ..
آخرها يوم العيد نمت الظهر وحاط الجوال عند رأسي ومقفل غرفتي...قمت لقيت رصيدي
ناقص تقريباً .. 5ريالات.....!!! :18ar:
ملاحظة مهمه ومتأكد منها :
أنا وخويي محد مشترك بالجوال بـ أي شيء..حتى أنا ألغيت خدمة جوال الهلال..من فترة.., وخويي هذا ... ماعنده وماعند جدتي... مايعرف إلا.. آلو.. ورسالة فقط .,:8ar:
أسئلة
7
وش هذا ياإتصــالات السعودية...؟؟؟
تضحكون علينا عيني عينك...!!
تبغون فلوس.؟؟؟
.(غير اللي تلهفوها بقيمة المكالمات والرسايل وخدمة النت والـ DSL )
غير أسعاركم المرتفعة .... وإحتكاركم للشعب السعودي...
و منع دخول شركات إماراتية وخليجية تنافسها..!!
... اللهم شركة موبايلي اللي بطلعه الروح وافقتوا عليها....!!
مثلاً الإردن..دولة صغيرة وماعندها بترول مثل السعودية
فيها أربع شركات للإتصالات...!!!!
ويتنافسون على أفضل الخدمات...لعملائهم...!!!
ومكالمتهم أرخص من عندنا بكثير....إحدى هالشركات عندها خدمة وجذب ممتاز لها
حاطه يوم معين بالشهر ... كل المكالمات باليوم هذا.... مجانية...!!!!
تهقون يقدرون يسوونها إتصالاتنا هههههههههههههههههههههه..؟؟؟
يتبع أسئلة
أنتم محتاجين فلوس ضروري ؟ ...
ترى نساعدكم ونتبرع لكم...عادي لاتستحون ترى كلنا أخوان
وأنا أول واحد يتبرع...والشعب السعودي مايقصر بعد.
ولا أنتم مستحقرين شعب السعودية...؟؟؟؟؟
ولا أنتم اللي عرفتوا تلعبوها صح على هالشعب الداج..
أنا أتكلم بلسان مواطن سعودي يعيش بـ أغنى دولة بالعالم....!!!
يااامـديـر الإتـصــالات الســعـوديـة.. أبسألك :
س- تدري وش القهر بـ السالفة كلها وبموضوعي المآصل الطويل هذا ....؟؟
...شوف... الفلوس تروح وتجي ... والله ماتقهر...,
بس اللي يقهر ...( إنكم تضحكون علينا )...!!!
...
آسف عـ الإطالة
@@@@@@@@@@@@@@@@@@
برايفت:
(اللي له علاقة بالموضوع يشارك...واللي مافهم شيء لايسألني نهائياً..)
تـحـيـاتـي للجـميـع..؛
乂► هـِـجـومـيْ ◄乂
المشاركة الأصلية كتبت بواسطة panorama
مواقع النشر (المفضلة)