قصة حب في مدينة الرياض
يقول بطل القصة : ذهبت لمحل بيع الكتب المستعملة التي تبيع الكتب الرخيصة ، وشريت لي كتاب وكان عندي اختبار له في اليوم الثاني.. (هذي طريقتي في الاختبارات).. المهم فتحت الكتاب وفتحت الصفحة البيضاء التي بعد الغلاف فوجتها مكتوبة بقلم حبر ناشف ، المهم .. الكتاب طلع لبنت قبل ما تبيعه (يا عمري توها زانت المذاكرة ) والغريب إنها كاتبة الكلام هذا:
أنا أدري إنك أول ما تقرا الورقة ذي بتنهبل ، بس خلّني أقول لك شي .. أنا صراحة مثلك في الكلية ومقهورة .. ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء وقامت تسب في الكلية .... !! وبعد ما شبعت من سبّها .. قالت : عموماً فرصة سعيدة جداً إني تعرفت عليك ، وأشكرك على قراءة كلماتي ، بس والله ما كتبت إلاّ من الطفش ، وأنا فضولية شوي ، ممكن بعد ما تخلّص من الكتاب.. تكتب لي ردّك على الوجه الثاني.. ورجعه للمحل وأنا بقرا ردّك.. وإن شاء الله إني أبي أجي أشتريه في تاريخ كذا ..ناظرت في التاريخ لقيته بكره !!! يا ساتر وش أسوّي؟ طيب أنا ما ذاكرت.. وش ذا الحظ ؟ المهم إني خقيت يعني رحت وطي .. وقررت إني أكتب لها الرد في نفس الكتاب وأرجعه.. بس قبل كل هذا رحت وصورت الفصول اللي داخله بالاختبار عشان أذاكر.. ضبطت لها رد محترم ، وقلت لها: ترى أبي أشتريه بعد أسبووع .. ورحت للمحل ورجعته ، وفعلا رجعته وشراه الزوووول مني بنص السعر، اليوم الثاني بالليل رحت للمحل لقيته الكتاب مباع ، سألت الـزووول : الكتاب اللي شريته منك أمس وينه؟ قال: امبارح أجت بنت وشالته !! وأنا اللي تنفتح كشرتي لين وصلت أذاني ، المهم أخذت أنا ويّاها الله لا يقردنا ثلاثة أشهر وحنّا شارين الكتاب بايعين الكتاب.. والمستفيد الـمحل حق الكتب المستعمله.. لا .. وصار الزول ما يحطّه في الدرج.. خلاص فهم علينا وصار يخليه عنده على الطاولة ويسلمه لي أو لها أول ما نجي ..مررررررت الأيام وجيت مرة قلت للـزوول وين الكتاب؟ قال: ما أدري أمبارح جاء راجل وأخذ الكتاب.. قلت: يا ابن الحلال قل غير هالكلام الكتاب قديم ومعفّن وأوراقه نصها كتابات.. قال: آآآآآي عليك الله أخدوه الزول الكتاب الأصفر .. المهم طلعت وركبت السيارة.. ويوم وصلت الإشارة قلت : لحظة..... الحين يقول الكتاب الأصفر.. الكتاب الأصفر!! هو أحمر أصلا مهوب أصفر .. المهم ديورت بسرعة ودخلت المحل بسررررعة.. تتوقعون وش شفت؟!!! لقيت الزووووووول ابن الذين ماسك كتابي الأحمر وقاعد يكتب الرسالة اللي أنتظرها في صفحة من الصفحاااات!!!
طلع الخال هو اللي انا خاق معه من مده
مواقع النشر (المفضلة)