][قصـة البـنت النشميـه][ من عالمـي الخآص][ نوافوهـ][
ســـــــــلام تلحقهآ تراحيب للزين واهلهـ :53ar:
بس تكفـون لاحد يقراء وبيدهـ سيجارهـ غير مشروعه<_ كفو :59ar:
طال عمركم هذي قصة ما عليها كلام اسدحو رووسكم معي
ولا تقرونها الا وجنبكم قهوتكم وعلوم تسليه<_ اسمع فيها ولا ادري وش هي
ما ابي اطول اسدح القصه لكم<---- سنايدي نوافـ :55ar:
كان ياماكان كان فيه بنت سنعه قايمه بشغل البيت كله وفي يوم من الايام نست تكب
الزباله "الله يكرمكم" واثر الوقت كان متاخر مره يعني تقريبا عقب نص الليل ...المهم البنت السنعه هذي ما ضيعت وقت وقالت والله بخليها لبكره الصبح لا والله الظليمه شينه اختنا بالله خذت الزباله وطلعت فيها بالشارع بدون ماتلبس عبايه
لانها كانت واثقه ان مافيه احد بيشوفها بالشارع وخاصة في الوقت هذا"شكل البنت من خواتنا المصرقعات" ويوم كبت الزباله وجت بتدخل البيت اثر الباب انقفل ولا تقدر تفتحه الامن داخل...ايييييييه الحين البنت هنا توهقت وتخيلوا موقفها ان طقت الباب وشافوها اهلها برا وما عليها عبايه وفي هالوقت بيجلدونها لين يخلونها تعض الارض وما فيش يمه ارحميني عند اهلنا في هالامور ..وان قعدت على حالها الين الصبح يمكن يجي ولد حرام ويخطفها و عاد الله يستر ...
البنت فكرت زين وقالت مافيه غير اني اطب في برميل الزباله الكبير "اللي قدام بيتهم" الين يجي الصبح ويفرجها الله وفعلا البنت السنعه ما عاقت معها وطبت في الزباله ولا ادري بالضبط كم الوقت اللي قعدت فيه بالزباله الا وسبحان الله سمعت صوت سيارة ولد جيرانهم توه جاي من بره
وتقوم المسيكينه وتنقز من البرميل رايحه لولد الجيران اللي ما ادري وش ردة فعله لما شافها بس الظاهرحسبها جنيه طالعه من الزباله
المهم ما اطول عليكم البنت قصت للولد سالفتها والورطه اللي هي فيها الولد جزاه الله خير رحمها وساعدها
وشلون ساعدها؟؟؟؟!!!!
قام طب مع الجدار ودخل ثم فتح لها الباب
البنت من خوفها دخلت مسرعه للبيت حتى الشكر ما شكرته...اصبح الصبح وبعدين جاء العصر الا وتلقى ولد الجيران مرتز في مجلس الرجال يكلم ابوها البنت الخوف عندها وصل للركب وما درت الا ابوها طالع عليها والضحكه من ذا الي ذا ويقولها ان ولد الجيران جاي يخطبك وش تقولين البنت ماصدقت خبر ووافقت على طول
وتزوجوا وعاشوا في سبات ونبات وخلفوا صبيان وبنات
"الحين بنات المنتدى كلهم بيروحون يكبون زبايل بيوت اهلهم بنفسهم" خخخخخ
المشاركة الأصلية كتبت بواسطة ][][N-A-W-A-F][][
مواقع النشر (المفضلة)