قصيده مؤثره جداً (حزينه)
السلام عليكم ورحمة الله وبركاته
القصه كامله وهي فعلا قصيدة مؤثرة جداً قد وصلتني بالبريد الالكتروني وهي تحكي قصة زوجة اُصيبت بمرض خطير (( اسأل الله ان يجعلة كفارة لذنوبها )) وقد اقام لها اهلها عندما خرجت من المستشفي احتفال ذُبحت فيه الخراف وقد كانت تعلم بمرضها وتحّس بدنو اجلها, وقد وجّهت هذه القصيدة لزوجها فأسأل الله ان يتولاها برحمته ووالدّي وجميع المسلمين والمسلمات ..
[poem=font="Simplified Arabic,4,black,bold,normal" bkcolor="skyblue" bkimage="" border="solid,4,black" type=0 line=0 align=center use=ex num="0,black"]
ترى الذبايح و أهلها ما تسّليني ..... أنا أدري إن المرض لا يمكن علاجه
أدري تبي راحتي لايا بعد عيني .... حرام ما قصّرت يديك في حاجه
أخذ وصاتي وأمانه لا تبّكيني .... لو كان لك خاطرٍ ما ودي إزعاجه
أبيك في يديك تشهدني وتسقيني .... أمانتك لا يجي جسمي بثلاجه
لف الكفن في يديك وضف رجليني .... ما غيرك أحدٍ كشف حسناه واحراجه
أبيك بالخير تذكرني وتطريني ..... يجيرني خالقي من نار وهاجه
سامح على اللي جرى ما بينك وبيني ..... أيام نمشي عدل وأيام منعاجه
همي عيالي وأنا اللي فيْ .كافيني ..... علمهم الدين تفسيره ومنهاجه[/poem]
كان الرد من الزوج المكلوم في هذه الأبيات التي لا تقل شأناً عن أبيات الراحلة التي كتبتها قبل أن تموت فكانت (المرثية في المرثية):
[poem=font="Simplified Arabic,4,black,bold,normal" bkcolor="skyblue" bkimage="" border="solid,4,black" type=0 line=0 align=center use=ex num="0,black"]
حاولت أنام وحاربت عيني النوم =وجريت صوتٍ مثل صوت الذ يابه
الجفن كنه صار ضايق ومهزوم =ودموع عيني مثل رس السحابه
على وليف قالوا اليوم مرحوم=فارق وراح وما تهنى في شبابه
زرت القبور اللي على بعضها ارسوم=وخطيت رسم فوق ذيك النصابه
قلبي من الدنيا عليه مرسوم=والرسم توه عقب خط الكتابه
أحبها مير القدر صار مقسوم =ويحبها كل الأهل والقرابه
الموت أخذها واودع القلب مثلوم=جرح عميق ما يداوي صوابه
الموت أخذ شجعان وارخوم وقروم=وأخذ رسول الله وباقي الصحابه [/poem]
مع تحياتي ، ، ،
نواف
رد مع اقتباس
مواقع النشر (المفضلة)