خلف مشعـان العنـزي

[سعودي وايلي]

السلام عليكم ورحمه الله وبركاته ..



هذه بعض اشعار الشاعر خف بن مشعان العنزي

.................................................. .................................................. .................................


{ المملكة العربيه السعوديه }

مايتبع هروج السفيه .. بذمتي غير السفيه
................................ يعني على رأي المثل ( أعمى يقوده إمـّعه )
:
:

تبت يدين الإمعه .. واللي معه .. تبت يديه
............................... بوق الدجل ، شيخ الجدل ، والسربه اللي تتبعه
:
:

فقيه علم البلبله ، بهلولهم ، سعـْد الفقيه
.................................... اللي يريد إصلاحنا ، أصل الفساد ، ومنبعه
:
:

تحشم سمو المملكه عن ما يقول ويدعيه
................................. من يسمع علومه ، خبل لو عاد فكر ، يسمعه
:
:

والله ولا 100 سعد ، يهزنا ، بدري عليه
................................... مازعزعوا حب الوطن .. زمرة فساد مجمّعه
:
:

حنا تحت أمر النزيه ابن النزيه ابن النزيه
..................................... اللي بذكره يحتمي بيت ، القصيد ، ومطلعه
:
:

لا قال ابو فيصل كذا .. قلنا : كذا من غير ليه
..................................... حنا الزناد اللي رفع صدره لضمة .. إصبعه
:
:

ناقف مثل صف الفشق بالمحزم اللي يرتديه
................................... من لا ارتدع عن دارنا .. أدنى حدينا ، يردعه
:
:

الدار نخلة دونها .. سيفين ياحضرة فقيه
................................ ( الشرع ) ثم ( آل السعود ) .. وغيرهم مانتبعه
:
:

مايتبع هروج السفيه .. بذمتي غير السفيه
................................. وانتم .. مثِل قول المثل .. ( أعمى يقوده إمعه )
:

{ صدر الشمالي }



وش هقوتك ؟؟ .. ياساير .. الصدر لا ضاق ..!!

.................................. هو ينفعه .. لاقلت : .. خلك شمالي ..؟؟؟
:
:

لو القصايد .. كلها .. مجامل اذواق

.................................. ماطاح .. دمع .. ولاتذكــرت .. غالي
:
:


عيني تراوغ دمعها .. وسط الاحدااااق

...................................... واخاف اغمضها .. يطرز .. قبالي
:
:

لا حدها زفره .. ولا ردها اشهــاق

................................. الله يخرب .. بيت ابو .. طيب .. فالي
:
:

جرحٍ خفيف وجرح ساطي .. بالاعماق

............................... وجرح يهد اقصاي .. وانخى .. خـوالي

:
:

كل مااختصرت الوقت .. يضربني طراق

................................ واارجع واعيد حساب .. وقتٍ مضالي
:
:

ماجيت ابشكي لك .. سواليف عشاق .. !!

................................... ولا جيت امثل دور .. شــاعر مثالي

:
:

مشتاق .. ؟ إيوالله .. وانا اخوك مشتاق

.................................. لو مااتصالك .. كان جاك .. اتصــالي
:
:

شف كيف جفني للسهــر .. كنه رواق

................................ مبعد عن العالم .. وجالس .. لحــالي
:
:

المشكله ؟؟ ياساير .. الصدر لا ضاق ..!!

.................................. ماينفعه لا قلت خلك .. شمالي ..!!




{ خارج نطاق التغطية }


خارج نطاق التغطية .. او .. تغطيـه دون النطاق

.......................................... فرق الخروج المنطقي حسب اختلاف المنطقه
:
:

ماهيب لعبة مفردة .. بين التجـــانس والطباق

............................................. لا لا ولا هي فلسفة شاعر فراغ وهرطقـه
:
:

المسأله !! ركز معي .. يمكن ترد ضمن السياق

............................................ لاتسبق احداث الشطر قبل انطقه لا تنطـقه
:
:

شيٍ يطاق بهالزمن .. واشيا كثيره ماتطــاق

...................................... شعر الغزل غير الهزل .. والطق غير الطقطـقه
:
:
:


المشكله مو بالطراق ،، المشكله بعد الطراق

........................................... يامحللين المشكله .. بلاش .. كـذب وتريقــه
:
:

إتي اتحاد ... وتختصر إتي .. بعــد للاتفـاق

........................................... لكن ولاإتي .. بقت في ظل عصـر التفـرقــه
:
:

ناخذ طراق ونبتسم .. احلى عرب ..!! واحلى عراق

........................................ واحلى فلسطين ونقط .. لا خر حدود المنطـقه


تقبلوا تحياتي وتقديري



سعــــــــــــ واايلي ـــــــــــــــــــــــودي

[الشمـ سلطان ـال]

صح لساااااااااااااااان خلف مشعان




وسلمت يد من كتبهااااااا




وننتظرجديدك




اخوك سلطان الشمال

[ღنــُـــوفღ]

صح الله لسـآآن قايلها الشاعر خلف المشعان وولسـآآن ناقهـآآ

وتسلم يمينك أخوي سعوودي وايلي ولاهنت

على نقلك لهذه القصاائد الراائعه

من روائع الشاعر خلف وهو غني عن التعريف..

تسلم والله يعطيك العافيه

لاخلا ولاعدم

تحيتي...نوف

[الســـــواح]

الله الله اللله


ياناس هيك شعر ولا بلا


بس لو قلت

يقولون صدر الشمالي


كان سويت فيني خير


الله يعطيك العافيه

[متى أشوفك]

جرحٍ خفيف وجرح ساطي .. بالاعماق

............................... وجرح يهد اقصاي .. وانخى .. خـوالي


صح لسان الشاعر


وصح لسانك ياوايلي



والله يعطيك العافيه على القصايد





متى أشوفك