يافاخره بي قلب محتد ( محاوره بيني وبين شاعره )
[align=center]
السلام عليكم
اخواني واخواتي
لايبقي الزمن على حال
والفراق شبح يطارد كل حي
لابد من الفراق ... ويلاه يالقلب
ولاكن الصبر والاحتساب عند الله اجره كبير
وهذي ابيات ارسلتها لمن تملك القلب بحبه في يوم كان هذا اليوم من اجمل ايام العمر
لم يبقى لي سوى الذكريات اعيشها وتعيشني
اقدمها لكم عسى ان تنال اعجابكم
وهي قصيده ارسلتها لتلك التي ينبض قلبي بحبها
وردها علي بقصيده اروع من ماكتبت
اترككم مع القصيد ....
يا فاخـره بـي قلـب محـــــتد
مــن ود وده لا عدمنـــــــــاه
فـي خافـيـات الـروح ســـــرمد
غـرن سـكن باليـوف واقصـــاه
مثـله فـلا قـد شفـت لـي حـــد
ربـي سـداه الحسـن واعطـــاه
نافـل بطبــعه مرهــف الــخد
خجلـت مـن وصـفه ولشبــاه
لــو بالعــدد ماريـت لـه عـــد
واحترت كيف البيت منشــاه
أجمـل مـن احـروف المفــند
والشاعر اللي يصيــغ حصــباه
ومن الخيـال الـخصــب اجــود
رسمــه إله الكــون ســــــــواه
سبحـان ربــي خالــقه فـــــرد
منطــوق يشفـي قلــب يضمـــاه
عريــب مـن خـال ومـن جــــد
نسـل اجــودي والعــمر يفـــداه
يســوى ملــوك الصـين والـهند
مـن مـغربن والســاحل اويـــاه
مايعيضــني غيــره مغـــــــرد
مثــل الغنــا لـو ماتغنــــــــــاه
حكــين يلاطـــف به ويســــرد
وكـل ماتبســم قلــت له . . آه
عــذاب قلــبي نطـــقه الشــــهد
اسمـه خفـى بالقلــب واهجـــاه
مشاعــري ولـي انكتـب جــــد
ياسامــعي والشــر تكفـــــــــاه
لا تبتـــلي مثـــلي وتنـــــــــشد
وتنــوح فـي ليـــلك وتشقــــــاه
تـرى العمــر لـي راح مــــارد
مايــرد والله لـو اتمنـــــــــــــاه
ليــلن ســدل بــي واتـــــــــوقد
يشيـب لي تـوه بــدى اصبــــاه
هــذا ومنــي مدمــــــــعن قـــد
تــرك اثــر بالخــد مانســـــــاه
يالله تجــعل لـي معـــه مــــد
اهـنى بسعـادت عمـري اويـــاه
فــي روضــة ويحفــــــها ورد
مثل الزهر وتقول يابــــــــــــاه
فاخره اسم بنتي - حيث كانت بقربي ساعة اكتب القصيده
كلمات : حارس الليل
000000000000000
ياحــي والله بمزمــلن عــــــــد
عـد وتجــزل بجـــود معنـــــاه
متميـــــزن بالخــط واجــــود
من جــود نظمه تنـور اسمــــاه
قليـــل شعــري لو باعـــــــــدد
فـي حـرف خــطه لا عدمنــــاه
مثايــــــلن مــن حبــــــن وود
عميـق معـنى ســهل تقـــــراه
الـحـر قلــبه دوم يســـــــــمد
شرعـــه اذا يشتـــاق ينصــــاه
ودي اسـولـــف لـــــج واردد
وليــف قلـــبي يحـــــرز الاه
يالفاخــره والقـــلب مــا ارتد
يلعـــي قليـــبي ويــل ويـلاه
مـن غالـــين حبــه تـــــوقــد
ليته رفـــق في حــال مضنـــاه
يالفــاخره ماقــدر على البــعد
عــوت عيــني بحـــلو رويـــاه
عينــي وقلــبي لـه مئـــــــبد
والعمر يرخص حيل فــــــدواه
لـو بالدلــع نــاوي ويقــــصد
مـن ضحكــته اهــوا ثنــــاياه
حــبه نــدين مثلــما الــــورد
صافي مصفا من صفو مـــــاه
طايع ولـو عـني غــدا مــــصد
ولو هو جرح الجرح بــــــدواه
بمــــشي بدربـه كــدن وكـــد
واكــد نفــسي بــدرب ممــشاه
ياذا الهــــــوا قم زيد واعـــد
مايكتـــفي الخــاطر بذكـــراه
طيفه بخيــالي يــروح ويـــرد
يطــفي لهيــبي طــلة محيـــاه
ما فـــارقه مــالـــي عنــه ود
لا صار مالكــني فـدا اعضاه
ملــــــزوم في حــبه ومعــــتد
ولا غـض طرفــي عنه وانساه
مادمت يالشاهين لي مــــــــــود
شيد صرح بالحب لاعــــــــلاه
وعدن قطعـــــته ومنــيه عـــهد
عن غير حــــبك لاهن و لاه
ربـــي يحرســك للفــخر ســد
وابقــى معك دامت لي احيــــاه
الشاعره : .................... اعذروني لعد بوحي بأسمها [/align]
رد مع اقتباس
مواقع النشر (المفضلة)