تـــالي نــهــار

[دروبــــــك يالــــــسهر]

أرجو ان تحوز هذه القصيــدة على اعجابكم ...




تالي نهار وعاتق الشمس مذبوح
والوقت لو تدرين للوقت ذباح
كن السما صوتً من الذعر مبحوح
والليل خيلٍ سود للضي تجتاح
وسحايبٍ فوق الشفق كنها قروح
على جبينٍ ما شكى كثر ما طاح
لاذت عصافير المسا في ذرا الدوح
وتنفس سراج الوهن بين الألواح
حبيبتي ضاق الفضى وين باروح
وان رحت ظلم النفس للنفس ما راح
مجروح ماهو هم لو قلت مجروح
يالله عسى ما اصير في قلبك جراح
تبسمي برقٍ على ثغرك يلوح
بشد له مدام في العمر مـرواح
غزيت وجه الصبح من غير مصلوح
وانكفت دون الشمس هقوات ورماح



دروبــك يالســـهر

[مزاجي]

[hide][align=center]صح لسانك
يالغالي ماشاءالله الشعر في قمة الروعة والله يوفقك انشاء الله

اخوووك مزاجي[/align][/hide]
مزاجـــــ عسل ــــــــــــــــــي

[][..مجـودي..][]

.::دروبــك يالســـهر ::.

اخوي صح السانك ملايين وربي رووعه لاهنت يالغلا

ابـداع يعجز عن وصفـه بالكلمه

تقبل مني جزيل الشكر والتقدير

اخوكـ/

][مجــودي][