علاج ضيقة الصدر بين الماضي والحاضر
في هـذا الموضــوع سآخــذكم في رحله (أتمنى أن تكــون ممتــعه )
في آنجــح الوصفات القديـــمه لعــلاج ضيــقة الصــدر
وقــد وجــدت علاجاتهم تدور بين
( شبة النار وسواة القهوه )
( ورقيت المرقاب )
وروحــةٍ للخــلا (البر)
( وبعضــهم يعــالج الضيـقه بالشعر وجــرة الصــوت! )
ونبــدأ بآكثـر ما تطـرق له الشعّــار كعــلاج لضيــقة الصــدر آلا وهو شبة النــار وســواة القهــوه
يقـول ابــن عبيـكـه الرمـالـي
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
لا ضاق بالي جبـت وقـدة جذاميـر = وشبيـت نـار مثـل نـار الحرابـه
ثم احترفت وجبـت عـوج المناقيـر = علـى سنـا نـار يـزيـد التهـابـه
وصبه علـى مثـل الزبيـدي مغاتيـر = خطر علـى العـذرا تمنـى خضابـه
لاشفّه الطرقـي بلـج بلجـة الطيـر = يزين وجهه عقـب وسـم الخـلا بـه
ان سانعت نحـط كبـش علـى ميـر = وان عاضبـت يسـد قولـة هـلابـه [/poem]
ويقـول مشـاري بــن ربيـعـان
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
لا ضاق صدري جبت نجر وحمـاس = ودلال بـيـض غـالـي مشتـراهـا
قم سو فنجال علـى خمسـة أجنـاس= إحـذر تجـي حرقـة وبالـك نياهـا [/poem]
الـــى آخــــر الـقـصـيـدة
ويقـول زيـد الخشيـم الخـالـدي
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
لا ضاق صدري قمت آسوي من الكيف =فنجـال بـن مـا يغـبـب سريـبـه
بكر على بكـر عـذي عـن العيـف =يطري علي ان نـام خطـو الزريبـه [/poem]
ويـقــول ابــــن هــــذال
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
قم سو فنجان تـرى الـراس منـداش =يا شوق من قرنه على المتن مرجـود
فـي دلـة مربوبـة عدهـا الشـاش =وبهارها موقوم خمسـة عشـر عـود
لـذّات بالدنيـا معامـيـل وفــراش = وصينية يـدرج بهـا العبـد مسعـود[/poem]
ويـقـول تـركـي ابــن حمـيـد
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
يجلي صدى قلبي ضبيـح المهاريـس= لا قـام شـراب الحشايـش يعومـي
ودلال فـوق النـار دايـم مجاليـس =اكرامهـن حـق عليـنـا لـزومـي
من صنعة الصبة وخمـس التحاميـس= بريـة يعمـل بهـا كــل يـومـي
وبهارهـا هيـل بلـيـا حواسـيـس =وكيـف يعـدا للنشامـى القـرومـي [/poem]
ويقول الشاعـر صالـح بـن قبـلان
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
آنا آليا ضاق صدري قلت شبو لي النار= سويـت كيـف مـا يسـوى مثيـلـه
حمسـت بربـه ونـاديـت ببـهـار= ماهـا قـراح جايبـه مــن ثميـلـه [/poem]
ويقـول ابـن صقـيـه التميـمـي
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
آليا ضاق صدري واستحسيت واوحيت = ورقٍ لعى بالصـوت جريـت ونـات
وادنيـت رسـلانٍ ربيبـة وسـويـت =فنجـال ينسينـي جميـع الحساسـات
حمست بنـه فـوق سمـرٍ وشميـت ريحٍ لها من شمتـه خـذت راحـات [/poem]
ويقـول حنـيـف بــن سعـيـدان
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
لا ضاق صدري يم الاصقه تخطيـت = لو كـان مـن دونـه ثمانيـن شبـاب
نجرٍ يصوت كل ما اصبحت وامسيـت =لكـن يندبنـي علـى النـار نــداب [/poem]
ويـــقــــول آخـــــــر
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
لا ضاق صدري جبـت نجـرٍ ودلـه = وسويت مـا يطفـي لهيـبٍ بجاشـي
وان جا المسير عمس عندي دوى لـه = فنجال مـا سـواه خطـو الخداشـي
بكـر علـى بكـر ليـا جيـت آزلـه =يشبه خضـاب مرودعـات النقاشـي
حيـنٍ هشيـم وحيـن نوقـد بجـلـه = ومـر نبهـرهـا ومــر بـلاشـي
معبـريـن كــل وقــتٍ بحـلـه = نصبر على ما كـاد والـرزق ماشـي [/poem]
ويـــقـــول الآخـــــــر
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
ان ضاق بالي جبت ضبـة اجرومـي =ودنيـت مـنـي دلتـيـن ومصـفـاه
ومحماسة تركى علـى النـار دومـي =عقب اللهب من صافي الجمر يصـلاه
واحمس من اللي ماشـراه الغشومـي = نـذ العـرق باركانهـا كـنـه ايــاه [/poem]
العلاج الثاني ( البر والمطاريش )
يقول عواد ابن شامـان الشمـري
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
اليا ضاق صدري من حلوق العصافير= البعد بـه كيفـي وراحـة ضميـري
اسج رجلي مـع طـوال المشاويـر= بعيـد عـن واد العـوى والصفيـري
مالله موازينـي علـى نافـخ الكيـر= يبلش ويبلش به مـن النـاس غيـري[/poem]
ويـــقـــول آخـــــــر
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
ليا ضاق بالـي قلـت دنـو ذلولـي = وحطوا عليهـا كورهـا والقراميـش [/poem]
ويقول الشاعـر سـرور الأطـرش
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
لا ضاق صدري رحت يـمّ الخميلـه =قعدت بالمرقـاب لاجـل الضواحـي
والاه فـي عينـي تلـوح الجميـلـه =والى السما مع كل الآفـاق صاحـي
يوم اقبلت ترعى الحيـا مـع مسيلـه =بدّلـت عقـب الدلبحـة بانبطـاحـي
وبالكف حسنا عـوق تيـس الجميلـه =وقلّطت للمشقاص جمر(ن) ذحاحـي
قلت انهجي لعيـون موضـي سبيلـه =حلفت انا ما ارسل عليـك الذحاحـي
لعيون مـن ينسـع طويـل الجديلـه =ابـو خديـدٍ كنّـه البـرق لاحــي [/poem]
ويقـول آخـر
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
أناآ ليا ضاق صدري أطـوي فراشـي =وأدق سلف المقفص واطوي البيـدي
أجول في كل ديرة وابـرد الجاشـي= وانطح نسيم الهـوا وأدور الصيـدي
فرضاً هواها طليق وينعـش إنعاشـي =في تختخاً ما به إلا الطيـر وابعيـدي [/poem]
ويقـول آخـر
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
لا ضاق صدري رحت للبر حطـاب =وشبيت ناري في صحـاري خلاهـا
وسط الفياض اللي بها أزهار وأعشاب =ريح الخزامـى فايـحٍ فـي مساهـا [/poem]
العلاج الثالث ( رقيت الرجم )
يقول الشاعر عبدالهادي بن راجس السبيعي
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
عـديـت مـرقـاب طـويـل وعـمـلاق =رجـم طويـل يـبـرح الـخـد شـاهـوق
رجـم يوسـع خاطـري كـل مـا ضــاق =مـن عقـب مشرافـي بسميـه مــرزوق [/poem]
ويــــقــــول آخـــــــــر
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
نطيـت رجـمٍ يـوم ضاقـت بـي الطّـرق =ابـي عليـه اشكـي بعـد ضـوح بـرقـا[/poem]
العلاج الرابع ( الشعر وجرت الصوت )
يـقـول شـاعــر مـجـهـول
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
لا ضاق بالي من عنا الوقت واحتار= وتعومس الخاطـر همـومٍ وتفكيـر
فريـت دولاب المثايـل والاشعـار=يالله تدرجهـا علـى مسلـك الخيـر
مـا ينفـع المهمـوم مقعـاد بالـدار= يا كود برٍ يسهجه صبـح وعصيـر
مد النظر والشوف من غير منظـار =بارضٍ خلا إلا من الذيـب والطيـر [/poem]
ويـقـول الغيهـبـان الـمــري
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
ودي اغـنـي وينهـانـي عفيـشـه =وش ابسوي الى مـن ضـاق بالـي
البحر ما الله كتب لـي فيـه عيشـه =جعل رزقي فـوق موميـة الحبـالي
فر فلبي فـر طيـر صـف ريشـه =لا جت امه لا مكانـه منـه خالـي
قرع صدري قرع بيبـان الدريشـه =يوم تقرع من يميـن ومـن شمالـي[/poem]
يقـول الشـاعـر ابــن سبـيِّـل
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
لـولاي أوسـع خاطـري بالتنهـات =وأبصر بحالي مـن خـلاي بخلايـه [/poem]
ويقـول بـنـدر بــن ســرور
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
إن ضاق صدري شفي أمزح بالالحان = والا عـن الـزلات رجلـي ثقيلـه
دنيا نبي تقزيرهـا ضحـك حجـان =وألا تـرى صيـورهـا مستقيـلـه
والرجل غاية ملحتـه قلـب ولسـان =وألا أن باقـي جثـتـه حنضليـلـه [/poem]
:25ar: :25ar: :25ar:
مواقع النشر (المفضلة)