انواع البنات ......واعذروني ياحبايب
نوعية من البنات تشوفها في البيت غير وعند الناس غير ..
على سبيل المثال:
في البيت لو يجي أحد ويناديها .. تقول : هااااااااااااه
لكن خارج البيت (السوق ، الجامعة ، لما ترد على التليفون .. الخ )
تقول: سم او سمي طال عمرك هلا حياتي عفواً ماسمعتك اهلين.... الخ
ليه كذا ليه !! خلك عادي قولي هااااااااه جوا البيت وبرى
2-الملابس:
أنواااااع الخلقنة في البيت .. يعني تلبس بنطلون بيجامة وبلوزة بيجامة !!
لكن اذا طلعت .. لو تدخل مسابقة كان فازت .. بملكة الأناقة..!!
3-خفة النفس:
ونسبتها قليلة جداً (ممكن يكون أكثر تواجدهم في القرى)
يعني أغلب بناتنا عجازات مثل شبابنا ..
بعض البنات من العجز .. حتى العباية ماتلبسها .. تخلي الشغالة تساعدها ..
4-اذا تبون تعرفون البنت فوضوية وإلا مرتبة .. شوفوا شنطتها اليدوية اللي تاخذها معها باستمرار ..
مثلاً شنطة السوق .. بعض البنات الداخل شنطتها مفقود .. والخارج منه مرحوم !! يعني كل شي تلقونة فيذا الشنطة (مناديل ،قراطيس،علوك ، فواتير،غطا روج بدون روج ....الخ)
والبعض الآخر من البنات لااا .. شنطتها أنتكة مثلها
أنتكة= راعية ذوق
5-راعية الحق والواجب:
بعض النساء .. ماشالله عليها راعية حق وواجب مثلاً: زيارات عائلية .. مناسبات .. مساعدات للغير ...الخ ..كلها تقوم فيها
لكن البعض اللآخر .. تقوم بالحق والواجب على حساب زوجها وبيتها وعيالها .. على سبيل المثال:
تضغط على زوجها انه يوديها .. لبنت عم خال جد امها عشان توها ساكنة في بيت جديد ويبي لها زيارة ونزالة بعد .. بزعمها ان اللي تسوية حق وواجب
طيب ليش ماتسوين حق وواجب في زوجك .. وتعفينه من الزيارت اللي مالها داعي
أنا ماأقول انها لاتروح للزيارة .. لكن اذا تهيأت الفرصة لها من الأفضل انها تروح .. لكن مو على حساب شي آخر تقوم بالحق والواجب
6-بعض البنات الله يهديهم مايفرقون بين الطلعة العادية .. والطلعة للجامعة .. والطلعة للسهرة !!!
يعني الميك اب لكل هالطلعات واحد واللبس والشعر كذالك ... يعني وووووووووووين رايحة بالله .. وليييش هالكلافة !! لازم تفرقين بين كل طلعة والآخرى ...
لأن الزين زين لو قام من النوم .. والشين شين لو دعج عيونه (قاعدة ضروريه جداًًًًًًًًًًًً)
7- الدلع :
هذي غريزة في البنت .. يعني البنت اذا محد دلعها .. تدلع نفسها
لكن فيه دلع عن دلع
الدلع اللي يجي على سجيته ..يااااااااااااااااااااحلوة ..
لكن الدلع المصطنع ..وووووووووواااااااااااااااااع ع ع ع ..أصلاً ماودك تحكي مع وحدة تصطنع الدلع.. وياكثرهم اللي من ذا النوعية .
8- البنات النصابات :
يمكن تستغربو لو قلتلكم ان فيه بنات نصابات ..لكن الصدق ينقال .. فيه وياكثرهم .. عليهم نصب ياساااتر...
يعني بعطيكم أمثلة ..
** تدرين ان أسير الشوق بكبرة جا يخطبني .. ورفضت لأنه بيسكني مع اهلة..
** سارة ليه ماجيتي امس للحفلة ..
أمس بصراحة كان زواج بنت خالتي .. كان في انتركونتنتال ..وهي نصابة جاينها خوالها من الديرة.. ولا قدرت تروح للحفلة
(أنواااااع النصب) بس مايجي قطرة في بحر نصب الشباب ( لاحد يزعل )
9- مصلحجيات :
وياااااكثرهم عندنا .. يتلزقون بصورة ميب طبيعية موب لله عشان .. حل واجب وإلا عشان فلان الفلاني يقربلك أو غيرة من المصالح .
10-تحمق :
فيه نوعية من البنات تحمق بسرررررعة .. مثلاً ..لو تقولها .. وش ذا اللونمو حلوعليكي (من باب المزح ) ..عصبت وحمقت
وقالت وش فهمك بالذوق يا قروي .. انت حدك جلابية ...
11-ابقولكم شي في وصف بعض الشباب موب كلهم .. يعني يجيك شاب فـــــــــــــــــي حاااااااااالة ضياع التفكير .. وتجي البنت تقول : شوفي هذا قليل الأدب من الصبح يلاحقنا .. مالت عليه .. ذا البايخ .. ودك من يسنعه .. والولد مووووووو حولها تلاقوونه مسيكين يفكر في شي ثاني
---تكفين شوفي شكلة بس انتي واغسلي يدك .. اصبري علي وبهزئه .. وهووووووا مو يمها الضعيف ... لكن تصير مع البنات كذا .. يظنون ظن سيء فيهم.
12-راعية سوالف:
يووووووووووه هذي النوعية متعبة مررررررة
يعني تجيك الوحدة تسولف تسولف تسولف ماتعطي أحد فرصة انه يحكي وكن مافيه إلا هي ..
13- الضعيفة
فيه بنات ضعيفات لكن موكثير .. هذولي البنات يرضون بأي شيء ..
مالهم رأي ..
كل شي عندها ايه ..
ماتعرف كلمة لا ...
و اذا أحد سألها تكون اجابتها بكلمة (مادري)
ماتناقش .. ولا شي
.
14-فرفووووووووشة و فرووووووحة :
يعني تحب الضحك والفرفشة والتعليق .. ماتعرف النكد والطفش .. وتتعب نفسياً اذا قعدت مع ناس ثقيلين دم
وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك ههههه
15-شايفة نفسها:
يااااكثر البنات اللي شايفات انفسهم .. البعض من البنات يحق لها تشوف نفسها..
.. على ايش شايفة نفسها ... مادري؟؟؟
ماتكلم الناس إلا من طرف خشمها
واذا حكت مع أحد مستحيل تناظرة
غالباً هذي النوعية من البنات ماعندهم سالفة ..
16-راعية الطرب والشكشكة :
هذي النوعية من البنات ماتمشي إلا بمسجلها .. وأشرطتها في شنطتها ..
17-فتاااااانة .. هذي النوعية تحب تشعللها وتحب تشبها بين الناس .. يعني اذا صار موقف او مشكلة تزيد الطين بله
18-التبذير:
أغلب البنات مبذرات .. قليل البنات البخيلات واللي يحافظون على القرش ..
19- غيووووورة :
الغيرة وماأدراك ماالغيرة ..
كل البنات غيورات لكن نسبتها تختلف من وحدة للثانية ..
يعني بعضهم غيرتها سيئه ويبان عليها اما بالنظرات أو بالكلام .. والبعض الآخر لا
---- وغيرة عن غيرة تفرق ------
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة حلوه
لكن البعض الآخر يغاررون ويحشووون ويحقدون وبس وهذي الغيرة مرررة بلهااااا
20-راعية السوق:
هذي دااااااايم دووووم بالسوق ..لو ماتشتري بس تروح للسوق هذي هي هوايتها
ونسبتها ماشالله كبيرة جداً
21-الطبيخة :
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها
22-تتمســــــــكن لين تمكـــــــــن
مايحتاج تفسير لها
23-العناد :
بعض البنات عنيداااااااااااات وممكن انها تسوي شي يخالف عاداتها وتقاليدها عشان تنفذ اللي براسها ..كذا عناد بس
24- أم دميعة :
هذي لو تقولها .. بخ .. تبكي
دمعتها قريبة وعلى طول تبكي
المفروض تصير دمعتها عزيزة عليها موب أي شي يصيحها
بس القهر اذا الوحدة ماتبي تنزل دمعتها عشان موقف وتنزل ذا الدموع غصب
25- ماتخاف:
بعض البنات شخصياتهم قوية مرررررة وماتخاااااف من شي ..
اتمنى اني ما طولت عليكم........................
:frown:
رد مع اقتباس
مواقع النشر (المفضلة)