هلا والله بأشين أعضاء..آآ أقصد أحلى أعضاء..
والله ماأدري وش جايني على المدرسة...بس يالله خلني أسرد لكم سالفتي<<إيه هين سالفة..إلا سوالف!!
تعريف المدرسة...
المدرسه هي مكان لطلب العلم..من الساعة السادسة صباحا إلى الساعة(1,2,12)
اختارو اللي يعجبكم<<لا تصدقون غصبـ(ن) عنكم,,:8ar:
وهو مكان يبغضه الطلاب..لعده أسباب..وبعضهاااا:
أولاً:السبب الرئيسي قومه الصبح...ويعااااانوووون كثييييييير منها جميع الطلاب,حتى المعلمين...
ثانياً:يدخل المعلم عليه في اليوم حصتين أو ثلاث حصص..<<<بيقب علي كويتم..
لاتستعجل لأني ماخلصت الجمله..ثانياً يدخل عليه المعلم حصتين أو
ثلاث حصص..باستثناء كاتم الآهات..<<<كويتم والحين؟؟!:cool:
ثالثاً:أن الطالبة تكره أستاذه..وبتدخل عليهم اليوم حصتين...والطامه الكبرى إذا كانت مربية فصلها..:36ar:
رابعاً:يكون عندها امتحان وما تذكرت إلا يوم راحت للمدرسه..
وإذا جت الحصه<<يدورون النحشه!!$777
وتعال شوف يا يشردون من الحصة..أو أستاذه أنا مصدعة وتعبانة بروح للدكتوره..<<يلعن أم الفلعة!!:8ar:
وإذا قالت الأستاذه امتحني وروحي..عاد أسهل شي يسوونه البنات..
يبكون يا أستاذة تعبانه ماأقدر<<<بالصياح..محد يجي زينا..مافيها كلام!!?:8ar:
خامساً:يكون فيه نوم حده..(جيب زراديه عشان تفتح عيونه)<<زراديه حشى صعيدي هذا!! ?:8ar:
وأنا اليوم صايمه أول يوم لي أصوم الست ونايمه بعد صلاه العشا وقمت الساعة ثنتين الفجر من حلم شفته..الله لا
يوريكم ان شاء الله..:37ar:
ورحت للمدرسة وأنا مواصله وصايمه عاد مسويه نفسي..لو تشوفون خمول وكسل في جسمي تقولون
أني سودانيه.. :38ar: وعلى هستيريا و الهبال على الحصة الثالثه أو الرابعة إلى الثامنه..:34ar:
والله شي مو طبيعي بدت تجيني أفكار وأسئله..ما أدري كيف جتني وفي أوقات غلط..
.أسئله مثلاً..من وين تجي الفكرة؟؟يعني كيف تجي وأنت قاعده مع صديقاتك فجأه تجيك فكرة..كيييف؟؟
ولا إذا حفظنا شي وين يروح شلون يتخزن بالمخ؟؟!طيب فيه ناس يقولون هذي مخها خربان لا تمشين معها..
كيف خربان مايشتغل يعني ولا إيش؟؟!
ولا بنص حصه التفصيل..وش سالفة الشيعيين؟؟! ..من وين طلع لهم ذالمذهب..
حنا درسنا بس مو كل شي عنهم..<<أنتو ملاحظين أن السؤال هذا جا بحصة التفصيل؟؟!
مع أن مافيه أي رابط مشترك!!
وفي حصه التاريخ "أهم شي..الأستاذة خفيفة دم تنكت وتعلق"يعني ميانه معها..
سرحت أتذكر مواقف صارت لي مع الصعلوكه بنت عمتي لحظات حلوة وتضحّك<<أصلا كل المواقف موتضحك تفطس ضحك
…ابتسمت..وسألتني شعندك شاقه البسمة..
قلت وانا لسى مبتسمة:..يالله صباخ خير نعبس..بعدين قلت "الإبتسامه في وجه أخيك صدقه"..<<بأسلوب مزح…
قالت:ابتسامه..موشاقتها من خد لي خد…
واليوم أستاذة الدين داخلة وهي تهزئ..:8ar:
"من أول حصة دخلت علينا وهي كذا"..الظاهر أنه طبعها..
بس على إيش والله أننا ماندري…بس خلاص صار "طي شبيعي"<<تقصد شي طبيعي…:8ar:
إيه بنت عمتي اللي أصغر مني (أم "86"كيلو) ?تبيني..دقت الباب وسلمت وقالت أستاذة ممكن "سنّو" شوي..
الأبله مافهمت وشو "سنّو" لأن دايماً ماينادوني باسمي...ينادوني بـ"سنّو"..
قالت:إيش؟؟ قلت:أنا ياأستاذه تبيني..
قالت الأستاذه:لأ..
قالت (أم"86"كيلو):أستاذة أبغاها ضروووري..ماسمعت الأستاذة.
.قالت لها وحدة من زميلاتي اللي قريبه من الباب:أستاذه تقول تبيها ضروووري..
قالت:لأ..ووقفي.... :8ar:
وقفت البنت مسكينه ماسوت شي!!:8ar:
وبعدين قالت:أنتو ليش ماتحترموني,أنا جايه أدرسكم..يعني أقل شي احترموني لأني معلمه..
"وقسم بالله أن ماسوينا شي لها بس عشان البنت قالت لها أن تبيها ضروري"..
قالت الأستاذة بكل براااااءة:أنا جرحتكم بشي؟؟ غلطت عليكم؟؟
يوم لفت الأستاذه على المجموعه الثانيه والأستاذة تتكلم تقول غلطت عليكم سبيتكم شتمتكم؟؟
وصديقتي تهز راسها فوق وتحت يعني إيه كل ماقالت شي هزت راسها..:8ar:
عاد لفت الأستاذه وشافتها وهي تهز راسها..:38ar:
قالت:أنا سويت لكم شي؟؟(مع شهقه)..
قامت صديقتي هزت راسها يعني لأ..:38ar:
واحنا شفنا ويامالنا بعد من السب..
آخرها قومت بنت"أمل"..في حصة "القرآن الإضافي"قالت لها سمعي..
قالت أمل:أنا سمعت..
بعدين قالت الأستاذه:أنا شفت وقاحة بس وقاحة زي وقاحتكم ما شفت,,
إذا ماربوكم أهلكم أنا أربيكم....<<بالله ذا كلام ينقال الحين البنت قالت سمعت على نياتها تعتبر وقاحة..صراحة عيب..
..أدري محد مصدقني.."قسم بالله أنها قايله كذا..بالله أبتبلى عليها أنا؟؟"
رجعت وقالت يا"دانه" لازم تسمعين وهي تطالع بأمل..:8ar:
ودوينه جنبي..عاد دانه حسااااسه دمعتها زي السلام عليكم..
(:tongue: <<<وجهه مسحوب من عالجنب..خاايس)
سمعت بعد وخافت أنها تهزئها زياده قالت دوينه:أستاذه والله أني سمّعت,
والحين نسيت الآيات!!<< البنت شوي وتصيح..:8ar: :8ar:
وأنا ماقدرت أستحمل وفطست ضحك من قلب..المشكله أنا مؤدبه عند الأستاذة وهي تحبني <<صايرة مصريه بحصتها....:8ar:
قالت لي:ليش تضحكين"بوجه مبتسم"؟؟
قلت أستاذه هذي دانه"وأشر عليها جنبي"..:8ar:
رجعت لأمل قالت ليش وقفتي أنت..قالت أمل:أستاذه أنت وقفتيني!!:38ar:
قالت طيب جلسي يا أمل<<حساويه الأستاذه..
وقومت دانه ومرة ثانيه دوينه كانت شوي وبتصيح..:8ar:
وأهم شي أنه كان باقي ثلاث دقايق وتنتهي الحصه..وأنا ماقدرت أمسك نفسي..أحاول أكتم ضحكتي بس ماقدرت..
أنا ماأقدر أكتم الضحكة أبـــد!! لو إيــش ..بس فيه حالات لازم أمسك نفسي!!!
بعد ماخلصت الحصة رحت لها واعتذرت لها لأني ضحكت,والحمدالله سامحتني وماشالت علي لأن لو زعلت علي رحت وطــي...
"تعرفون النظام الحين كيف!!"..<<أقول لكم مصريه بأدب..:8ar:
وقبل الإجازة عطتنا بحث قالت تجيبونه بعد الإجازة..
عاد يوم السبت أنا غايبه..الناس الساعة 6يروحون الدوام وأنا توني أدخل أنام..
تقول لي صديقتي أول مادخلت سلمت وعلى طوووول استلمتنا تهزيء..<<لا تقولون مافيه معلمات كذا..إلا فيه!!
عشان فيه بنات ماجابو البحث.."(ياناااس توه العيد له أربع أيام!!)"...
بس التهزيء أخذ الحصة كلها..تقولون بنت تأخرت عن الحصة..ولا راددت الأستاذة...
ويوم دق الجرس قبل ماتطلع قالت كل عام وأنتو بخير..:8ar:
البنات مستانسين عليها..تهزيئها يفطس ضحك...:8ar:
...وسلااامتكــم...
المشاركة الأصلية كتبت بواسطة الصغيرووونة
مواقع النشر (المفضلة)