{{ أبوي وينه يا30 شعبان ؟ }}
هذي قصيدهـ
النــــــادرة
اعجبتني فأتمنى ان تنال اعجابكم
ابـوي وينـه ياثلاثيـن شعبـان ؟
ابسألـك وشفيـك عنـي خذيتيـه ؟
خـذاه ليـلٍ لـوع القلـب حرمـان
راح وقعدت ابكي مع الوقت وارثيـه
ضاقت عليك إلا خذيتـي كحيـلان ؟
اللي علـى كـل المراجـل مباديـه
زعيم ربعه بالوفـاء طيـر حـوران
يشهد بطيبـه يامـلا فعـل اياديـه
نزيه عرضٍ مامشـاء درب نقصـان
ماقد شكو شينـه محـارم عوانيـه
تشهد على طيبه عوانـي وجيـران
وتشهد له الشافه ومنهـو مخاويـه
للضيـف والخطـار ماصـك بيبـان
يحق لي ياليـل يـوم افتخـر فيـه
خذاه عودٍ كم خذا رووس شجعـان!
اخذه وعنـي غيبـه فـي نواحيـه
ذقت الزهد في غيبته ذقت الأحـزان
وقلبي عطيبٍ صالـي الهـم كاويـه
اصبحت انـا ويـا المعانـاه خـلان
نمشي على درب المقاديـر نطويـه
نشكي بعضنا نكتب الحـزن قيفـان
نبكي زمان الويـل نشكـي بلاويـه
في وحدتي عانيت من جور الازمـان
اضحك واجامل واجحد الضيق واخفيه
حزني سكني صرت له ارض واوطان
وصدري بحر وهموم قلبي موانيـه!
وجروح قلبي ناجت الذيب سرحـان
يشكي عواها جوف صدر ومحانيـه!
ياليـل قلبـي تشتعـل فيـه نيـران
لامن خطر بالبـال ذكـره وطاريـه
ذكر العضيد اللي تحاشـاه عـدوان
عزي وتاجي كان قمت اعتزي فيـه
ياليل تكفا جـاوب القلـب وجعـان
ابنشدك ياليـل وشهـي مواريـه ؟!
اسمع بصيتـه مالمحتـه بالأعيـان
وسط المهـد راح وتركنـي اناديـه
اقول يابابـا مـن اعمـاق ولسـان
عندي امل يرجع واشوفه والاقيـه !
لكن عزاي انه كمـا حـر شيهـان
ذكره فخرنـا عزنـا فـي مماشيـه
عسـى منازيلـه بـروحٍ وريحـان
عند الولي من صالي النـار ينجيـه
والعـذر منّـك ياثلاثيـن شعـبـان
ليلك حزيـن ونكرهـه ماندانيـه !!
،،،،
قلـب
النادرة
* المقصود (بعودٍ) / مقبرة العود
رد مع اقتباس
مواقع النشر (المفضلة)